ബുള്ളറ്റ് ട്രെയിന് വരുന്നു 350 കിലോ മീറ്റര് വേഗതയില്; കൂടുതലും ഈ സംസ്ഥാനത്ത് കൂടെ
ന്യൂഡല്ഹി: രാജ്യത്തെ ട്രെയിന് യാത്രയില് വിപ്ലവം സൃഷ്ടിക്കാന് ബുള്ളറ്റ് ട്രെയിന് വരുന്നു. മുംബൈ-അഹമ്മദാബാദ് അതിവേഗ ഇടനാഴിയിലാണ് ട്രെയിന് സര്വീസ് നടത്തുക. രാജ്യതലസ്ഥാനമായ ഡല്ഹിയുമായി ഈ റൂട്ട് ബന്ധിപ്പിക്കും. ഈ വേളയില് കൂടുതല് നേട്ടം കൊയ്യുക രാജസ്ഥാന് ആയിരിക്കും. കാരണം, പാതയുടെ ഭൂരിഭാഗവും കടന്നുപോകുക രാജസ്ഥാനിലൂടെ ആയിരിക്കും.
മുംബൈ-അഹമ്മദാബാദ് റൂട്ടില് 508 കിലോമീറ്ററിലാണ് അതിവേഗ പാത നിര്മിക്കുന്നത്. ഇതില് 300 കിലോമീറ്റര് നിര്മാണം പൂര്ത്തിയായി. ബാക്കി പുരോഗമിക്കുകയാണ്. 350 കിലോമീറ്റര് വേഗതിയാകും ബുള്ളറ്റ് ട്രെയിന് ഈ റൂട്ടില് സര്വീസ് നടത്തുക. അഹമ്മദാബാദിലും ഡല്ഹിക്കുമിടയില് നിര്ദേശിക്കപ്പെട്ട ബുള്ളറ്റ് ട്രെയിന്റെ പാത 878 കിലോമീറ്ററാണ്. ഇതില് 75 ശതമാനവും രാജസ്ഥാനിലൂടെ കടന്നുപോകും.
ഡല്ഹി-അഹമ്മദാബാദ് അതിവേഗ റെയില് ഇടനാഴിയുടെ ഡിപിആര് തയ്യാറാക്കി വരികയാണ് എന്ന് കഴിഞ്ഞ ഫെബ്രുവരിയില് റെയില്വെ മന്ത്രി അശ്വനി വൈഷ്ണവ് പാര്ലമെന്റിനെ അറിയിച്ചിരുന്നു. എന്നാല് ഡിപിആര് ഇതുവരെ പരസ്യമാക്കിയിട്ടില്ല. രാജസ്ഥാനിലെ നാഗോര് ജില്ലയില് പാതയുടെ നിര്മാണം പുരോഗമിക്കുകയാണ്. ജോധ്പൂര് റെയില്വെ ഡിവിഷന് കീഴിലാണ് ഈ ഭാഗം വരിക.
അതിവേഗ റെയില് ഇടനാഴിയുടെ 657 കിലോമീറ്റര് രാജസ്ഥാനിലൂടെയാണ് കടന്നുപോകുക. സംസ്ഥാനത്തെ ഏഴ് ജില്ലകളിലൂടെയാണ് പാത വരുന്നത്. 335 ഗ്രാമങ്ങളെ തൊട്ടാണ് പാത. അല്വാര്, ജയ്പൂര്, അജ്മീര്, ഭില്വാര, ചിറ്റൂര്ഗഡ്, ഉദയ്പൂര്, ഡങ്കര്പൂര് എന്നീ ജില്ലകളിലൂടെ കടന്നുപോകുന്ന പാതയില് 9 സ്റ്റേഷനുകള് സ്ഥാപിക്കും. അതേസമയം, ജോധ്പൂര് നഗരം ബുള്ളറ്റ് ട്രെയിന് പ്രൊജക്ടിന്റെ ഭാഗമാകുന്നില്ല.
