ഈ രാശിക്കാർക്ക് ഭാഗ്യം തുണയാവും; ആഗ്രഹങ്ങൾ എല്ലാം സഫലമാവും, കുടുംബവുമായി നല്ല ബന്ധം പുലർത്തും!
ശുക്രൻ വേദ ജ്യോതിഷത്തിൽ ഒരു പ്രധാന ഗ്രഹമായാണ് കണക്കാക്കപ്പെടുന്നത്. സൗന്ദര്യം, പ്രണയം, സമ്പത്ത്, സുഖഭോഗങ്ങൾ, കല, സംഗീതം, ആഡംബരം എന്നിവയുടെ കാരകനാണ് ശുക്രൻ. ഇടവം, തുലാം എന്നീ രാശികളുടെ അധിപനായ ശുക്രൻ, ജാതകത്തിൽ വിവിധ ഭാവങ്ങളിൽ നിൽക്കുന്നതിനനുസരിച്ച് വ്യത്യസ്ത ഫലങ്ങൾ നൽകുന്നു. അതിനാൽ തന്നെ പൊതുവെ ശുക്രൻ ശുഭനായി തന്നെ എല്ലാവരും നോക്കി കാണുന്നു എന്ന പ്രത്യേകത കൂടിയുണ്ട്.
സാധാരണഗതിയിൽ ശുക്രൻ ഒരു ജാതകത്തിൽ ശക്തനായിരിക്കുമ്പോൾ സന്തോഷകരമായ ദാമ്പത്യവും പ്രണയവും ലഭിക്കും എന്നാണ് പറയപ്പെടുന്നത്. കലാപരമായ കഴിവുകളായ കവിത, നൃത്തം, സംഗീതം, ചിത്രകല എന്നിവയിൽ മികവ് പുലർത്താനും സാധിക്കും. ശുക്രൻ രണ്ടാം/ഒൻപതാം ഭാവങ്ങളിൽ ശക്തനായാൽ സമ്പത്ത്, ആഡംബര ജീവിതം എന്നിവ കൂടി ലഭിക്കും.
ഇക്കാരണത്താൽ തന്നെ നവ ഗ്രഹങ്ങളിൽ ശുക്രനെ വളരെ പ്രധാന ഗ്രഹമായിട്ടാണ് കണക്കാക്കുന്നത്. ശുക്രന്റെ സംക്രമണം പല മേഖലകളിലും നേട്ടങ്ങൾ നൽകും. ജൂലൈ മാസത്തിലെ ശുക്രന്റെ സംക്രമണം പല രാശിക്കാർക്കും ഭാഗ്യം നൽകും. എല്ലാവർക്കും ഈ നേട്ടങ്ങൾ ഒരുപോലെ ആയിരിക്കില്ല എന്നത് മാത്രമാണ് പ്രധാന കാര്യം.
സമ്പത്തിന്റെയും, മഹത്വത്തിന്റെയും, സമൃദ്ധിയുടെയും, സന്തോഷത്തിന്റെയും വാഹകനും അസുര ഗുരുവുമായ ശുക്രൻ ജൂൺ 29ന് സ്വന്തം രാശിയായ ഇടവത്തിൽ സംക്രമിച്ചു ഇതിനി ജൂലൈ 26 വരെ ഈ രാശിയിൽ തുടരുമെന്നാണ് കരുതുന്നത്. ശുക്രൻ തുലാം രാശിയിൽ വിപരീത രാജയോഗമെന്ന സവിശേഷമായ അവസ്ഥ കൂടി സൃഷ്ടിച്ചിട്ടുണ്ട്.
ഇതുകൂടാതെ മാളവ്യ രാജയോഗവും ശുക്രൻ സൃഷ്ടിക്കുന്നുണ്ട് എന്നതാണ് പ്രധാന പ്രത്യേകത. തുലാം രാശിക്കാരുടെ ജാതകത്തിൽ ലഗ്നാധിപനായ ശുക്രൻ എട്ടാം ഭാവത്തിൽ വിപരീത രാജയോഗം സൃഷ്ടിക്കുന്നു. ഏതൊക്കെ രാശിക്കാർക്കാണ് വിപരീത രാജയോഗം നല്ല ഗുണങ്ങൾ ഉണ്ടാക്കുക എന്നും എന്തൊക്കെയാണ് നേട്ടങ്ങൾ എന്നും അറിയാം.
കർക്കിടകം രാശി: ഈ രാശിയിൽ നാലാം ഭാവാധിപനായ ശുക്രൻ പതിനൊന്നാം ഭാവത്തിലേക്ക് സംക്രമിക്കും എന്നാണ് കരുതുന്നത്. ഇവർക്ക് കൃഷി, റിയൽ എസ്റ്റേറ്റ്, ക്രിയാത്മക മേഖലകൾ എന്നിവയിൽ പുരോഗതി ഉണ്ടാകും. ജോലി തേടുന്നവർക്ക് നിയമന ഉത്തരവുകളോ പുതിയ അവസരങ്ങളോ ലഭിച്ചേക്കാം.
