നേപ്പാള് യാത്രയ്ക്ക് വിസ വേണ്ട; ബസ്, ട്രെയിന്, വിമാന സര്വീസ് റെഡി, യുപി-ബിഹാര് വഴി പോകാം
നേപ്പാള് സംഘര്ഷ കലുഷിതമാണ്. കൗമാരക്കാര് തെരുവിലിറങ്ങിയതോടെ പ്രധാനമന്ത്രി കെപി ശര്മ ഒലി രാജിവച്ചു. അദ്ദേഹത്തിന്റെ വസതി സമരക്കാര് അഗ്നിക്കിരയാക്കി. തലസ്ഥാനമായ കാഠ്മണ്ഡുവില് യുദ്ധ സമാനമാണ് സാഹചര്യം. കോഴിക്കോട് നിന്ന് വിനോദ സഞ്ചാരത്തിന് പോയ സംഘം നേപ്പാളില് കുടുങ്ങിയിരിക്കുകയാണ് എന്ന വിവരവും വന്നിട്ടുണ്ട്. നിലവിലെ സാഹചര്യത്തില് നേപ്പാള് യാത്ര വെല്ലുവിളി നിറഞ്ഞതാണ്.
അതേസമയം, ഇന്ത്യയുടെ അയല്രാജ്യമായ നേപ്പാളിനെ സംബന്ധിച്ച് സോഷ്യല് മീഡിയയില് ചര്ച്ച ചൂടുപിടിക്കുകയാണ്. നേപ്പാളിലേക്ക് എങ്ങനെ പോകാമെന്ന് സെര്ച്ച് ചെയ്യുന്നവരുമുണ്ട്. ലോകത്തെ ഏക ഹിന്ദു രാഷ്ട്രമാണ് നേപ്പാള്. രാജഭരണ വാദികളും ജനാധിപത്യ വാദികളുമുള്ള ഈ രാജ്യത്തേക്ക് പോകാന് ഇന്ത്യക്കാര്ക്ക് വിസ വേണ്ട. സര്ക്കാര് അംഗീകൃത ഫോട്ടോ പതിച്ച രേഖ കാണിച്ചാല് യാത്ര സാധ്യമാകും. അറിയാം കൂടുതല് വിവരങ്ങള്...
പാസ്പോര്ട്ട്, വോട്ടര് ഐഡി, മറ്റേതെങ്കിലും സര്ക്കാര് രേഖ എന്നിവ കൈവശമുണ്ടെങ്കില് നേപ്പാളിലേക്ക് യാത്ര ചെയ്യാം. അതിര്ത്തിയിലെ പരിശോധന വേളയില് ഈ രേഖകള് കാണിച്ചാല് മതി. കുട്ടികളാണെങ്കില് ജനന സര്ട്ടിഫിക്കറ്റ് പോലുള്ള രേഖയാണ് നല്ലത്. വാഹനം കൊണ്ടുപോകുന്നവര് ബന്ധപ്പെട്ട രേഖ കരുതണം. ഡ്രൈവിങ് ലൈസന്സ്, നേപ്പാളില് അംഗീകാരമുള്ള ഇന്ഷുറന്സ്, വാഹനം പ്രവേശിക്കാനുള്ള നേപ്പാള് കസ്റ്റംസിന്റെ അനുമതി എന്നിവ ആവശ്യമാണ്.
ഇന്ത്യയും നേപ്പാളും 1750 കിലോമീറ്റര് ദൂരത്തില് അതിര്ത്തി പങ്കിടുന്നുണ്ട്. ഇന്ത്യയിലെ പ്രധാന വിമാനത്താവളങ്ങളില് നിന്നെല്ലാം നേപ്പാളിലെ കാഠ്മണ്ഡുവിലേക്ക് വിമാന സര്വീസുണ്ട്. അതിര്ത്തി സംസ്ഥാനങ്ങളില് അല്ലാത്തവര്ക്ക് വിമാന യാത്രയാണ് എളുപ്പം. സംഘര്ഷ സാഹചര്യത്തില് എയര് ഇന്ത്യ, ഇന്ഡിഗോ വിമാനങ്ങളെല്ലാം സര്വീസ് തല്ക്കാലത്തേക്ക് നിര്ത്തിവച്ചിരിക്കുകയാണ്.
