4 സ്പെഷ്യല് ട്രെയിനുകള് സ്ഥിരപ്പെടുത്തി; ഒരു ട്രെയിന് പാലക്കാട്ടേക്ക് നീട്ടി, തിരഞ്ഞെടുപ്പ് സമ്മാനം
കേരളത്തിലെ ട്രെയിന് യാത്രക്കാര്ക്ക് തിരഞ്ഞെടുപ്പ് കാലത്ത് സന്തോഷ വാര്ത്ത. നാല് സ്പെഷ്യല് ട്രെയിനുകള് സ്ഥിരപ്പെടുത്താന് റെയില്വെ ബോര്ഡ് തീരുമാനിച്ചു. മംഗളൂരുവില് നിന്ന് കോഴിക്കോട് വരെ സര്വീസ് നടത്തിയിരുന്ന ട്രെയിന് പാലക്കാട്ടേക്ക് നീട്ടാനും തീരുമാനം. ദിനേന ആയിരക്കണക്കിന് ആളുകള്ക്ക് ആശ്വാസമാകുന്ന തീരുമാനമാണിത്. എല്ലാം അണ് റിസര്വ്ഡ് ട്രെയിനുകളാണ് എന്നതാണ് എടുത്തു പറയേണ്ട കാര്യം.
തിരുവനന്തപുരം നോര്ത്തില് നിന്ന് മംഗളൂരു ജങ്ഷന് വരെ സര്വീസ് നടത്തുന്ന പ്രതിവാര അന്ത്യോദയ എക്സ്പ്രസ് സ്ഥിരപ്പെടുത്തി. ആധുനിക സൗകര്യങ്ങളില്, സാധാരണ ടിക്കറ്റ് നിരക്കില് കേരളത്തില് ഉടനീളം യാത്ര ചെയ്യാന് സാധിക്കുമെന്നതാണ് ഈ ട്രെയിനിന്റെ പ്രത്യേകത. 16313 നമ്പറിലുള്ള ട്രെയിന് മാര്ച്ച് 16 മുതല് പതിവാക്കി ഉത്തരവിറങ്ങി.
തിങ്കളാഴ്ച തിരുവനന്തപുരം നോര്ത്തില് നിന്ന് വൈകീട്ട് 5.15നാണ് അന്ത്യോദയ എക്സ്പ്രസ് സര്വീസ് തുടങ്ങുക. ചൊവ്വാഴ്ച രാവിലെ 6.50ന് മംഗളൂരുവിലെത്തും. 16314 എന്ന നമ്പറിലുള്ള മംഗളൂരു ജങ്ഷന്-തിരുവനന്തപുരം നോര്ത്ത് ട്രെയിന് ചൊവ്വാഴ്ച വൈകീട്ട് 6 മണിക്ക് പുറപ്പെടും. ബുധനാഴ്ച രാവിലെ 7.15ന് തിരുവനന്തപുരത്തെത്തും. 16 ജനറല് സെക്കന്ഡ് ക്ലാസ് കോച്ചുകളുണ്ട് എന്നതാണ് ഈ ട്രെയിനിന്റെ പ്രത്യേകത.
പാലക്കാട്-കണ്ണൂര് എക്സ്പ്രസ് ഇനി മുതല് സ്ഥിരമായി സര്വീസ് നടത്തും. നിലവില് സര്വീസ് നടത്തുന്ന ഈ ട്രെയിന് സ്പെഷ്യല് ട്രെയിന് എന്ന നിലയിലാണ് ഓടിയിരുന്നത്. 16611 നമ്പറിലുള്ള ട്രെയിന് പാലക്കാട് ജങ്ഷനില് നിന്ന് കണ്ണൂരിലേക്കാണ് ദിനേന സര്വീസ് നടത്തുന്നത്. പാലക്കാട് നിന്ന് ഉച്ചയ്ക്ക് 1.50ന് പുറപ്പെട്ട് കണ്ണൂരില് വൈകീട്ട് 7.25ന് എത്തിച്ചേരും.
മംഗളൂരു എക്സ്പ്രസ് പാലക്കാട്ടേക്ക് നീട്ടി
മംഗളൂരു സെന്ട്രലില് നിനന്് കോഴിക്കോട് വരെ ദിനേന സര്വീസ് നടത്തിയിരുന്ന 16610 നമ്പറിലുള്ള എക്സ്പ്രസും സ്ഥിരപ്പെടുത്തിയിട്ടുണ്ട്. മംഗളൂരുവില് നിന്ന് പുറപ്പെട്ട് കോഴിക്കോട് വരെ മാത്രം സര്വീസ് നടത്തിയിരുന്ന ഈ ട്രെയിന് ഇനി പാലക്കാട് വരെ സര്വീസ് നടത്തും. 5.15ന് മംഗളൂരുവില് നിന്ന് പുറപ്പെടും. 10.10ന് കോഴിക്കോട് എത്തുന്ന ട്രെയിന് 1.05ന് പാലക്കാടെത്തും.
