കനോലി കനാലിന് അരികിലൂടെ ട്രെയിന് സര്വീസ്; അടിപൊളി യാത്ര, പൊന്നാനി മുഖ്യ സ്റ്റേഷന്
കൊച്ചി: ഗുരുവായൂര്-തിരുനാവായ റെയില്പാത പദ്ധതി വീണ്ടും സജീവമായതോടെ ട്രെയിന് യാത്രക്കാര്ക്ക് പ്രതീക്ഷയേറി. ഗുരുവായൂരില് നിന്ന് തൃശൂരില് പോകാതെ കോഴിക്കോട്ടേക്ക് എത്താന് സാധിക്കുന്നതാണ് നിര്ദിഷ്ട പാത. ക്ഷേത്ര നഗരങ്ങളിലേക്കുള്ള യാത്രാ മാര്ഗങ്ങള് കൂടുതല് മികച്ചതാക്കുന്ന കേന്ദ്ര സര്ക്കാര് നയം ഗുരുവായൂരിന് നേട്ടമാകും.
സംസ്ഥാനത്തിന് പുറത്തുള്ള ക്ഷേത്ര നഗരങ്ങളിലെ റെയില്വെ സ്റ്റേഷനുകള് കോടികള് ചെലവിട്ട് പുനരുദ്ധരിച്ചിട്ടുണ്ട്. യുപിയിലെ വരാണസി, കശ്മീരിലെ കത്ര എന്നിവയെല്ലാം ഇതില് ചിലതാണ്. പ്രധാന ക്ഷേത്ര നഗരങ്ങളില് നിന്ന് ഗുരുവായൂരിലേക്ക് ട്രെയിന് സര്വീസ് ഭാവിയില് വരും. അതിന്റെ ഭാഗം കൂടിയാണ് തിരുനാവായ-ഗുരുവായൂര് പാത അതിവേഗം പൂര്ത്തിയാക്കാനുള്ള ആലോചന.
പദ്ധതിയുടെ അലൈന്മെന്റില് ചില മാറ്റങ്ങള്ക്ക് സാധ്യതയുണ്ട്. ജനവാസ മേഖല പരമാവധി കുറയ്ക്കും. മികച്ച നഷ്ടപരിഹാരം നല്കുമെന്നതിനാല് പഴയ പ്രതിഷേധം ഉയരാന് സാധ്യതയില്ലെന്നാണ് കരുതുന്നത്. മുമ്പ് താനൂരില് നിന്ന് ഗുരുവായൂരിലേക്കായിരുന്നു പാത നിശ്ചയിച്ചിരുന്നത്. ഈ വേളയില് നിരവധി ജനങ്ങളെ ഒഴിപ്പിക്കേണ്ടി വരുമായിരുന്നു. തുടര്ന്നാണ് തിരുനാവായ-ഗുരുവായൂര് പാതയാക്കി മാറ്റിയത്.
തിരുനാവായ-ഗുരുവായൂര് പാതയുടെ നീളം 38 കിലോമീറ്ററാണ്. പദ്ധതി പ്രഖ്യാപന കാലത്ത് 137 കോടിയായിരുന്നു പ്രതീക്ഷിത ചെലവ്. വര്ഷങ്ങള്ക്ക് മുമ്പ് 37 കോടി രൂപ നീക്കിവയ്ക്കുകയും ചെയ്തിരുന്നു. എന്നാല് പിന്നീടാണ് പ്രതിഷേധം ശക്തമായതും പദ്ധതി മരവിപ്പിച്ചതും. ഇനി പദ്ധതിയുടെ തുക ഇരട്ടിയാകുമെന്നാണ് കരുതുന്നത്.
പൊന്നാനി മുഖ്യ സ്റ്റേഷനായി മാറും
ഗുരുവായൂരില് നിന്ന് കോഴിക്കോട്- മംഗലാപുരം ഭാഗത്തേക്ക് പോകുന്നവര് തൃശൂര് വഴിയാണ് സ്വീകരിക്കുന്നത്. ഗുരുവായൂര്-തിരുനാവായ പാത യാഥാര്ഥ്യമയാല് അതിന്റെ ആവശ്യമുണ്ടാകില്ല. ഭൂതല സര്വ്വെ നടത്തിയ ശേഷമാകും നിര്മാണ ചെലവ് ഇനി കണക്കാക്കുക. മലപ്പുറം, തൃശൂര് കളക്ടര്മാര് പദ്ധതി സംബന്ധിച്ച് റെയില്വെക്ക് വിശദാംശങ്ങള് കൈമാറും.