കരാതിര്ത്തി വഴി ഇങ്ങനെ പോകാം
ബിഹാര്, ഉത്തര് പ്രദേശ് സംസ്ഥാനങ്ങളിലൂടെ നേപ്പാളിലേക്ക് കര മാര്ഗം കടക്കാം. ഉത്തര് പ്രദേശിലെ മഹാരാജ്ഗഞ്ച് ജില്ലയിലെ സനോലി അതിര്ത്തി കടന്നാല് നേപ്പാളിലെത്തും. ഇന്ത്യയില് നിന്ന് നേപ്പാളിലേക്ക് കടക്കുന്ന പ്രധാന അതിര്ത്തി മേഖലയും ഇതാണ്. പകല് സമയം മാത്രമേ വാഹനം പ്രവേശിപ്പിക്കുകയുള്ളൂ. ഇന്ത്യയുടെ ഒരു രൂപയ്ക്ക് നേപ്പാളിലെ 1.60 രൂപയുടെ മൂല്യമുണ്ട്. ഇന്ത്യയില് നിന്ന് നേപ്പാൡലേക്ക് ബസ് സര്വീസുണ്ട്.
ബിഹാറിലെ ഈസ്റ്റ് ചമ്പാരന് ജില്ലയിലെ റക്സോള് അതിര്ത്തി വഴിയും നേപ്പാളേക്ക് കരമാര്ഗം പോകാം. ബിഹാറിലെ ജയനഗറില് നിന്ന് നേപ്പാളിലേക്ക് ട്രെയിന് സര്വീസുണ്ട്. നേപ്പാളിലെ കുര്ത്തയിലേക്കാണ് ട്രെയിന്. ജയനഗര് സ്റ്റേഷനില് നിന്ന് ടിക്കറ്റെടുക്കാം. ഇവിടെ നിന്ന് ഏകദേശം 40 കിലോമീറ്റര് യാത്ര ചെയ്്താല് നേപ്പാളിലെ സ്റ്റേഷനിലെത്തും. ഇന്ത്യയുടെ സഹായത്തോടെയാണ് ഈ പാത നിര്മിച്ചത്. റെയില്പാത വിപുലീകരിക്കുമെന്നു അധികൃതര് അറിയിച്ചിരുന്നു.
നേപ്പാളില് സര്ക്കാര് വിരുദ്ധ പ്രക്ഷോഭം നടക്കുന്ന സാഹചര്യത്തില് നിലവില് ഇന്ത്യയില് നിന്നുള്ള യാത്ര നിയന്ത്രിച്ചിരിക്കുകയാണ്. സോഷ്യല് മീഡിയ നിരോധിച്ച നേപ്പാള് ഭരണകൂടത്തിന്റെ നടപടിയാണ് സര്ക്കാര് വിരുദ്ധ പ്രക്ഷോഭമായി മാറിയത്. സര്ക്കാരിലെ ഉന്നതര് നടത്തുന്ന അഴിമതി അവസാനിപ്പിക്കണമെന്നും സര്ക്കാര് രാജിവയ്ക്കണമെന്നും ആവശ്യപ്പെട്ട് സമരം ശക്തമായതോടെ പ്രധാനമന്ത്രി രാജിവയ്ക്കുകയായിരുന്നു.
-
സ്വർണം മലയാളികൾക്ക് വേണ്ട; സ്വർണം വാങ്ങാൻ ആളില്ല; ആഭരണങ്ങൾക്ക് ഡിസ്കൗണ്ട് നൽകിയിട്ടും രക്ഷയില്ലാതെ വ്യാപാരികൾ -
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
Women's Day Malayalam Wishes: വീണ്ടുമൊരു വനിതാദിനം കൂടി, ആശംസകള് അറിയിക്കാം
Click it and Unblock the Notifications
Sign in with Google