കണ്ണൂരില് നിന്ന് കോഴിക്കോട് വരെ ദിനേന സര്വീസ് നടത്തുന്ന 56632 നമ്പറിലുള്ള പാസഞ്ചര് ട്രെയിന് സ്ഥിരപ്പെടുത്തിയിട്ടുണ്ട്. കൂടാതെ എറണാകുളം-കോട്ടയം റൂട്ടിലുള്ള പാസഞ്ചര് ട്രെയിനും സ്ഥിരപ്പെടുത്തി. ഈ ട്രെയിന് ശനി, ഞായര് ദിവസങ്ങള് ഒഴികെ അഞ്ച് ദിവസമാണ് സര്വീസ്. വിദ്യാര്ഥികള്, തൊഴിലാളികള്, സര്ക്കാര് ജീവനക്കാര്, ബിസിനസുകാര് എന്നിവര്ക്കെല്ലാം ഇത് നേട്ടമാകും.
മേല്പ്പറഞ്ഞ ട്രെയിനുകളെല്ലാം സര്വീസ് തുടങ്ങിയിട്ട് മാസങ്ങളായി എങ്കിലും സ്ഥിരപ്പെടുത്തുന്നത് ഇപ്പോഴാണ്. സ്ഥിരപ്പെടുത്തണം എന്ന ആവശ്യം ഏറെ നാളായി എംപിമാരുടെ ഭാഗത്ത് നിന്ന് ശക്തമാണ്. നിയമസഭാ തിരഞ്ഞെടുപ്പ് അടുത്ത സാഹചര്യത്തില് റെയില്വെ എടുത്ത തീരുമാനം ഏറെ ആശ്വാസകരമാണ്.
-
ഈ രണ്ട് ജില്ലകള് വളരെ പിന്നാക്കം; മതാന്ധതയും വിപ്ലവവും മാറ്റിവച്ച് ചിന്തിക്കണം എന്ന് നടി ലക്ഷ്മി പ്രിയ -
അരൂർ-തുറവൂർ എലിവേറ്റഡ് ഹൈവേ; പദ്ധതി വൈകിച്ച് കെഎസ്ഇബിയും എൻഎച്ച്എഐയും, യാത്രക്കാർ ദുരിതത്തിൽ -
'ദിലീപിൻ്റെ വീട്ടിൽ നിന്നും ഇറങ്ങുമ്പോൾ മഞ്ജു വാര്യർ അവസാനമായി പറഞ്ഞത്..'ഭാഗ്യലക്ഷ്മി പറഞ്ഞത് -
'മഞ്ജു വാര്യർ പാവം, അസൂയപ്പെട്ടിട്ട് എന്ത് കാര്യം,നിർബന്ധം ഒറ്റക്കാര്യത്തിൽ മാത്രം';ദിലീപിൻ്റെ വാക്കുകൾ -
"കോഴിക്കോട്ടെ ഫ്ലാറ്റ് കേന്ദ്രീകരിച്ച് സിനിമാക്കാരുടെ ആഭാസത്തരം, ജോയ് മാത്യു പോലും രഞ്ജിത്തിനെ കാണാൻ പോയില്ല" -
ബെംഗളൂരു സിൽക്ക് ബോർഡ് ഡെബിൾ ഡെക്കർ ഫ്ലൈഓവർ ഇനിയും വൈകുമോ? തലവേദന തീർക്കുന്നത് ഇത് -
സൗദി അറേബ്യ എന്തിനുള്ള പുറപ്പാടാണ്; എത്തിച്ചത് 23000 പാക് സൈനികരെ, ഇറാന് ചര്ച്ച പൊളിഞ്ഞു -
ലുലു ഗ്രൂപ്പിന് രണ്ടാമത്തെ ഭൂമിയും നഷ്ടമായേക്കും; നിയമക്കുരുക്കില് പെട്ട് വന് പദ്ധതി, പ്രതിഷേധം -
ഡോളറിന് കിട്ടിയത് എട്ടിന്റെ പണി...! സ്വര്ണത്തിന് ഇനി കുതിപ്പിന്റെ കാലം, വില കൂടാന് പോകുന്നു -
സ്വർണ വില 2ശതമാനം ഇടിഞ്ഞു; ഇനിയും കുറയും.. അര പവൻ 25,000 രൂപയ്ക്ക് വാങ്ങാനാകുമെന്ന് കരുതുന്നുണ്ടോ? -
കാത്തിരുന്ന രാജയോഗം നാളെ മുതല്.. വിഷുക്കാലത്ത് സൗഭാഗ്യപ്പെരുമഴ; ഈ രാശിക്കാരാണോ? -
പാകിസ്ഥാനിലെ യുഎസ്-ഇറാൻ ചർച്ച പരാജയം; പിന്നാലെ റഷ്യയുടെ എൻട്രി, മധ്യസ്ഥത്തിന് സന്നദ്ധത അറിയിച്ച് പുടിൻ
Click it and Unblock the Notifications
Sign in with Google