ദീപാവലിക്ക് തിരക്ക് കൂട്ടേണ്ട; ബെംഗളൂരുവില് നിന്ന് 2,500 അധിക ബസുകള്; കൊച്ചിയിലേക്കും ഉണ്ട്
ദീപാവലി നാളുകള് ട്രെയിനുകളിലും ബസുകളിലും അനിയന്ത്രിതമായ തിരക്ക് അനുഭവപ്പെടുന്ന സമയം കൂടിയാണ്. കുടുംബ സമേതം നാട്ടിലേക്കു പോകാനും വിനോദ യാത്രയ്ക്കുമായി ഏറ്റവും കൂടുതല് യാത്രക്കാര് തിരഞ്ഞെടുക്കുന്ന സമയമാണിത്. പലപ്പോഴും അനിയന്ത്രിതമായ തിരക്ക് മൂലം ട്രെയിന്, ബസ് ടിക്കറ്റുകള് കിട്ടാതെ നിരാശരാകുന്നവരും ഉണ്ട്. ഉത്സവ സീസണിലെ തിരക്ക് മുന്കൂട്ടി കണ്ട് റെയില്വേ നിരവധി സ്പെഷ്യല് ട്രെയിനുകള് പ്രഖ്യാപിച്ചുകഴിഞ്ഞു. വിവിധ സംസ്ഥാനങ്ങളും ദീപാവലിക്ക് ദീര്ഘദൂര ബസ് സര്വീസുകള് നടത്തുന്നുണ്ട്.
അവധിക്കാല യാത്രാ തിരക്ക് പരിഗണിച്ച്, കര്ണാടക സ്റ്റേറ്റ് റോഡ് ട്രാന്സ്പോര്ട്ട് കോര്പ്പറേഷന് (കെ.എസ്.ആര്.ടി.സി.) ബെംഗളൂരുവില് നിന്ന് 2,500 അധിക ബസുകള് സര്വീസ് നടത്താന് ഒരുങ്ങുന്നതായി ഹിന്ദുസ്ഥാന് ടൈംസ് റിപ്പോര്ട്ട് ചെയ്യുന്നു.
ബെംഗളൂരുവിലെ വിവിധ ബസ് സ്റ്റേഷനുകളില് നിന്ന് വ്യത്യസ്ത റൂട്ടുകളിലേക്ക് ഈ ബസുകള് സര്വീസ് നടത്തും. ഇതുകൂടാതെ, സൗത്ത് വെസ്റ്റേണ് റെയില്വേയും ഉത്സവ യാത്രാതിരക്ക് പരിഗണിച്ച് പ്രത്യേക ട്രെയിനുകള് പ്രഖ്യാപിച്ചിട്ടുണ്ട്. പ്രഖ്യാപിച്ച ബസുകളില് ഒന്ന് കൊച്ചിയിലേക്കായതിനാല് കേരളത്തിലേക്കു പോകുന്ന ബെംഗളൂരു മലയാളികള്ക്ക് പ്രയോജനപ്പെടും.
ബെംഗളൂരുവില് നിന്ന് അന്തര് സംസ്ഥാന യാത്രക്കാര്ക്കുള്ള സര്വീസുകള് ഒക്ടോബര് 17 മുതല് 20 വരെയാണ് നടത്തുന്നത്. തിരിച്ചുള്ള യാത്രകള് ഒക്ടോബര് 22 നും 26 നും ഇടയിലാണ് ഷെഡ്യൂള് ചെയ്തിട്ടുള്ളത്. യാത്രക്കാര്ക്ക് കെഎസ്ആര്ടിസി റിസര്വേഷന് കൗണ്ടറുകള് വഴിയോ അല്ലെങ്കില് www.ksrtc.karnataka.gov.in എന്ന വെബ്സൈറ്റ് വഴിയോ മുന്കൂട്ടി ബുക്ക് ചെയ്ത് ടിക്കറ്റുകള് ഉറപ്പാക്കാം.
