ഈ ഹോട്ടലിൽ നിന്ന് ഭക്ഷണം കഴിക്കാൻ നിങ്ങൾ 4 വർഷം കാത്തിരിക്കണം; അത്രയ്ക്കും തിരക്ക്

Updated: Monday, September 11, 2023, 18:13 [IST]

അവധി ദിവസങ്ങളിലും വാരാന്ത്യങ്ങളിലും ഹോട്ടിലുകളിൽ നിന്ന് ഭക്ഷണം കിട്ടാൻ കാത്തിരിക്കേണ്ടി വരുന്നത് സാധരണമാണ്. എന്നാൽ കാത്തിരിപ്പ് സമയം നാല് വർഷമായാലോ? അതെ.. നിങ്ങൾ കേട്ടത് ശരിയാണ്. ഈ ഹോട്ടലിൽ നിന്ന് ഭക്ഷണം കഴിക്കണമെങ്കിൽ നിങ്ങൾ നാല് വർഷം കാത്തിരിക്കണം.

ഭക്ഷണം കഴിക്കാൻ നാല് വാർഷം കാത്തിരിക്കേണ്ട ഈ ഹോട്ടൽ യു കെയിലാണ്. സെൻട്രൽ ബ്രിസ്റ്റോളിൽ സ്ഥിതി ചെയ്യുന്ന ബാങ്ക് ടാവേൺ പബ്ബാണ് ഒരു ടേബിൾ ലഭിക്കാൻ ലോകത്തിലെ ഏറ്റവും പ്രയാസമേറിയ റസ്റ്ററന്റ് എന്ന പദവി നേടിയത്. ചെറിയ ഒരു ഹോട്ടൽ ആണ് ഇത്. ഇവിടെ നിന്ന് ഞായറാഴ്ച ഭക്ഷണം കഴിക്കാൻ നിലവിൽ ഒരു ടേബിൾ ലഭിക്കണമെങ്കിൽ 4 വർഷം കാത്തിരിക്കണം.

1800-കൾ മുതൽ ബാങ്ക് ടവേൺ ഉണ്ട്, കൂടാതെ നിരവധി കലാപങ്ങൾ, രണ്ട് ലോക മഹായുദ്ധങ്ങൾ എന്നിവയെ അതിജീവിച്ചു. "വലിയ ഹൃദയമുള്ള ഒരു ചെറിയ പബ്" എന്ന് സ്വയം വിളിക്കുന്ന ഈ ഹോട്ടൽ ലണ്ടനിൽ നിന്ന് രണ്ടര മണിക്കൂർ അകലെയുള്ള ബ്രിസ്റ്റോളിലാണ് സ്ഥിതി ചെയ്യുന്നത്.

ബ്രിട്ടന്റെ പ്രധാനമന്ത്രിയായിരുന്ന മാർഗരറ്റ് താച്ചർ അടക്കമുള്ള പ്രമുഖ വ്യക്തിത്വങ്ങളുടെയും പ്രിയപ്പെട്ട ഡിന്നർ സ്ഥലം കൂടിയായിരുന്നു ബാങ്ക് ടാവേൺ. ഈ ഹോട്ടൽ ഇത്ര ജനപ്രിയമാകാൻ കാരണം അവിടുത്തെ മെനു തന്നെയാണ്. മുപ്പത് ദിവസം പ്രായമുള്ള അപൂർവ മാട്ടിറച്ചി, തേനും റോസ്മേരിയും ചേർത്ത് ഫ്രൈ ചെയ്ത ആട്ടിൻകാലും, പന്നിയിറച്ചിയും ഒക്കെയാണ് ഇവിടുത്തെ സ്പെഷ്യൽ വിഭവങ്ങൾ.

അവരുടെ വെബ്‌സൈറ്റ് അനുസരിച്ച്, 2019 ലെ ഒബ്‌സർവർ ഫുഡ് മന്ത്‌ലി അവാർഡിൽ ബ്രിസ്റ്റോളിലെ ഏറ്റവും മികച്ച സൺഡേ ലഞ്ച് ഹോം ആയി സൺഡേ റോസ്റ്റ്‌സ് തിരഞ്ഞെടുക്കപ്പെട്ടു. വർഷങ്ങളായി അതിന്റെ ഐതിഹാസികമായ സൺഡേ റോസ്റ്റുകൾ നഗരത്തിലെ സംസാരവിഷയമാണെന്ന് പബ് പറയുന്നു.

2019 ലെ ഒബ്‌സർവർ ഫുഡ് മന്ത്‌ലി അവാർഡുകളിലും 2018 ലെ ബ്രിസ്റ്റോൾ ഗുഡ് ഫുഡ് അവാർഡുകളിലും ബ്രിസ്റ്റോളിന്റെ ഏറ്റവും മികച്ച ഞായറാഴ്ച ഉച്ചഭക്ഷണത്തിന്റെ ഹോം ആയി ഇത് തിരഞ്ഞെടുക്കപ്പെട്ടു.

സൺ‌ഡേ ബ്രഞ്ചിനായുള്ള ഈ നീണ്ട കാത്തിരിപ്പല്ലാതെ ആളുകൾക്ക് ഉച്ചയ്ക്ക് 12 മുതൽ വൈകുന്നേരം 4 വരെ വിളമ്പുന്ന അവരുടെ ദിവസവുമുള്ള ഉച്ചഭക്ഷണ മെനുവും തിരഞ്ഞെടുക്കാം.

അവരുടെ ദൈനംദിന മെനുവിൽ അവരുടെ ജനപ്രിയ വെജിറ്റേറിയൻ വിഭവങ്ങളായ ബ്ലാക്ക് ബീൻ, ബീറ്റ്‌സ് ബർഗർ, സ്വീറ്റ് ചില്ലി ജാം, ഫ്രൈസ്, ഫ്രഷ് സാലഡ്, ക്ലാസിക് bbq പുള്ളഡ് പോർക്ക്, റെഡ് സ്ലാവ്, ഫ്രൈസ്, ഫ്രഷ് സാലഡ് അല്ലെങ്കിൽ ഫിഷ്‌കേക്ക് ഉൾപ്പെടുന്ന വേനൽക്കാല മെനു എന്നിവ ഉൾപ്പെടുന്നു.