ശനിയും വ്യാഴവും ചേർന്നാൽ കഷ്ടകാലം; ഈ രാശിക്കാർ കടം വാങ്ങരുത്, കൊടുക്കരുത്, യാത്ര സൂക്ഷിച്ചു മതി!
ഭാരതീയ ജ്യോതിഷത്തിൽ ശനിയും വ്യാഴവും ഏറ്റവും ശക്തമായ സ്വാധീനമുള്ള ഗ്രഹങ്ങളായി കണക്കാക്കപ്പെടുന്നു. ശനി കർമ്മഫലം, അച്ചടക്കം, കഠിനാധ്വാനം, സ്ഥിരത എന്നിവയുടെ കാരകനാണെങ്കിൽ വ്യാഴം ഭാഗ്യം, സമ്പത്ത്, ജ്ഞാനം, ഐശ്വര്യം, ആത്മീയ വളർച്ച എന്നിവയുടെ പ്രതീകമാണ്. ഈ രണ്ട് ഗ്രഹങ്ങളുടെയും അപൂർവ സംഗമം ചില രാശിക്കാരുടെ ജീവിതത്തിൽ ശ്രദ്ധേയമായ മാറ്റങ്ങൾ സൃഷ്ടിക്കുമെന്നാണ് ജ്യോതിഷപ്രകാരമുള്ള വിശ്വാസം.
ദൃക് പഞ്ചാംഗത്തിൽ, വ്യാഴം അസ്തമിക്കുകയും ശനി പിന്നോട്ട് പോകുകയും ചെയ്യുന്ന സമയമാണ് വരാനിരിക്കുന്നത്, ശനി അതായത് അത് വിപരീത ദിശയിലേക്ക് നീങ്ങും. ഇത് ചില രാശിക്കാർക്ക് നല്ല നേട്ടവും മറ്റുള്ളവയ്ക്ക് അപകടകരവുമായി കണക്കാക്കപ്പെടുന്നു. ദൃക് പഞ്ചാംഗം അനുസരിച്ച്, ജൂലൈ 26 മുതൽ ശനി പിന്നോട്ട് പോകുമെന്നാണ് കണക്കാക്കുന്നത്. ശനിയുടെ പിന്നോക്ക ചലനത്തിന്റെ ഫലങ്ങൾ പല രാശിക്കാരുടെയും ജീവിതത്തിൽ ഉയർച്ച താഴ്ചകൾക്ക് കാരണമാകും.
ജൂലൈ 15 ന് വ്യാഴം അസ്തമിക്കും. വ്യാഴം അറിവിന്റെയും സമ്പത്തിന്റെയും കുട്ടികളുടെയും ഗ്രഹമായി കണക്കാക്കപ്പെടുന്ന ഒന്നാണ്. ഈ അസ്തമയം ശുഭകരമായ സംഭവങ്ങൾക്ക്, പ്രത്യേകിച്ച് വിവാഹങ്ങൾക്ക് തടസമായി മാറിയേക്കാം. ഈ കാലയളവിൽ വിവാഹങ്ങൾ നടക്കില്ലെന്ന് മാത്രമല്ല പല ബുദ്ധിമുട്ടുകളും ചില രാശിക്കാരെ തേടിയെത്തും. ഏതൊക്കെ രാശികൾക്ക് എന്തൊക്കെ ദോഷങ്ങളാണ് കാത്തിരിക്കുന്നതെന്ന് നോക്കാം.
മേടം
മേടം രാശിക്കാർക്ക് തൊഴിൽ രംഗത്ത് അപ്രതീക്ഷിത വെല്ലുവിളികൾ നേരിടേണ്ടി വന്നേക്കാം. മേലുദ്യോഗസ്ഥരുമായി അഭിപ്രായവ്യത്യാസങ്ങൾ ഉണ്ടാകാൻ സാധ്യതയുള്ളതിനാൽ സംസാരത്തിൽ നിയന്ത്രണം പാലിക്കണം. സാമ്പത്തിക കാര്യങ്ങളിൽ വലിയ നിക്ഷേപങ്ങൾ ഒഴിവാക്കുന്നതാണ് നല്ലത്. കുടുംബത്തിൽ ചെറിയ അഭിപ്രായഭിന്നതകൾ ഉണ്ടായേക്കാമെങ്കിലും ക്ഷമയോടെ സമീപിച്ചാൽ എല്ലാം പരിഹരിക്കാനാകും. ആരോഗ്യകാര്യങ്ങളിൽ അമിതമായ മാനസിക സമ്മർദ്ദം ഒഴിവാക്കണം.