പൂർവിക സ്വത്തോ നിക്ഷേപങ്ങളോ വഴി സാമ്പത്തിക നേട്ടങ്ങൾ പ്രതീക്ഷിക്കാം. തൊഴിൽ കാര്യങ്ങളിൽ ബാഹ്യ ഇടപെടലുകൾ ഒഴിവാക്കുക.
ബിസിനസിൽ ചെറിയ തടസ്സങ്ങൾ ഉണ്ടാകാം, പക്ഷേ ക്ഷമയും തന്ത്രപരമായ ആസൂത്രണവും വിജയം നൽകും. കുടുംബ ജീവിതം സന്തോഷകരമായിരിക്കും, വിവാഹം പോലുള്ള ശുഭ പരിപാടികൾ ഉണ്ടാകാം. പ്രിയപ്പെട്ടവരുടെ പിന്തുണ ആത്മവിശ്വാസം വർദ്ധിപ്പിക്കും. വിവാഹിതർ ബാഹ്യ സ്വാധീനങ്ങൾ ഒഴിവാക്കി ബന്ധം ശക്തിപ്പെടുത്തണം. ഭാഗ്യത്തിന് തുണ എന്നും ഇവർക്കൊപ്പം കാണും.
കുംഭം രാശി: ക്രിയാത്മകവും സാങ്കേതികവുമായ മേഖലകളിൽ തൊഴിൽ പുരോഗതി പ്രതീക്ഷിക്കാം. അപ്രതീക്ഷിത പ്രമോഷനോ അംഗീകാരമോ ലഭിച്ചേക്കാം. മത്സര പരീക്ഷകളിൽ പരിശ്രമം ഫലം കാണും. ഉന്നത പഠനത്തിന് സാധ്യത തെളിയുന്നുണ്ട്. യാത്രകളിലോ ആഡംബരത്തിലോ അമിത ചെലവ് ഒഴിവാക്കുക. കുടുംബത്തിൽ നിന്നോ കുട്ടികളിൽ നിന്നോ സാമ്പത്തിക നേട്ടങ്ങൾ ലഭിച്ചേക്കാം.
പോസിറ്റീവ് മനോഭാവം ബന്ധങ്ങളെ ശക്തിപ്പെടുത്തും. അവിവാഹിതർക്ക് സാമൂഹിക പരിപാടികളിൽ പങ്കാളികളെ കണ്ടെത്താം. കുടുംബ ബന്ധങ്ങൾ ശക്തമാകും, പ്രിയപ്പെട്ടവരോടൊപ്പം സമയം ചെലവഴിക്കാൻ അവസരങ്ങൾ ലഭിക്കും. ഇവരുടെ ആഗ്രഹങ്ങൾ എല്ലാം സഫലമാവും എന്ന പ്രത്യേകത കൂടി ഈ രാജയോഗത്തിനുണ്ട്.
തുലാം രാശി: ലഗ്നാധിപനായ ശുക്രൻ എട്ടാം ഭാവത്തിൽ വിപരീത രാജയോഗം സൃഷ്ടിക്കുമെന്നാണ് കരുതുന്നത്. ആശയവിനിമയവും സഹകരണവും ആവശ്യമായ മേഖലകളിൽ തൊഴിൽ വളർച്ച പ്രതീക്ഷിക്കാം. പുതിയ അവസരങ്ങളോ പ്രമോഷനോ ലഭിച്ചേക്കാം. സാമ്പത്തിക സ്ഥിരത കൈവരിക്കാം, പക്ഷേ അനാവശ്യ ചെലവുകൾ ഒഴിവാക്കുക. ബിസിനസ് പങ്കാളിത്തങ്ങൾ സുതാര്യതയോടെ നടത്തിയാൽ ഫലപ്രദമാകും.
വിവാഹിതർക്ക് സാഹസിക സ്വഭാവം മൂലം തെറ്റിദ്ധാരണകൾ ഉണ്ടാകാം എങ്കിലും തുറന്ന ആശയവിനിമയം ബന്ധങ്ങളെ ശക്തിപ്പെടുത്തും. അവിവാഹിതർക്ക് അർത്ഥവത്തായ ബന്ധങ്ങൾ ലഭിച്ചേക്കാം. എങ്കിലും തിടുക്കപ്പെട്ട് തീരുമാനം എടുക്കരുത്. എന്തായാലും ആരോഗ്യം മെച്ചപ്പെടുമെങ്കിലും അത് ശ്രദ്ധിക്കുന്നത് നന്നായിരിക്കും.
Click it and Unblock the Notifications
Sign in with Google