ഇരട്ട ഗർഭപാത്രമുള്ള യുവതി, അപൂർവ ഇരട്ടക്കുട്ടികൾക്ക് ജന്മം നൽകി; ഡോക്ടർമാരും ഞെട്ടി!
യു എസിലെ അലബാമയിൽ ഒരു യുവതി രണ്ട് കുട്ടികൾക്ക് ജന്മം നൽകി. ഈ യുവതിക്ക് രണ്ട് ഗർഭപാത്രങ്ങൾ ഉണ്ട്. ഇത് അപൂർവ്വങ്ങളിൽ അപൂർവ്വമായ അവസ്ഥയാണ്. കെൽസി ഹാച്ചർ എന്ന യുവതിക്കാണ് രണ്ട് ഗർഭപാത്രങ്ങൾ ഉള്ളത്. ഇവരുടെ ഭർത്താവ് കാലേബ് ആണ്.
ബുധനാഴ്ച രാവിലെ ബർമിംഗ്ഹാം ഹോസ്പിറ്റലിലാണ് ഇരട്ടക്കുഞ്ഞുങ്ങൾ ജനിച്ചത്. കെൽസി ഹാച്ചർ രണ്ട് ഗർഭപാത്രങ്ങളിലും ഗർഭം ധരിക്കുകയായിരുന്നു. ഒരു ദശലക്ഷത്തിൽ ഒരാൾക്ക് മാത്രം സംഭവിക്കാൻ സാധ്യതയുള്ള ഡികാവിറ്ററി ഗർഭം എന്നറിയപ്പെടുന്ന അപൂർവ ഗർഭമാണ് ഇത്.
'ഒരു ദശലക്ഷത്തിൽ ഒരു അവസരം':
കെൽസിയുടെ ഡോക്ടർ ശ്വേത പട്ടേൽ, സ്കാനുകൾ പരിശോധിക്കുന്നതുവരെ ഈ കണ്ടെത്തലിൽ അവിശ്വാസത്തിലായിരുന്നു. കെൽസി മുമ്പ് മൂന്ന് തവണ പ്രസവിച്ചതുപോലെ, ഇരട്ട ഗർഭപാത്രമുള്ള സ്ത്രീകൾക്ക് ഒരു ഗർഭപാത്രത്തിൽ ഒരു കുഞ്ഞ് ഗർഭം ധരിക്കുന്നത് അസാധാരണമല്ലെങ്കിലും, രണ്ടിലും ഒരു കുഞ്ഞ് ഉണ്ടാകാനുള്ള സാധ്യത ഒരു ദശലക്ഷത്തിൽ ഒന്ന് മാത്രമാണ്.
താൻ കെൽസിയെ അവരുടെ മൂന്ന് ഗർഭാവസ്ഥയിൽ പരിചരിച്ചിരുന്നുവെന്നും അവർക്ക് ഇരട്ട ഗർഭപാത്രമുണ്ടെന്ന് അറിയാമായിരുന്നുവെന്നും ഡോക്ടർ പറയുന്നു. പക്ഷേ അന്ന് ഒരു കുട്ടിയായിരുന്നു ഉണ്ടായിരുന്നതെന്നും രണ്ട് ഗർഭപാത്രത്തിലും കുഞ്ഞുങ്ങൾ ഉണ്ടെന്ന് അറിഞ്ഞപ്പോൾ അത്ഭുതപ്പെട്ടുവെന്നും ഡോക്ടർ പറയുന്നു. ഉയർന്ന അപകട സാധ്യത ഉള്ളതിനാൽ അധിക വൈദഗ്ദ്ധ്യം നേടിയ തന്റെ സഹപ്രവർത്തകരുടെ സഹായം ഉണ്ടായിരുന്നവെന്നും അവർ പറഞ്ഞു.
ഹാച്ചറിന്റെ ഗർഭധാരണം ഉയർന്ന അപകട സാധ്യതയുള്ളതായി കണക്കാക്കുകയും 39 ആഴ്ചയിൽ പ്രവസത്തിലേക്ക് എത്തിയെന്നും പറയുന്നു. 20 മണിക്കൂർ നീണ്ട പ്രയത്നത്തിനൊടുവിൽ രണ്ട് പെൺകുഞ്ഞുങ്ങൾ പിറന്നു.
ഒരു സാധരാണ ഗർഭത്തിൽ ഇരട്ട ഗർഭധാരണം ഒരു ഗർഭപാത്രത്തിൽ ഉണ്ടാവുമെങ്കിലും ഇരട്ട ഗർഭപാത്രത്തിൽ രണ്ട് കുഞ്ഞുങ്ങൾ ഉണ്ടാവുന്നത് അസാധാരണമാണ്. ആദ്യത്തെ കുഞ്ഞിനെ നറ്റ് മൂന്ന് കുട്ടികളപ്പോലെ സാധാരണ രീതിയിലാണ് പ്രസവിച്ചത്. രണ്ടാമത്തെ കുട്ടിയെ സി സെക്ഷൻ വഴിയാണ്.
Click it and Unblock the Notifications
Sign in with Google