കളംമാറ്റി ചവുട്ടി നെറ്റ്ഫ്ലിക്സ്; ആദ്യമായി ഷോയിൽ എഐ ഉപയോഗിച്ച് ചരിത്രം കുറിച്ചു, ഇനി എല്ലാം മാറുമോ?
വീഡിയോ സ്ട്രീമിംഗ് മേഖലയിൽ ചരിത്രം കുറിച്ച് നെറ്റ്ഫ്ലിക്സ്. തങ്ങളുടെ ഷോയിൽ ആദ്യമായി എഐ ഉപയോഗിച്ചതോടെയാണ് സ്ട്രീമിംഗ് ഭീമൻമാർ ചുവടുമാറ്റം നടത്തിയത്. പ്രോഗ്രാമുകൾ കൂടുതൽ ബജറ്റ് ലക്ഷ്യങ്ങൾ നിറവേറ്റാനും മികച്ച നിലവാരമുള്ളതുമാക്കാനും ലക്ഷ്യമിടുമെന്ന കമ്പനി സിഇഒയുടെ വാക്കുകൾക്ക് പിന്നാലെയാണ് നെറ്റ്ഫ്ലിക്സ് നീക്കം.
ജനറേറ്റീവ് എഐ ഫൂട്ടേജ് ഉപയോഗിച്ച് നിർമ്മിച്ച ആദ്യ അർജന്റീനിയൻ സയൻസ് ഫിക്ഷൻ പരമ്പരയാണ് എൽ എറ്റെർനൗട്ട (ദി എറ്റെർനൗട്ട്) എന്ന് നെറ്റ്ഫ്ലിക്സിന്റെ സഹ-ചീഫ് എക്സിക്യൂട്ടീവ് ആയ ടെഡ് സരണ്ടോസ് അറിയിച്ചു. ഭാവിയിൽ വിപ്ലവാത്മക മാറ്റങ്ങൾക്ക് കാരണമായേക്കാവുന്ന സംഭവ വികാസം കൂടിയാണ് ഇതെന്ന് പലരും നിരീക്ഷിക്കുന്നു.
'സിനിമകളും പരമ്പരകളും വിലകുറഞ്ഞതാക്കാൻ മാത്രമല്ല, മികച്ചതാക്കാൻ സൃഷ്ടാക്കളെ സഹായിക്കുന്നതിനുള്ള അവിശ്വസനീയമായ അവസരമാണ് എഐ പ്രതിനിധീകരിക്കുന്നതെന്ന് ഞങ്ങൾക്ക് ബോധ്യമുണ്ട്' നെറ്റ്ഫ്ലിക്സ് അതിന്റെ രണ്ടാം പാദ ഫലങ്ങൾ റിപ്പോർട്ട് ചെയ്തതിന് ശേഷം കഴിഞ്ഞ ദിവസം ടെഡ് പറഞ്ഞു.
പെട്ടെന്നുണ്ടാവുന്ന കനത്ത മഞ്ഞുവീഴ്ചയെ അതിജീവിച്ചവരെ കുറിച്ചുള്ള ഈ പരമ്പരയിൽ, ബ്യൂണസ് ഐറിസിൽ ഒരു കെട്ടിടം തകർന്നുവീഴുന്നത് കാണിക്കാനായി നെറ്റ്ഫ്ലിക്സും വിഷ്വൽ ഇഫക്റ്റ്സ് ആർട്ടിസ്റ്റുകളും എഐ ഉപയോഗിച്ചു എന്നാണ് അദ്ദേഹം പറഞ്ഞത്. എഐ ടൂളുകൾ ഉപയോഗിച്ച് വളരെ വേഗത്തിൽ ഇതിന്റെ പ്രവർത്തനങ്ങൾ നടത്തിയെന്നാണ് ടെഡ് പറയുന്നത്.
ഒരു വലിയ ബജറ്റ് നിർമ്മാണത്തിന് സാധാരണയുള്ളതിനേക്കാൾ വളരെ കുറഞ്ഞ ചെലവിൽ സീരീസിന് ഫണ്ട് നൽകാൻ എഐ ടൂളുകളുടെ ഉപയോഗം നെറ്റ്ഫ്ലിക്സിനെ അനുവദിച്ചുവെന്ന് അദ്ദേഹം പറഞ്ഞു. എഐയെ കൂടാതെ സ്പെഷ്യൽ ഇഫക്റ്റുകളുടെ ചെലവ് ആ ബജറ്റിൽ ഒരു ഷോയ്ക്ക് പ്രായോഗികമായിരുന്നില്ലെന്നും അദ്ദേഹം കൂട്ടിച്ചേർത്തു.
നേരത്തെ മെയ് മാസത്തിൽ, സംഭാഷണ ശൈലികൾ ഉപയോഗിച്ച് ഷോകളോ സിനിമകളോ കണ്ടെത്താൻ ഉപയോക്താക്കളെ അനുവദിക്കുന്ന ഒരു പുതിയ എഐ പവർഡ് സെർച്ച് സവിശേഷത മൊബൈലിൽ നെറ്റ്ഫ്ലിക്സ് അവതരിപ്പിച്ചു. ഇതിന്റെ തുടർച്ചയായാണ് പുതിയ എഐ പരീക്ഷണം കൂടി നെറ്റ്ഫ്ലിക്സ് നടത്തുന്നത്.
വിനോദ വ്യവസായത്തിൽ, പ്രത്യേകിച്ച് നിർമ്മാണം, സ്പെഷ്യൽ ഇഫക്റ്റ്സ് വ്യവസായം തുടങ്ങിയ മേഖലകളിൽ, ജനറേറ്റീവ് എഐയുടെ ഉപയോഗം തൊഴിൽ വെട്ടിക്കുറവിനെക്കുറിച്ചുള്ള ആശങ്കകൾക്ക് കാരണമായിട്ടുണ്ട്. ഇതിൽ പല തരത്തിലുള്ള ചർച്ചകൾ നടക്കുകയും പല കോണുകളിൽ നിന്ന് ആശങ്കകൾ ഉയരുകയും ചെയ്യുന്നതിന് പിന്നാലെയാണ് ഈ സംഭവികാസം.
2023ൽ, ഹോളിവുഡ് അഭിനേതാക്കളുടെയും എഴുത്തുകാരുടെയും സമരങ്ങളിൽ എഐ ഒരു പ്രധാന വിഷയമായി എടുത്തുപറഞ്ഞിരുന്നു. ഇതിൽ പുതിയ സാങ്കേതികവിദ്യ തൊഴിലാളികളെ മാറ്റിസ്ഥാപിക്കാൻ ഉപയോഗിക്കുന്നതിനുപകരം അവരുടെ നിയന്ത്രണത്തിൽ തന്നെ തുടരുന്നുവെന്ന് ഉറപ്പാക്കുന്നതിനുള്ള ആവശ്യങ്ങളാണ് ഉന്നയിച്ചത്.
-
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
Women's Day Malayalam Wishes: വീണ്ടുമൊരു വനിതാദിനം കൂടി, ആശംസകള് അറിയിക്കാം -
ബെംഗളൂരു യെമലൂർ-ഔട്ടർ റിംഗ് റോഡ്; വടിയെടുത്ത് ഈസ്റ്റ് സിറ്റി കോർപറേഷൻ,മാർച്ച് 15 നകം പൂർത്തിയാക്കണം
Click it and Unblock the Notifications
Sign in with Google