പുതുവർഷത്തിൽ ശക്തമായ വിപരീത രാജയോഗം; ഈ രാശിക്കാരുടെ സുവർണകാലം, പൂർവിക സ്വത്ത് കിട്ടും!

ജ്യോതിഷത്തിന് വലിയ പ്രാധാന്യമുണ്ട് നമ്മുടെനാട്ടിൽ. പ്രപഞ്ചത്തിലെ ഏത് ജീവജാലത്തിന്റേയും സൃഷ്‌ടിക്ക് പിന്നില്‍ ഒരു നിയോഗമോ കാരണമോ ഉണ്ടെന്ന് ജ്യോതിഷത്തില്‍ വളരെ ആഴത്തിൽ വ്യക്തമാക്കുന്നുണ്ട്. ഇവയുടെ ജനനം തൊട്ട് മരണം വരെയുള്ള കാര്യങ്ങള്‍ നിര്‍ണയിക്കാന്‍ ജ്യോതിഷം വഴി സാധിക്കുമെന്ന് പറയപ്പെടുന്നു. ഗ്രഹനില, രാശിക്കൂറ്, ജന്മനക്ഷത്രം, സമയം എന്നിവയുടെ അടിസ്ഥാനത്തിലാണ് ഇതൊക്കെയും ഗണിക്കുന്നത്. അത് അനുസരിച്ച് ഓരോരുത്തരുടെ യോഗങ്ങളും വ്യത്യാസപ്പെടും.

ജ്യോതിഷപ്രകാരം 9 ഗ്രഹങ്ങളാണ് ആകെയുള്ളത്. എന്നാൽ അതിൽ സൂര്യന്‍, ചന്ദ്രന്‍, ചൊവ്വ, ബുധന്‍, വ്യാഴം, ശുക്രന്‍, ശനി, രാഹു, കേതു. ഇവയില്‍ ആദ്യത്തെ ഏഴ് ഗ്രഹങ്ങള്‍ ഭൗതികമായി നിലവിലുള്ളവയാണ്. ശേഷിക്കുന്ന രാഹുവും കേതുവും ജ്യോതിഷപരമായ സങ്കല്‍പ്പങ്ങൾ മാത്രമാണ്. ചിങ്ങം, കന്നി, തുലാം, വൃശ്ചികം, ധനു, മകരം, കുംഭം, മീനം, മേടം, ഇടവം, മിഥുനം, കര്‍ക്കിടകം എന്നിങ്ങനെയാണ് 12 രാശികളായി നാം പ്രധാനമായും കണക്കാക്കുന്നത്.

ഇവ കൂടാതെ അശ്വതി, ഭരണി, കാര്‍ത്തിക, രോഹിണി, മകയിരം, തിരുവാതിര, പുണര്‍തം,പൂയം, ആയില്യം, മകം,പൂരം, ഉത്രം, അത്തം, ചിത്തിര, ചോതി, വിശാഖം, അനിഴം, തൃക്കേട്ട, മൂലം, പൂരാടം, ഉത്രാടം, തിരുവോണം, അവിട്ടം, ചതയം, പൂരൂരുട്ടാതി, ഉത്രട്ടാതി, രേവതി എന്നിങ്ങനെ 27 നക്ഷത്രങ്ങളുമുണ്ട് ഭാരതീയ ജ്യോതിഷത്തിൽ എന്നതാണ് നിങ്ങൾ അറിയേണ്ട മറ്റൊരു അടിസ്ഥാനപരമായ കാര്യം. ഇവയ്ക്കൊക്കെ കൃത്യമായ കർമ്മങ്ങളും കാര്യങ്ങളും ഒക്കെ നിശ്ചയിച്ചു നൽകിയിട്ടുമുണ്ട്.

ഇപ്പോഴിതാ വളരെ സവിശേഷമായ ഒരു രാജയോഗമാണ് വരാനിരിക്കുന്നത്. വ്യാഴത്തിന്റെ മാറ്റത്തോടെയാണ് ഈ രാജയോഗം വരുന്നത്. ജ്യോതിഷത്തിൽ ഗ്രഹങ്ങളുടെ ഗുരുവായ വ്യാഴത്തിന്റെ സംക്രമണം വളരെയധികം പ്രാധാന്യം അർഹിക്കുന്ന ഒന്നാണ്. ദേവന്മാരുടെ ഗുരുവായ വ്യാഴം എല്ലാ വർഷവും രാശി മാറ്റുന്നു. പുതുവർഷത്തിൽ വ്യാഴം ബുധന്റെ രാശിയായ മിഥുനത്തിൽ ആയിരിക്കും. 2026 മാർച്ച് വരെ വ്യാഴം പിന്നോക്കാവസ്ഥയിൽ തുടരും.

