വന്ദേഭാരത് സ്ലീപ്പര് പ്രഖ്യാപിച്ചു; 16 കോച്ചുകള്, റൂട്ട്, ടിക്കറ്റ് നിരക്ക് അറിയാം, ബുള്ളറ്റ് ട്രെയിനും
ന്യൂഡല്ഹി: രാജ്യത്ത് വന്ദേഭാരത് സ്ലീപ്പര് സര്വീസ് തുടങ്ങുന്നു. ഈ മാസം പ്രധാനമന്ത്രി നരേന്ദ്ര മോദി ഫ്ളാഗ് ഓഫ് കര്മം നിര്വഹിക്കുമെന്ന് റെയില്വെ മന്ത്രി അശ്വനി വൈഷ്ണവ് അറിയിച്ചു. കഴിഞ്ഞ ദിവസം പരീക്ഷണ ഓട്ടം വിജയകരമായി പൂര്ത്തീകരിച്ചിരുന്നു. തുടര്ന്നാണ് സര്വീസ് ആരംഭിക്കാന് പോകുന്നത്. വന്ദേഭാരത് എക്സ്പ്രസില് നിന്ന് വ്യത്യസ്തമായി ദീര്ഘദൂര സര്വീസുകള്ക്കാണ് സ്ലീപ്പര് ഉപയോഗിക്കുക.
വന്ദേഭാരത് എക്സ്പ്രസ് നിലവില് പൂര്ണമായും രാത്രി യാത്ര നടത്തുന്നില്ല. രാത്രി 11 മണിക്കകം സര്വീസ് പൂര്ത്തിയാക്കുകയാണ് ചെയ്യുന്നത്. എന്നാല് വന്ദേഭാരത് സ്ലീപ്പറില് കിടന്ന് യാത്ര ചെയ്യാനുള്ള സൗകര്യം ഒരുക്കിയിട്ടുണ്ട്. അസമിലെ ഗുവാഹത്തിയില് നിന്ന് ബംഗാളിലെ കൊല്ക്കത്തയിലേക്കുള്ള റൂട്ടിലാണ് ആദ്യ സര്വീസ്. നിയമസഭാ തിരഞ്ഞെടുപ്പ് നടക്കാന് പോകുന്ന സംസ്ഥാനങ്ങളാണിത്. നേരത്തെ ന്യൂഡല്ഹി-പട്ന റൂട്ട് സൂചിപ്പിച്ചായിരുന്നു റിപ്പോര്ട്ടുകള് വന്നിരുന്നത്.
കഴിഞ്ഞ ദിവസം കോട്ട-നഗ്ദ റൂട്ടില് വന്ദേഭാരത് സ്ലീപ്പര് പരീക്ഷണ ഓട്ടം വിജയകരമായി പൂര്ത്തീകരിച്ചിരുന്നു. 180 കിലോമീറ്റര് വേഗതയിലായിരുന്നു പരീക്ഷണം. ഗ്ലാസ് വെള്ളത്തിന്റെ പരിശോധന നടക്കുന്ന വീഡിയോ പുറത്തുവന്നിരുന്നു. ഇളക്കമില്ലാതെ യാത്ര ചെയ്യാന് സാധിക്കുന്ന വന്ദേഭാരത് സ്ലീപ്പര് സര്വീസ് വിദ്യാര്ഥികള്, കുടുംബങ്ങള്, ബിസിനസുകാര് എന്നിവര്ക്കെല്ലാം ഗുണം ചെയ്യുമെന്ന് മന്ത്രി പറഞ്ഞു.
ടിക്കറ്റ് നിരക്ക്, എത്ര പേര്ക്ക് യാത്ര ചെയ്യാം
16 കോച്ചുകളാണ് വന്ദേഭാരത് സ്ലീപ്പറില് ഉണ്ടാകുക. 11 ത്രീ ടയര് എസി കോച്ചുകള്, 4 ടു ടയര് എസി കോച്ചുകള്, ഒരു ഫസ്റ്റ് ക്ലാസ് എസി കോച്ച് എന്നിങ്ങനെയാണ് ക്രമീകരിച്ചിരിക്കുന്നത്. മൊത്തം 823 പേര്ക്ക് യാത്ര ചെയ്യാം. ത്രീ എസിയില് 611 പേര്ക്കും ടു എസിയില് 188 പേര്ക്കും ഫസ്റ്റ് എസിയില് 24 പേര്ക്കും യാത്ര ചെയ്യാനുള്ള സൗകര്യമാണ് ഒരുക്കിയിട്ടുള്ളത്.
ത്രീ എസിയില് യാത്ര ചെയ്യുന്നതിന് ഏകദേശം 2300 രൂപയാണ് ടിക്കറ്റ് നിരക്ക് വരിക. ടു എസിയില് 3000 രൂപയാകും ടിക്കറ്റ് നിരക്ക്. ഫസ്റ്റ് എസിയില് 3600 രൂപയും. വന്ദേ മെട്രോ, വന്ദേഭാരത് തുടങ്ങിയവക്ക് ശേഷം ഈ ശ്രേണിയില് വരുന്ന മൂന്നാം തലമുറ ട്രെയിന് ആണ് വന്ദേഭാരത് സ്ലീപ്പര്. വിശാലമായ അകത്തളമാണ് ഒരുക്കിയിട്ടുള്ളത്. ഇതിന്റെ ദൃശ്യങ്ങള് നേരത്തെ പുറത്തുവന്നിരുന്നു.
ഇന്ത്യയിലെ ആദ്യത്തെ ബുള്ളറ്റ് ട്രെയിന് 2027ല്
ബുള്ളറ്റ് ട്രെയിന് 2027 ആഗസ്റ്റ് 15ന് സര്വീസ് തുടങ്ങുമെന്ന് അശ്വനി വൈഷ്ണവ് പറഞ്ഞു. കാബിനറ്റ് യോഗത്തിന്റെ വിശദാംശങ്ങള് പറയുകയായിരുന്നു അദ്ദേഹം. സൂറത്ത് മുതല് ബിലിമോറ വരെയാകും ആദ്യ സെക്ഷന്. വാപി മുതല് സൂറത്ത് വരെയാണ് രണ്ടാം സെക്ഷന് സജ്ജമാക്കുന്നത്. മൂന്നാം സെക്ഷന് വാപി മുതല് അഹമ്മദാബാദ് വരെയാണ്. അവസാന ഘട്ടം താനെ മുതല് അഹമ്മദാബാദ് വരെയാണെന്നും മന്ത്രി പറഞ്ഞു.
-
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ
Click it and Unblock the Notifications
Sign in with Google