ട്രെയിന് ടിക്കറ്റ് നിരക്ക് ഇന്ന് മുതല് വര്ധിക്കും
ജൂലൈ ഒന്ന് മുതല് രാജ്യത്ത് ട്രെയിന് ടിക്കറ്റ് നിരക്ക് വര്ധിക്കും. ദീര്ഘദൂര ട്രെയിനുകളില് സെക്കന്റ് ക്ലാസ് ടിക്കറ്റ് നിരക്കുകളാണ് വര്ധിക്കുക. എസി കോച്ചുകളില് കിലോമീറ്ററിന് 2 പൈസ എന്ന നിരക്കിലാണ് കൂടുക. എസി ഇല്ലാത്ത കോച്ചുകളില് കിലോമീറ്ററിന് ഒരു പൈസയും. ഹൃസ്വ ദൂര യാത്രക്കാര്ക്ക് ടിക്കറ്റ് നിരക്ക് വര്ധിക്കില്ല.
സെക്കന്റ് ക്ലാസില് 501 കിലോമീറ്റര് മുതല് 1500 കിലോമീറ്റര് വരെയുള്ള യാത്രയ്ക്ക് 5 രൂപയാണ് വര്ധിക്കുക. 1501-2500 കിലോമീറ്റര് യാത്രയ്ക്ക് 10 രൂപ കൂടും. 2501-3000 കിലോമീറ്റര് യാത്രയ്ക്ക് 15 രൂപയും വര്ധിക്കും. അതായത്, ദീര്ഘദൂര യാത്രക്കാരെയാണ് ടിക്കറ്റ് നിരക്ക് വര്ധന ബാധിക്കുക എന്ന് ചുരുക്കം. 2022ലാണ് ഇതിന് മുമ്പ് ട്രെയിന് ടിക്കറ്റ് നിരക്ക് വര്ധിപ്പിച്ചിരുന്നത്.
റിസര്വേഷന് ഫീസ്, സൂപ്പര്ഫാസ്റ്റ് സര്ച്ചാര്ജ് എന്നിവ കൂടില്ല. സീസണ് ടിക്കറ്റ് നിരക്കും വര്ധിക്കില്ല. റിസര്വേഷന് ചാര്ട്ട് നേരത്തെ തയ്യാറാക്കാന് റെയില്വെ തീരുമാനിച്ചിട്ടുണ്ട്. ഇതുവരെ ട്രെയിന് പുറപ്പെടുന്നതിന്റെ നാല് മണിക്കൂര് മുമ്പാണ് ചാര്ട്ട് പുറത്തുവിട്ടിരുന്നത്. ഇനി എട്ട് മണിക്കൂര് മുമ്പ് ചാര്ട്ട് പുറത്തുവിടും. ടിക്കറ്റ് ഉറപ്പാണോ എന്ന് യാത്രക്കാര്ക്ക് നേരത്തെ അറിയാന് ഇത് സഹായിക്കും.
-
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
'കോട്ടാത്തലേ, ചാണകപ്പുഴു..പേപ്പട്ടികള് കെട്ടിയിട്ടിടത്തു നിന്ന് കുരയ്ക്കും';അഖിൽ മാരാർക്കെതിരെ ഷിയാസ് കരീം -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
"ഞാൻ ബീഫ് കഴിക്കും, അതിലിപ്പോ എന്താ?" തുറന്ന് പറഞ്ഞ് ബിജെപി നേതാവും നടനുമായ കൃഷ്ണകുമാർ -
ഇറാനിൽ കനത്ത വ്യോമാക്രമണം; ഏറ്റവും വലിയ വിമാനവാഹിനിക്കപ്പൽ വിന്യസിച്ച് അമേരിക്ക -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
വിജയ് 'പുറത്താകുമോ'; താരത്തെ വെട്ടിലാക്കി സംഗീതയുടെ അടുത്ത ഹര്ജി, 'താന് എവിടെ താമസിക്കും' -
ഇടിത്തീ! ഗാർഹിക സിലിണ്ടർ വില കുത്തനെ കൂട്ടി; സാധാരണക്കാർക്ക് വൻ പ്രഹരം -
Women's Day Malayalam Wishes: വീണ്ടുമൊരു വനിതാദിനം കൂടി, ആശംസകള് അറിയിക്കാം -
ശമ്പളം കൂടുന്നു; 2024 ജൂലായ് ഒന്നുമുതൽ മുൻകാല പ്രബല്യത്തോടെ കിട്ടും..പെൻഷനും വർധിക്കും -
സൗദി അറേബ്യ, ഖത്തര് 'ഫോഴ്സ് മഷര്' എടുത്തേക്കും; 3 രാജ്യങ്ങളില് ചര്ച്ച, അമേരിക്ക കുടുങ്ങും
Click it and Unblock the Notifications
Sign in with Google