പാളത്തില് വീണ യുവാവിന് മുകളിലൂടെ സൂപ്പര്ഫാസ്റ്റ് ട്രെയിന്; അത്ഭുതകരമായ രക്ഷപ്പെടല്
പാട്ന: സൂപ്പര്ഫാസ്റ്റ് ട്രെയിന് കടന്ന് പോകുന്നതിനിടെ പാളങ്ങള്ക്കുള്ളില് കുടുങ്ങി പോയ ആള്ക്ക് അത്ഭുതകരമായ രക്ഷപ്പെടല്. ബീഹാറിലെ ബിഹ്ത റെയില്വേ സ്റ്റേഷനില് ആണ് സംഭവം. പാട്ന-ലോക്മാന്യ തിലക് ടെര്മിനല് (മുംബൈ) സൂപ്പര്ഫാസ്റ്റ് ട്രെയിന് കടന്ന് പോകുന്നതിനിടെ ചന്ദന് കുമാര് വര്മ എന്നയാളാണ് പാളത്തില്പ്പെട്ടത്. എട്ട് കോച്ചുകളോളം ഇയാള്ക്ക് മുകളിലൂടെ കടന്ന് പോയെങ്കിലും അത്ഭുതകരമായി രക്ഷപ്പെടുകയായിരുന്നു.
2007 മുതല് മുടങ്ങിക്കിടക്കുന്ന ബിഹ്ത-ഔറംഗബാദ് റെയില്വേ പദ്ധതിക്കായി പട്ന-ദീന് ദയാല് ഉപാധ്യായ മെയിന് ലൈനില് പ്രതിഷേധം സംഘടിപ്പിക്കുന്നതിനിടെയാണ് അപകടം. പ്രതിഷേധക്കാരുടെ കൂട്ടത്തിലുള്ളയാളായിരുന്നു ചന്ദന് കുമാര് വര്മ. ബിഹ്ത റെയില്വേ സ്റ്റേഷനില് നൂറുകണക്കിന് പ്രതിഷേധക്കാര് ഒത്തുകൂടി ട്രെയിന് ഉപരോധിക്കാനായി ട്രാക്കിലിരിക്കെയാണ് സംഭവം.
ബിഹ്ത-ഔറംഗബാദ് റെയില്വേ പ്രോജക്ട് കമ്മിറ്റിയാണ് പ്രതിഷേധം സംഘടിപ്പിച്ചത്. പ്രതിഷേധം നടത്തും എന്ന് നേരത്തെ തന്നെ റെയില്വേയെ അറിയിച്ചിരുന്നു എന്നാണ് ബിഹ്ത-ഔറംഗബാദ് റെയില്വേ പ്രോജക്ട് കമ്മിറ്റി അംഗം രാജേന്ദ്ര യാദവ് പറയുന്നത്. പ്രതിഷേധത്തിനിടെ ട്രെയിന് വരികയായിരുന്നു എന്നും ആളുകള് ചിതറിയോടുന്നതിനിടെ ചന്ദന് കുമാര് വര്മ ട്രാക്കിലകപ്പെടുകയായിരുന്നു എന്നും അദ്ദേഹം പറഞ്ഞു.
ട്രാക്കിന് നടുവില് വീണ ചന്ദന് കുമാര് വര്മയുടെ മുകളിലൂടെ ട്രെയിന് കടന്ന് പോയി. ലോക്കോ പൈലറ്റ് ബ്രേക്ക് അമര്ത്തിയെങ്കിലും അപ്പോഴേക്കും എഞ്ചിന് പുറമെ 7 മുതല് 8 വരെ കോച്ചുകള് അദ്ദേഹത്തിന് മുകളിലൂടെ കടന്ന് പോയിരുന്നു. എന്നാല് ഭാഗ്യം കൊണ്ട് ചന്ദന് കുമാറിന് നിസാര പരിക്കുകളെ ഉണ്ടായിരുന്നുള്ളൂ. സ്വകാര്യ ആശുപത്രിയില് പ്രവേശിപ്പിച്ച ഇയാളെ പ്രാഥമിക ചികിത്സയ്ക്ക് ശേഷം ഡിസ്ചാര്ജ് ചെയ്തു.
