കോടമഞ്ഞിൽ കുളിച്ച് നിൽക്കുന്ന സഞ്ചാരികളുടെ സ്വപ്ന ഭൂമിയായ മൂന്നാർ; വെറും 1430 രൂപയ്ക്ക് 2 ദിവസത്തെ യാത്ര
വിശാലമായ തേയിലത്തോട്ടങ്ങള്, മനോഹരമായ ചെറു പട്ടണങ്ങള്, വളഞ്ഞുയര്ന്നും താഴ്ന്നും പോവുന്ന പാതകള് കോടമഞ്ഞു, ഇടയ്ക്കൊരു ചാറ്റൽ മഴയും അതാണ് മൂന്നാർ..യാത്രാ പ്രേമികളെ സന്തോഷിപ്പിക്കാൻ ഇതിൽ കൂടുതൽ എന്ത് വേണമല്ലേ? എന്നാൽ തയ്യാറായിക്കോളൂ, പറയുന്നത് മലപ്പുറം കെ എസ് ആർ ടി സി ബജറ്റ് ടൂറിസം സെല്ലാണ്. കുറഞ്ഞ ചെലവിൽ രണ്ട് ദിവസത്തെ യാത്രയാണ് കെ എസ് ആർ ടി സി ഒരുക്കുന്നത്.
സഞ്ചാരികളുടെ സ്വപ്ന ഭൂമിയായ മൂന്നാർ മൂന്ന് ആറുകളായ മുതിരപ്പുഴ, നല്ലതണ്ണി, കുണ്ടള എന്നിവയുടെ സംഗമസ്ഥാനമാണ്. തെക്കേ ഇന്ത്യയിലെ ബ്രിട്ടീഷ് ഭരണാധികാരികളുടെ വേനല്ക്കാല സുഖവാസ കേന്ദ്രമായിരുന്നു മൂന്നാര്. പുല്മേടുകളും, ഷോലക്കാടുകളും തേയിലത്തോട്ടങ്ങളുമാണ് മൂന്നാറിന്റെ പ്രകൃതിഭംഗി ഒരുക്കുന്നത്. മലപ്പുറം ഡിപ്പോയിൽ നിന്നും എല്ലാ ശനിയാഴ്ചയും രാവിലെ നാല് മണിക്കാണ് യാത്ര പുറപ്പെടുക. ഒന്നാം ദിവസം തട്ടേക്കാട്, കുട്ടമ്പുഴ,മാമലക്കണ്ടം,കൊരങ്ങാടി, മാങ്കുളം,ആനക്കുളം, ലക്ഷ്മി എസ്റ്റേറ്റ്, വഴിയാണ് മൂന്നാറിലേക്ക് എത്തുക. അന്ന് രാത്രി കെ എസ് ആർ ടി സിയുടെ സ്ലീപ്പർ ബസിലാണ് താമസ സൗകര്യം.
രണ്ടാം ദിവസം പ്രഭാത ഭക്ഷണവും കഴിച്ച് രാവിലെ 9 മണിയോടെ യാത്ര തുടങ്ങും.
ആദ്യം പോകുക ടീ മ്യൂസിയത്തിലേക്കാണ്. 100 രൂപയാണ് ഇവിടേക്കുള്ള ടിക്കറ്റ് ഫീ. അതുകഴിഞ്ഞ് നേരെ മാട്ടുപെട്ടി ഡാമിലേക്ക്. മൂന്നാറിനു സമീപം തമിഴ്നാട് അതിർത്തിയോടുചേർന്ന് കിടക്കുന്ന ഉയർന്ന കുന്നുംപ്രദേശത്താണ് ഈ ഡാം സ്ഥിതി ചെയ്യുന്നത്. കേരളത്തിലെ ഏറ്റവും പഴക്കമുള്ള ഡാം കൂടിയാണ് മാട്ടുപ്പെട്ടി ഡാം.ഇവിടെ നിന്ന് മൂന്നാറിൽ ഏറ്റവും അധികം വിനോദസഞ്ചാരികൾ എത്തുന്ന മാട്ടുപെട്ടി എക്കോ പോയിന്റിലേക്ക്. ഫോറെസ്റ്റ് ഫ്ലവർ ഗാർഡൻ,ഗവണ്മെന്റ് ബോട്ടാണി ക്കൽ ഗാർഡൻ, സിഗ്നൽ പോയിന്റ്, ലോക്ക് ഹാർട്ട് വ്യൂ പോയിന്റ്,ഗ്യാപ് റോഡ് വ്യൂ,മലൈകല്ലൻ കേവ്, പെരിയ കനാൽ വാട്ടർ ഫാൾസ്, ഓറഞ്ച് ഫാം,ആനയിറങ്ങൽഡാം വ്യൂ എന്നിവയാണ് അന്ന് പോകുന്ന മറ്റ് സ്ഥലങ്ങൾ. തുടർന്ന് തിങ്കളാഴ്ച പുലർച്ചയോടെ വണ്ടി മലപ്പുറത്ത് തിരിച്ചെത്തും.