കർക്കടകം
കർക്കടകം രാശിക്കാർക്ക് ഈ സമയത്ത് ചെലവുകൾ വർധിക്കാൻ സാധ്യതയുണ്ട്. പ്രതീക്ഷിച്ച വരുമാനം വൈകിയെത്തുന്നതും സാമ്പത്തിക സമ്മർദ്ദം സൃഷ്ടിച്ചേക്കാം. ജോലി ചെയ്യുന്നവർക്ക് അധിക ഉത്തരവാദിത്വങ്ങൾ ലഭിക്കാം. കുടുംബാംഗങ്ങളുടെ ആരോഗ്യകാര്യങ്ങളിൽ കൂടുതൽ ശ്രദ്ധ ആവശ്യമായി വരാം. യാത്രകളിൽ ജാഗ്രത പാലിക്കുന്നതും നല്ലതാണ്. കൂടാതെ ആർക്കും കടം കൊടുക്കാനോ കടം വാങ്ങാനോ നിൽക്കാതിരിക്കുക. പണം ചിലവഴിക്കുമ്പോൾ അങ്ങേയറ്റം സൂക്ഷിക്കുക.
കന്നി
കന്നി രാശിക്കാർക്ക് തൊഴിൽ മേഖലയിലെ മാറ്റങ്ങൾ ആശങ്ക സൃഷ്ടിച്ചേക്കാം. പുതിയ തീരുമാനങ്ങൾ എടുക്കുമ്പോൾ തിടുക്കം കാണിക്കരുത്. ബിസിനസ് ചെയ്യുന്നവർ പങ്കാളിത്ത കാര്യങ്ങളിൽ പ്രത്യേകം ശ്രദ്ധിക്കണം. സാമ്പത്തിക ഇടപാടുകളിൽ രേഖകൾ കൃത്യമായി പരിശോധിക്കേണ്ടതാണ്. ആരോഗ്യപരമായി ദഹനസംബന്ധമായ ബുദ്ധിമുട്ടുകൾ ഉണ്ടാകാൻ സാധ്യതയുള്ളതിനാൽ ഭക്ഷണക്രമത്തിൽ ശ്രദ്ധ വേണം. കഴിവതും സുഹൃത്തുക്കളുമായി തർക്കത്തിന് മുതിരാതിരിക്കുക.
വൃശ്ചികം
വൃശ്ചികം രാശിക്കാർക്ക് കുടുംബജീവിതത്തിൽ ചില സംഘർഷങ്ങൾ ഉണ്ടാകാം. ബന്ധങ്ങളിൽ തെറ്റിദ്ധാരണകൾ ഒഴിവാക്കാൻ തുറന്ന ആശയവിനിമയം ആവശ്യമാണ്. തൊഴിൽ മേഖലയിൽ പ്രതീക്ഷിച്ച അംഗീകാരം വൈകാൻ സാധ്യതയുണ്ട്. അനാവശ്യ ചെലവുകൾ നിയന്ത്രിക്കേണ്ട സമയമാണിത്. വാഹനമോടിക്കുമ്പോഴും യാത്രകളിലും കൂടുതൽ ശ്രദ്ധ പുലർത്തുക. ആരോഗ്യ പ്രശ്നങ്ങളെ ഒരു കാരണവശാലും അവഗണിക്കരുത്.
കുംഭം
കുംഭം രാശിക്കാർക്ക് ജോലി സംബന്ധമായ സമ്മർദ്ദം വർധിക്കാനിടയുണ്ട്. പുതിയ പദ്ധതികൾ വൈകാൻ സാധ്യതയുള്ളതിനാൽ ക്ഷമയോടെ മുന്നോട്ട് പോകണം. സാമ്പത്തിക കാര്യങ്ങളിൽ കടം വാങ്ങുകയോ വലിയ ചെലവുകൾ നടത്തുകയോ ചെയ്യുന്നതിന് മുമ്പ് ആലോചിക്കുക. സുഹൃത്തുക്കളുമായും ബന്ധുക്കളുമായും അഭിപ്രായവ്യത്യാസങ്ങൾ ഉണ്ടാകാൻ സാധ്യതയുള്ളതിനാൽ സംസാരത്തിൽ സൂക്ഷ്മത പാലിക്കുന്നത് ഗുണം ചെയ്യും.
Click it and Unblock the Notifications
Sign in with Google