ജനവാസം കുറവുള്ള കനോലി കനാലിന് സമാന്തരമായി പാത പൂര്ത്തിയാക്കാനാണ് ആലോചന. പൊന്നാനി പ്രധാന റെയില്വെ സ്റ്റേഷന് വരുമെന്നാണ് കരുതുന്നത്. ഇതോടെ ഗുരുവായൂര്, പൊന്നാനി, തിരുനാവായ റെയില്വെ സ്റ്റേഷനുകളില് കൂടുതല് ട്രെയിനുകള് നിര്ത്തുന്ന സാഹചര്യമുണ്ടാകും. മലബാറിലേക്കുള്ള യാത്രയ്ക്ക് എളുപ്പവഴി ഒരുങ്ങുന്നു എന്നതും ഈ പാതയുടെ പ്രത്യേകതയാണ്.
ഷൊര്ണൂര്-തൃശൂര്, ഷൊര്ണൂര് എറണാകുളം പാതകളില് തിരക്ക് കുറയും. ഈ വഴിയുള്ള ട്രെയിനുകളുടെ വേഗത കൂട്ടാനും സാധിക്കും. എറണാകുളത്ത് നിന്ന് ഗുരുവായൂര് വഴി കോഴിക്കോട്ടേക്ക് എത്താന് സാധിക്കും. വിവിധ ക്ഷേത്ര നഗരങ്ങളില് നിന്ന് ഗുരുവായൂരിലേക്ക് കൂടുതല് ട്രെയിന് സര്വീസ് വരും തുടങ്ങി നിരവധി സാധ്യതകള്ക്കാണ് പാത യാഥാര്ഥ്യമായാല് വഴി തുറക്കുക.
-
സ്വർണം വില മൂക്കും കുത്തി വീഴും, ചരിത്രം ആവർത്തിക്കും; 75000ത്തിനും താഴേക്ക് പോകുമോ? -
സ്വർണം വിറ്റോളൂ, പവന് ഒരു ലക്ഷമെങ്കിലും കിട്ടണമെങ്കിൽ ചെയ്യേണ്ടത്..മേരി ജോർജ് പറയുന്നു -
പ്രതീക്ഷിച്ചത് തന്നെ... സ്വര്ണം കുതിച്ചു; ആഗോളവിപണിയില് വന്വില; വെള്ളിയും കുതിക്കുന്നു -
കൊച്ചിക്കാർ ഇനിയും കാത്തിരിക്കണം; അരൂർ-തുറവൂർ എലവേറ്റഡ് ഹൈവേ വൈകും? മാർച്ചിൽ തുറക്കില്ല..! -
'ഉർവശി എന്തിനാണ് ഇങ്ങനെ പച്ചനുണ പറയുന്നത്..നിൽപ്പിലും നടപ്പിലുമുണ്ട് 10 പൈസയുടെ കുറവ്';ശാന്തിവിള ദിനേശ് -
സ്വര്ണവില ഇടിയുന്നത് നോക്കേണ്ട..! വില കുതിക്കുന്നത് ഗ്രാമിന് 20000 ത്തിലേക്ക്! വെള്ളി 4 ലക്ഷത്തിലേക്ക് -
പരീക്ഷകളില് വിജയിക്കും, വ്യാപാരം ലാഭകരമാകും, സന്തോഷവാര്ത്ത കേള്ക്കും, ദാമ്പത്യ സന്തോഷം, നാൾഫലം -
സ്വർണ വില ഗ്രാമിന് 19,000ത്തിന് മുകളിൽ, പവൻ വില 1.75 ലക്ഷത്തിലേക്കും?; ഇനി പിടിച്ചാൽ കിട്ടില്ലെന്ന് പ്രവചനം -
ഭൂമി ഇടപാടില് സാമ്പത്തിക ലാഭം ഉണ്ടാകും, കുടുംബത്തില് സമാധാനം, സുഖഭോഗങ്ങള് വര്ധിക്കും, നാൾഫലം -
കേരളത്തില് വീണ സ്വര്ണം ദുബായില് കുതിച്ചു, ഒറ്റയടിക്ക് 10 ദിര്ഹം കൂടി, 22 കാരറ്റും 600 ദിര്ഹത്തിലേക്ക് -
സ്വര്ണവില ഇന്നും കുറഞ്ഞു; പ്രവചനങ്ങള് തെറ്റിയോ, ആശ്വാസം വേണ്ട, ഇന്നത്തെ പവന് വില -
സ്വർണ വില പവന് 1.50 ലക്ഷത്തിന് വാങ്ങാൻ തയ്യാറാണോ? ഇല്ലെങ്കിൽ ഇപ്പോൾ വിട്ടോ ജ്വല്ലറിയിലേക്ക്..വ്യാപാരി പറയുന്നു
Click it and Unblock the Notifications
Sign in with Google