പോയി വരാനുള്ള ബസ് ചാർജ് , രാത്രിയിലെ താമസത്തിന്റെ ചാർജ് , രണ്ടു ദിവസത്തെയും സൈറ്റ് സീയിംങ് ചാർജും ഉൾപ്പെടെ ഒരാളിൽ നിന്നും 1430/- രൂപയാണ് (ഭക്ഷണവും, എൻട്രി ഫീസും ഉൾപ്പെടില്ല) ചാർജ് ഈടാക്കുന്നത്. കൂടുതൽ വിവരങ്ങൾക്ക് 9446389823,9995726885 എന്നീ നമ്പറുകളിൽ ബന്ധപ്പെടാം.
-
വിഷുവിന് രാജാക്കന്മാരെ പോലെ വാഴാന് പോകുന്ന രാശിക്കാര്; നിങ്ങളുമുണ്ടോ? -
തൊഴില്പരമായി ധാരാളം മത്സരങ്ങള് നേരിടും, വിലപ്പെട്ട രേഖകള് നഷ്ടപ്പെടാം, രോഗങ്ങള്ക്കു സാധ്യത, നാൾഫലം -
ചന്ദ്രൻ രാശിമാറുന്നത് വെറുതെയല്ല; ഈ രാശിക്കാരുടെ പ്രണയത്തിൽ പുരോഗതി, ഒപ്പം സമ്പത്തും ആഡംബരവും -
'ഒന്നും പറയാതിരുന്നതിന് കാരണം ആ ഭയം';വീണ്ടും വീഡിയോയുമായി കിച്ചു സുധി..'ഇനി കാണാൻ അനുവദിക്കുമോയെന്ന അറിയില്ല'' -
'മഞ്ജു വാര്യർ ദിലീപിന് മെസേജ് അയച്ചു, നൽകിയത് വളരെ മോശം മറുപടി..'; പക്ഷെ നടൻ പറഞ്ഞത് മറ്റൊന്ന് -
സ്വര്ണവില കുത്തനെ താഴേക്ക്; ആഭരണം വാങ്ങുന്നവര് അറിയേണ്ട കാര്യം, രൂപ കുതിച്ചു, പവന് വില -
'വല്ലാത്ത തിളപ്പ് എടുക്കല്ലേ സഖാവെ,പിഷാരടിയെ തടഞ്ഞത് എന്തിനെന്ന് അന്വേഷിക്ക്';അഖിൽ മാരാർ -
മഞ്ജു വാര്യരും ദിലീപും വീണ്ടും ഒന്നിച്ചൊരു സിനിമ? നടൻറെ വാക്കുകൾ..മഞ്ജുവിൻ്റ മറുപടി ഇങ്ങനെ -
'മഞ്ജുവിന്റെ കുടുംബം തകർക്കുക കാവ്യയുടെ ജീവിത ലക്ഷ്യം, തുടക്കം മുതൽ ലക്ഷ്യമിട്ടത് ദിലീപിനെ'; വിമർശനം -
സ്വർണ വില ഇന്ന് ചതിച്ചു; ജ്വല്ലറികളിലേക്ക് പോകാൻ നിൽക്കുകയാണോ? ഇന്നത്തെ ഗ്രാം, പവൻ നിരക്ക് അറിയാം -
യുഡിഎഫിന് സീറ്റ് കുറഞ്ഞു.. എല്ഡിഎഫിന് തിരിച്ചുവരവ്; പുതിയ ലോക്പോള് സര്വേ പുറത്ത് -
സ്വര്ണവില വീണ്ടും കുറഞ്ഞു; ഉച്ചയ്ക്ക് ശേഷം വന് ഇടിവ്, ഇത് നല്ല അവസരം, പുതിയ പവന് വില അറിയാം
Click it and Unblock the Notifications
Sign in with Google