Tap to Read ➤

അറ്റോര്‍ണി ജനറലും സോളിസിറ്റര്‍ ജനറലും തമ്മിലുള്ള വ്യത്യാസം

കോടതി മുറികളില്‍ എപ്പോഴും മുഴങ്ങി കേള്‍ക്കുന്ന രണ്ട് പേരുകളാണ് എജിയും എസ്ജിയും ഇവയെ കുറിച്ച് വിശദമായി പരിശോധിക്കാം
അറ്റോര്‍ണി ജനറലെന്ന് പറയുന്നത് ഇന്ത്യന്‍ സര്‍ക്കാര്‍ അഥവാ കേന്ദ്ര സര്‍ക്കാരിന്റെ മുഖ്യ നിയമോപദേഷ്ടാവാണ്
അറ്റോര്‍ണി ജനറലാണ് സുപ്രീം കോടതിയില്‍ കേന്ദ്ര സര്‍ക്കാരിന്റെ എല്ലാ കേസുകളും വാദിക്കുക
സുപ്രീം കോടതിയില്‍ ഏറ്റവും ബഹുമാനിക്കപ്പെടുന്ന സീനിയര്‍ അഭിഭാഷകനായിരിക്കും അറ്റോര്‍ണി ജനറല്‍. ഈ നിയമനം എപ്പോഴും സര്‍ക്കാരിന്റേതായിരിക്കും
ഭരണഘടനപരമായി നിയമിതമായ ഓഫീസാണ് അറ്റോര്‍ണി ജനറലിന്റേത്. ഇവര്‍ക്ക് പാര്‍ലമെന്റ് നടപടികളില്‍ പങ്കെടുക്കാം എന്നാല്‍ വോട്ട് ചെയ്യാന്‍ അവകാശമുണ്ടായിരിക്കില്ല
അതേസമയം അമേരിക്കയിലെ പോലുള്ള സാഹചര്യമല്ല അറ്റോര്‍ണി ജനറലുമാര്‍ക്ക് ഉള്ളത്. അവര്‍ക്ക് ഇന്ത്യയില്‍ എക്‌സിക്യൂട്ടീവ് അതോറിറ്റിയില്ല
ഒരു സര്‍ക്കാരിലെ മന്ത്രിയായോ അറ്റോര്‍ണി ജനറലിനെ കാണില്ല. ഇന്ത്യയില്‍ അത്തരമൊരു അധികാരം നിയമ മന്ത്രിക്കാണുള്ളത്
അറ്റോര്‍ണി ജനറലിന് എപ്പോഴും സോളിസിറ്റര്‍ ജനറലിന്റെ സഹായമുണ്ടാവും. ഒപ്പം ധാരാളം അഡീഷണല്‍ സോളിസിറ്റര്‍ ജനറലുമാരും ഉണ്ടാവും. രാജ്യത്ത് അറ്റോര്‍ണി ജനറല്‍ കഴിഞ്ഞാല്‍ ഏറ്റവും അധികാരമുള്ള നിയമ ഓഫീസറാണ് സോളിസിറ്റര്‍ ജനറല്‍