ജ്യോതിഷ പ്രകാരം 6, 8, 12 എന്നീ ഭാവങ്ങളുടെ അധിപ ഗ്രഹങ്ങൾ ഈ മൂന്ന് ത്രിത്വ ഭാവങ്ങളിൽ ഒന്നിൽ സ്ഥാനം പിടിക്കുകയോ സ്ഥാനം മാറുകയോ ചെയ്യുമ്പോഴാണ് സവിശേഷമായ വിപരീത രാജയോഗം രൂപപ്പെടുന്നത്. മിഥുനത്തിൽ വ്യാഴം ശക്തമായ ഒരു വിപരീത രാജയോഗം സൃഷ്‌ടിക്കുന്നു. ഇതിലൂടെ ഈ മൂന്ന് രാശികളിൽ ജനിച്ചവർക്ക് കാര്യമായ നേട്ടങ്ങൾ അനുഭവപ്പെട്ടേക്കാം. ഏതൊക്കെ രാശികൾക്ക് എന്തൊക്കെ നേട്ടങ്ങൾ വരുമെന്ന് നോക്കാം.

വൃശ്ചികം രാശി: രണ്ടാമത്തെയും അഞ്ചാമത്തെയും ഭാവങ്ങളെ ഭരിക്കുന്ന ഈ രാശിയിലെ വ്യാഴം എട്ടാമത്തെ ഭാവത്തിൽ തങ്ങി നിൽക്കുകയാണ് ചെയ്യുക. തൽഫലമായി ഈ രാശിയിൽ ജനിച്ചവർക്ക് പെട്ടെന്ന് സാമ്പത്തിക നേട്ടങ്ങൾ അനുഭവപ്പെടാൻ യോഗമുണ്ടാവും. വളരെക്കാലമായി മുടങ്ങിക്കിടന്ന ജോലികൾ പൂർത്തിയാക്കാൻ സാധിക്കും. ഗവേഷണ പ്രവർത്തനങ്ങൾ വിജയിച്ചേക്കാം. പൂർവ്വിക സ്വത്തുമായി ബന്ധപ്പെട്ട തർക്കങ്ങൾ പരിഹരിക്കപ്പെട്ടേക്കാം. മാനസിക സമാധാനം കൈവരിക്കാൻ കഴിയും.

കർക്കടകം രാശി: വ്യാഴത്തിന്റെ വിപരീത രാജയോഗം സൃഷ്‌ടിക്കുന്നത് പല മേഖലകളിലും നേട്ടങ്ങൾ നൽകും. ഈ രാശിക്കാരുടെ ജാതകത്തിൽ ആറ്, ഒമ്പത് ഭാവങ്ങളുടെ അധിപനായ വ്യാഴം പന്ത്രണ്ടാം ഭാവത്തിൽ വിപരീത രാജയോഗം ഉണ്ടാക്കും. തൽഫലമായി ഈ രാശിയിൽ ജനിച്ചവർക്ക് ഭാഗ്യം അനുകൂലമായിരിക്കും. സമ്പത്ത് വർധിക്കാനും സാധ്യത ഏറെയാണ്. വിദേശ യാത്ര, കോടതി കേസുകളിൽ വലിയ വിജയത്തിന് വഴിയൊരുങ്ങും. ശത്രുക്കളുടെ മേൽ വിജയം, തൊഴിൽപരമായി വിജയം, സ്ഥാനക്കയറ്റവും സാമ്പത്തിക നേട്ടങ്ങളും ലഭിച്ചേക്കാം.

മകരം രാശി: ഈ രാശിയിൽ പന്ത്രണ്ടാം ഭാവത്തിന്റെ അധിപനായ വ്യാഴം ആറാം ഭാവത്തിൽ സ്ഥിതിചെയ്യുകയും അതിലൂടെ വിപരീത രാജയോഗം ഉണ്ടാക്കുകയും ചെയ്യും. ഈ രാശിയിൽ ജനിച്ചവർക്ക് ഇത് കാര്യമായ നേട്ടങ്ങൾ കൈവരുത്തും. ജീവിതത്തിലെ ദീർഘകാല ബുദ്ധിമുട്ടുകൾ പരിഹാരമാകും. ദീർഘകാലമായി നിലനിൽക്കുന്ന ഒരു പ്രശ്‌നം പരിഹരിക്കാനുള്ള ശക്തമായ സാധ്യതകൾ തന്നെ വരുന്നുണ്ട്.

English summary

Powerful Vipareet Rajayogam: These Zodiacs Golden Times Ahead And Success Will Comeafter.