അതേസമയം അപകടത്തിന് കാരണം സ്റ്റേഷന് മാസ്റ്ററുടെയും ഡ്രൈവറുടെയും ഗാര്ഡിന്റെയും അശ്രദ്ധയാണ് എന്ന് രാജേന്ദ്ര യാദവ് പറഞ്ഞു. അവരെ ഉടന് പിരിച്ചുവിടണം എന്നും അദ്ദേഹം ആവശ്യപ്പെട്ടു. ബിഹ്ത-ഔറംഗബാദ് റെയില്വേ പദ്ധതിക്ക് 2007ല് അന്നത്തെ റെയില്വേ മന്ത്രി ലാലു പ്രസാദ് യാദവ് തറക്കല്ലിട്ടിരുന്നു. എന്നാല് പിന്നീട് പ്രവര്ത്തനം തടസപ്പെട്ടു. ഇതിനിടെ നിരവധി സര്ക്കാരുകള് വന്നുപോയെങ്കിലും പ്രവര്ത്തനം നടക്കാതിരുന്നതാണ് പ്രതിഷേധത്തിന് വഴിവെച്ചത്.
-
ബെംഗളൂരുവിലെ ഐടി കമ്പനിയില് കൂട്ടപ്പിരിച്ചുവിടല്; ജോലി പോയത് 40 % പേര്ക്ക്: ഗര്ഭിണിക്കും ജോലി പോയി -
കണക്കുകൂട്ടലെല്ലാം തെറ്റിച്ച് സ്വര്ണം.. ഇന്ത്യയില് വിലയില് കുത്തനെ ഇടിവ് പതിവില്ലാത്തത്; കാരണമെന്ത്? -
കൊച്ചി മെട്രോയിൽ ജോലി ഒഴിവ്; 1.20 ലക്ഷം വരെ ശമ്പളം..സ്ഥിര നിയമനം...ഇപ്പോൾ തന്നെ അപേക്ഷിക്കൂ -
കൊറിയ കളത്തിലിറങ്ങി... പത്ത് കൊല്ലത്തിന് ശേഷം ആദ്യമായി സ്വര്ണം വാങ്ങി; വില ഇനിയെങ്ങോട്ട്! -
'വിജയ് തൃഷയുടെ വെറും കളിപ്പാവ, സംഗീതയുടെ കുടുംബ ജീവിതം തകർത്തത് ഇരുവരും തമ്മിലെ വഴിവിട്ട ബന്ധം'; സുചിത്ര -
ഭൂമി ഇടപാടില് സാമ്പത്തിക ലാഭം ഉണ്ടാകും, കുടുംബത്തില് സമാധാനം, സുഖഭോഗങ്ങള് വര്ധിക്കും, നാൾഫലം -
സ്വര്ണവില ഇന്നും കുറഞ്ഞു; പ്രവചനങ്ങള് തെറ്റിയോ, ആശ്വാസം വേണ്ട, ഇന്നത്തെ പവന് വില -
സാധാരണക്കാരന്റെ ബജറ്റിൽ ഐഫോൺ; വിപണി പിടിക്കാൻ 17e എത്തി -
ഉദ്യോഗസ്ഥര്ക്ക് സ്ഥാനക്കയറ്റവും ശമ്പളവര്ദ്ധനവും, ഏതു കാര്യത്തിലും ഭാഗ്യാനുഭവങ്ങള്, ധനജ്യോതിഷം -
എറണാകുളം പഴയ കെഎസ്ആർടിസി ബസ് സ്റ്റാൻഡിന് ശാപമോക്ഷം; 1.88 കോടി രൂപ ചിലവിൽ നവീകരിച്ചു -
ബിഗ് ബോസ് വിജയിയാകണമെന്ന് ആറ്റുകാലമ്മയോട് പ്രാര്ത്ഥിച്ചിട്ടില്ല; ഇപ്രാവശ്യവും ഒരു ആഗ്രഹമുണ്ട് -
'ലോക ജനതയെ കൊന്ന് ഇസ്ലാമിക ശരീഅത് നടപ്പാക്കാനായിരുന്നു ഇറാൻ്റെ ലക്ഷ്യം,യുഎസും ഇസ്രായേലും ചെയ്തതിൽ തെറ്റില്ല'
Click it and Unblock the Notifications
Sign in with Google