സിനിമ പോലും മാറി നിൽക്കും, അടിപൊളി ക്വാളിറ്റിയിൽ വീഡിയോ നിർമ്മിക്കാം! വിഇഒ 3 ഇനി ഇന്ത്യയിലും
ഗൂഗിൾ തങ്ങളുടെ പുതിയ എഐ വീഡിയോ ടൂളായ വിഇഒ 3 ഇന്ത്യയിലും അവതരിപ്പിച്ചിരിക്കുകയാണ്. ജെമിനി ആപ്പിൽ എഐ പ്രോ സബ്സ്ക്രിപ്ഷൻ ഉള്ളവർക്ക് ഇത് ലഭ്യമാകും. വിഇഒ 3 ജെമിനി ആപ്പ് ലഭ്യമായ എല്ലാ രാജ്യങ്ങളിലും പുറത്തിറക്കുന്നതായി ഗൂഗിൾ തന്നെയാണ് അറിയിച്ചത്. ഇതോടെ ഇന്ത്യക്കാർ ഒന്നടങ്കം കാത്തിരുന്ന പ്രഖ്യാപനമാണ് ഉണ്ടായിരിക്കുന്നത്. ജൂലൈ നാല് മുതലാണ് ഈ പ്ലാറ്റ്ഫോം ലഭ്യമായി തുടങ്ങിയത്.
എന്താണ് വിഇഒ 3?
വിഇഒ 3 ഒരു പുതിയ ടെക്നോളജി ടൂളാണ്. ഇത് ഉപയോഗിച്ച് ഏതാനും വാക്കുകൾ മാത്രം നൽകി 8 സെക്കൻഡ് വരെയുള്ള വീഡിയോകൾ എളുപ്പത്തിൽ നിർമ്മിക്കാം. ഇതിൽ ഓഡിയോ (സിന്തസൈസ്ഡ് സ്പീച്ച്), ബാക്ക്ഗ്രൗണ്ട് മ്യൂസിക്, സൗണ്ട് എഫക്റ്റുകൾ എന്നിവയും ഉണ്ടാകും. സിനിമകളിലേതുപോലെ ചെറിയ വീഡിയോകൾ നിർമ്മിക്കാൻ ഇത് സഹായിക്കുന്നു. ഏതാനും ആഴ്ചകൾക്ക് മുമ്പ് ഗൂഗിൾ പ്രത്യേക ഇവന്റിലാണ് വിഇഒ 3 ആദ്യമായി അവതരിപ്പിച്ചത്. അന്നു മുതൽ ഇത് ലോകമെമ്പാടുമുള്ള ആളുകൾക്ക് ഇടയിൽ ശ്രദ്ധ നേടിയിരുന്നു.
ചരിത്രത്തിലെ പ്രധാന സംഭവങ്ങളുടെ പുനർനിർമ്മാണം മുതൽ പുരാണങ്ങളിലെ ജീവികളെക്കുറിച്ചുള്ള സാങ്കൽപ്പിക കഥകൾ വരെ ഇതിൽ തയ്യാറാക്കാം. വീഡിയോകൾ നിർമ്മിക്കുന്നതിനും കാണുന്നതിനുമുള്ള രീതി വിഇഒ 3 പൂർണ്ണമായി മാറ്റുമെന്ന് ഓപ്പൺഎഐ സഹസ്ഥാപകൻ കൂടിയായ ആൻഡ്രി കാർപ്പതി അഭിപ്രായപ്പെട്ടിരുന്നു. ഇത് ഭാവിയിൽ വലിയ മാറ്റങ്ങൾക്ക് തുടക്കമിടുമെന്നും അദ്ദേഹം പറഞ്ഞു. വായിക്കുന്നതിനും എഴുതുന്നതിനും എളുപ്പം വീഡിയോകൾ കാണുന്നതിലൂടെ ഉള്ളടക്കം സൃഷ്ടിക്കുന്നത് കൂടുതൽ എളുപ്പമായിരിക്കുകയാണെന്നും അദ്ദേഹം കൂട്ടിച്ചേർത്തു.
ഗൂഗിൾ വിഇഒ 3 ഉപയോഗിക്കുന്ന ഓരോ ഉപഭോക്താവിനും സുരക്ഷിതവും ഉത്തരവാദിത്തപരവുമായ അനുഭവം നൽകുന്നതിന് കമ്പനി പ്രത്യേക ശ്രദ്ധ ചെലുത്തുന്നുണ്ട്. അതിന്റെ ഭാഗമായി എഐ ഉപയോഗിച്ച് നിർമ്മിച്ച വീഡിയോകൾ തിരിച്ചറിയാൻ സാധിക്കുന്ന വാട്ടർമാർക്കും സിന്ത് ഐഡിയും ഇവയ്ക്ക് പ്രത്യേകമായി ഉണ്ടാകും. ഇത് വീഡിയോയുടെ ഉറവിടം കണ്ടെത്താൻ സഹായിക്കുമെന്നും ഗൂഗിൾ അറിയിച്ചു.
ഏറ്റവും ശ്രദ്ധേയമായ കാര്യം എന്തെന്നാൽ ഈ പുതിയ ടൂൾ ഉപയോഗിച്ച് വീഡിയോ നിർമ്മാതാക്കൾക്ക് എളുപ്പത്തിൽ വീഡിയോകൾ നിർമ്മിക്കാൻ കഴിയും. വിദ്യാർത്ഥികൾക്ക് പ്രെസന്റേഷനുകൾ, പ്രോജക്റ്റ് വീഡിയോകൾ എന്നിവ നിർമ്മിക്കാം. സാധാരണ ഉപയോക്താക്കൾക്ക് അവരുടെ ഭാവനയിലുള്ള കാര്യങ്ങൾ വീഡിയോ രൂപത്തിൽ കാണാനും സാധിക്കും. ജെമിനി ആപ്പിൽ ഈ ഫീച്ചർ ഉപയോഗിച്ച് നിങ്ങൾക്ക് ദൃശ്യങ്ങൾ നിർമ്മിച്ച് പരീക്ഷിക്കാവുന്നതാണ്.
Click it and Unblock the Notifications
Sign in with Google