ഈ കാലയളവില് ബെംഗളൂരു കെമ്പെഗൗഡ ബസ് സ്റ്റേഷനില് നിന്ന് ധര്മ്മസ്ഥല, മംഗളൂരു, ഹുബ്ബള്ളി, ബെലഗാവി, കലബുറഗി, ബല്ലാരി, ഹൈദരാബാദ്, തിരുപ്പതി, വിജയവാഡ തുടങ്ങിയ പ്രധാന സ്ഥലങ്ങളിലേക്ക് ബസുകള് സര്വീസ് നടത്തും.
മൈസൂരു റോഡ് ബസ് സ്റ്റേഷനില് നിന്ന് മടിക്കേരി, കുടക് മേഖല എന്നിവിടങ്ങളിലേക്ക് സര്വീസുകള് സര്വീസ് നടത്തും. അതേസമയം, ചെന്നൈ, കോയമ്പത്തൂര്, മധുര, എറണാകുളം എന്നിവയുള്പ്പെടെ തമിഴ്നാട്ടിലെയും കേരളത്തിലെയും നഗരങ്ങളിലേക്ക് ശാന്തിനഗര് ടിടിഎംസി ബസുകള് സര്വീസ് നടത്തുമെന്ന് റിപ്പോര്ട്ട് പറയുന്നു. ബെംഗളൂരു ശാന്തിനഗര് ബസ് സ്റ്റാന്ഡില്നിന്ന് ബസുകള് യാത്ര പുറപ്പെടും.
കെഎസ്ആര്ടിസിക്കൊപ്പം, ഉത്സവ യാത്ര സുഗമമാക്കുന്നതിനായി സൗത്ത് വെസ്റ്റേണ് റെയില്വേയും പ്രത്യേക ട്രെയിനുകള് സര്വീസ് നടത്തുന്നുണ്ട്. സര് എം വിശ്വേശ്വരയ്യ ടെര്മിനല് ബെംഗളൂരു-കൊല്ലം എക്സ്പ്രസ്, കെഎസ്ആര് ബെംഗളൂരു-തൂത്തുക്കുടി എക്സ്പ്രസ്, യശ്വന്ത്പൂര്-മംഗളൂരു ജംഗ്ഷന് എക്സ്പ്രസ് എന്നിവയാണ് അധികമായി അനുവദിച്ച ട്രെയിനുകള്.
-
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ഉല്ലാസ് പന്തളത്തിന് 10,000 രൂപ നൽകി സഹായിച്ചു, പക്ഷെ വിളിച്ച് പറയുന്ന ആളല്ല ഞാനെന്ന് അഖിൽ മാരാർ; വൻ ട്രോൾ -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
യുഎഇയിൽ ശക്തമായ മഴ വരുന്നു; പ്രവാസികൾ ജാഗ്രത പാലിക്കുക, സുരക്ഷാ നിർദ്ദേശങ്ങൾ ഇങ്ങനെ -
'മത്സരിക്കാന് രാഹുല് അനുവദിച്ചു.. എന്നിട്ടും അത് മുടക്കി, ആളെ എനിക്കറിയാം'; തുറന്നടിച്ച് സുധാകരന് -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല് -
ഇറാനെ ചുട്ടെരിക്കാൻ അമേരിക്ക; വൈദ്യുത നിലയങ്ങൾ തകർക്കും, ട്രംപിന്റെ അന്ത്യശാസനം -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ഇസ്രായേലില് രൂക്ഷമായ മിസൈലാക്രമണവുമായി ഇറാന്; ഡിമോണും അറാദും ആക്രമിക്കപ്പെട്ടു -
13000 രൂപയുടെ ഇടിവില് സ്വര്ണം.. വെള്ളിയ്ക്ക് കുറഞ്ഞത് 32000 രൂപ! അടുത്ത ആഴ്ചയിലും വില കുറയും?
Click it and Unblock the Notifications
Sign in with Google