സരിതയുടെ കത്തില്‍ ഉമ്മന്‍ ചാണ്ടി കുടുങ്ങും...തെളിവുകളുണ്ട്

തിരുവനന്തപുരം: സരിത എസ് നായര്‍ പത്ര സമ്മേളനത്തില്‍ ഉയര്‍ത്തിക്കാണിച്ച കത്തില്‍ മുഖ്യമന്ത്രി ഉമ്മന്‍ ചാണ്ടിയും കുടുങ്ങുമോ? ശ്രീധരന്‍ നായര്‍ക്കൊപ്പം സെക്രട്ടേറിയറ്റിലെത്തി മുഖ്യമന്ത്രിയെ അദ്ദേഹത്തിന്റെ ഓഫീസില്‍ എത്തി കണ്ടു എന്ന കാര്യമാണ് സരിതുയുടെ കത്തില്‍ ഉള്ളത്.

സരിതയെ തന്റെ ഓഫീസില്‍ വച്ച് ശ്രീധരന്‍ നായര്‍ക്കൊപ്പം കണ്ടിട്ടില്ലെന്നാണ് മുഖ്യമന്ത്രി ഇത്രനാളും പറഞ്ഞിരുന്നത്. ഇത് പച്ചക്കള്ളമാണെന്ന് തെളിയിക്കുന്നതാണ് സരിതയുടെ കത്തില്‍ നിന്നുള്ള വിവരങ്ങള്‍ എന്നാണ് റിപ്പോര്‍ട്ട്.

ശ്രീധരന്‍ നായര്‍ക്കൊപ്പം മുഖ്യമന്ത്രിയുടെ ഓഫീസിലെത്തി അദ്ദേഹത്തെ കണ്ടപ്പോള്‍ ആര്‍ ശെല്‍വരാജ് എംഎല്‍എയും അവിടെ ഉണ്ടായിരുന്നു എന്ന് എഴുതിയിരിക്കുന്നത് സരിതയുടെ കത്തിന്റെ ദൃശ്യങ്ങളില്‍ വ്യക്തമാണ്.

ശ്രീധരന്‍ നായര്‍ നേരത്തെ നല്‍കിയ രഹസ്യ മൊഴിയില്‍ പറഞ്ഞ കാര്യങ്ങള്‍ തന്നെയാണ് സരിതയുടെ കത്തിലും പറയുന്നത്. നേരത്തെ ഉമ്മന്‍ ചാണ്ടിയും ശെല്‍വരാജ് എംഎല്‍എയും ഇക്കാര്യം നിഷേധിച്ചിരുന്നു.

മുഖ്യമന്ത്രിയെ കണ്ടതിന ശേഷം ശ്രീധരകന്‍ നായര്‍ വ്യവസായ മന്ത്രി പികെ കുഞ്ഞാലിക്കുട്ടിയെ കാണാന്‍ പോയി എന്നും കത്തിലുണ്ട്. ജോപ്പനൊപ്പമാണ് ശ്രീധരന്‍ നായര്‍ പോയതെന്നും കതതില്‍ പറയുന്നു.

English summary

Oommen Chandy's name in Saritha's letter: Report