ഹ്യൂണ്ടായുടെ പുതിയ അവതാരം, അയോണിക് 9 ഇവി; ഒറ്റ ചാർജിൽ തിരുവനന്തപുരത്ത് നിന്ന് കാസർഗോഡ് എത്താം
കാലം മാറിയതോടെ വിപണിയിൽ ഇറങ്ങുന്ന കാറുകളുടെയും കഥ മാറിയിരിക്കുകയാണ്. പെട്രോൾ, ഡീസൽ, സിഎൻജി വേരിയന്റുകൾക്ക് അപ്പുറം ഇവി അഥവാ ഇലക്ട്രിക് വാഹനങ്ങൾ നിരത്തുകളിൽ കൂടുതലായി ഇടംപിടിക്കുകയാണ്. കാലഘട്ടത്തിന്റെ ആവശ്യം എന്ന് നമുക്കിതിനെ വിശേഷിപ്പിക്കാം. അപ്പോൾ ആ മാറ്റത്തിനൊപ്പം ചേർന്ന് നിൽക്കുക എന്നതാണ് ദീർഘവീക്ഷണമുള്ള ഒരു ബ്രാൻഡ് ചെയ്യേണ്ട കാര്യം.
അത്തരമൊരു തീരുമാനത്തിന്റെ ഭാഗമായി ആഗോള തലത്തിലെ ഏറ്റവും പ്രബലരായ ഹ്യൂണ്ടായി വിപണിയിൽ എത്തിക്കുന്ന പുതിയ മോഡലാണ് അയോണിക് 9 ഇവി. ഏറെനാളായി ഈ വാഹനത്തെ കുറിച്ചുള്ള അഭ്യൂഹങ്ങളും റിപ്പോർട്ടുകളും ഒക്കെ പുറത്തുവരുന്നുണ്ടായിരുന്നു. എന്നാൽ അതിനെയൊക്കെ മാറ്റി നിർത്തിക്കൊണ്ട് വാഹനത്തെ ആഗോള തലത്തിൽ ആരാധകർക്ക് മുൻപിൽ അവതരിപ്പിച്ചിരിക്കുകയാണ് ഹ്യൂണ്ടായ്.
എന്നാൽ ആദ്യഘട്ടത്തിൽ ഈ വാഹനം കൊറിയയിലും യുഎസിലും മാത്രമായിരിക്കും വിൽപ്പന നടത്തുക. 2025 ആദ്യ പകുതിയോടെ വാഹനത്തിന്റെ വിൽപ്പന ആരംഭിക്കുമെന്നാണ് അറിയിച്ചിരിക്കുന്നത്. ഇതിന് പിന്നാലെ മറ്റ് പ്രധാന മാർക്കറ്റുകളിലേക്ക് കൂടി ഈ വാഹനം കടക്കും. എന്നാൽ ഇന്ത്യൻ വിപണിയിൽ എപ്പോൾ എത്തുമെന്നതിനെ കുറിച്ചുള്ള കൃത്യമായ വിവരമില്ലെങ്കിലും വൈകില്ലെന്നാണ് റിപ്പോർട്ടുകൾ വ്യക്തമാക്കുന്നത്.
വാഹനത്തിന്റെ മുന്നോട്ടുള്ള യാത്രയെ സുഗമമാക്കുന്ന തരത്തിലുള്ള ഡിസൈൻ രീതികളാണ് ഇതിന് നൽകിയിരിക്കുന്നത്. ഇത് ഹ്യൂണ്ടായുടെ പുതിയ ഡിസൈൻ ഭാഷയെ പ്രതിഫലിപ്പിക്കുന്നു. ആധുനിക രീതിയുള്ള വ്യത്യസ്തമായ രൂപഭംഗി തന്നെയാണ് ഈ വാഹനത്തെ വേറിട്ട് നിർത്തുന്നത്. വാഹനത്തെ കൂടുതൽ ഹൃദ്യമായ കാഴ്ചാനുഭവമാക്കി മാറ്റാൻ ഇത് സഹായിക്കുന്നു.
മൂർച്ചയേറിയ എൽഇഡി ഹെഡ്ലാമ്പുകൾക്കൊപ്പം ജോടിയാക്കിയ വലിയ അടച്ച ഗ്രില്ലാണ് മുൻനിരയിലെ പ്രധാന കാഴ്ച. പിൻഭാഗത്തെ എൽഇഡി ടെയിൽ ലാമ്പുകൾ വേറെ രീതിയിൽ ഡിസൈൻ ചെയ്തത് കൊണ്ട് തന്നെ വാഹനത്തെ സവിശേഷമാക്കുന്നു. താരതമ്യേന ഈ സെഗ്മെന്റിലെ വാഹനങ്ങളെക്കാൾ വലുപ്പമേറിയ ബോഡി തന്നെയാണ് കാറിന് നൽകിയിരിക്കുന്നത്.
ഈ ഇലക്ട്രിക് എസ്യുവിക്ക് 19 ഇഞ്ച് അലോയ് വീലുകളാണ് കമ്പനി സ്റ്റാൻഡേർഡായി നൽകിയിരിക്കുന്നത്. നിലവിൽ 16 എക്സ്റ്റീരിയർ കളർ ഓപ്ഷനുകളിലാണ് കമ്പനി വാഹനം വാഗ്ദാനം ചെയ്തിരിക്കുന്നത്. കൂടാതെ ഏഴ് ഇന്റീരിയർ നിറങ്ങളും ഇതിന് ലഭ്യമാവും. അയോണിക് 9 ഇവി 6 സീറ്റ്, 7 സീറ്റ് കോൺഫിഗറേഷനുകളിൽ ലഭ്യമാവും.
ഇരട്ട 12 ഇഞ്ച് പനോരമിക് കർവ്ഡ് ഡിസ്പ്ലേയോട് കൂടിയ ഇൻസ്ട്രുമെന്റ് ക്ലസ്റ്ററിൽ ഇൻഫോടെയ്ൻമെൻ്റ് സിസ്റ്റം, ആംബിയന്റ് ലൈറ്റിംഗ്, റൂഫ് മൗണ്ടഡ് എയർ വെന്റുകൾ, മൾട്ടി-സോൺ ക്ലൈമറ്റ് കൺട്രോൾ, മൂന്ന് വരികളിലും 100W യുഎസ്ബി സി പോർട്ടുകൾ, 8-സ്പീക്കർ സൗണ്ട് സിസ്റ്റമോ 5.1-ചാനൽ സറൗണ്ട് സൗണ്ട് ഉള്ള 14-സ്പീക്കർ ബോസ് സിസ്റ്റമോ നിങ്ങൾക്ക് തിരഞ്ഞെടുക്കാം.
110.3kWh ബാറ്ററിയാണ് ഇതിൽ നൽകിയിരിക്കുന്നത്. ഇത് ഒറ്റ ചാർജിൽ ഏതാണ്ട് 620 കിലോമീറ്റർ ദൂരം വരെ സഞ്ചരിക്കാൻ കഴിവുള്ളതാണ്. എന്ന് വച്ചാൽ നിങ്ങൾ ഈ വാഹനം ഒരുതവണ ചാർജ് ചെയ്താൽ കാസർഗോഡ് നിന്ന് തിരുവനന്തപുരത്തേക്ക് സുഖമായി യാത്ര നടത്താം. വാഹനത്തിന്റെ വിലയുമായി ബന്ധപ്പെട്ട കൂടുതൽ വിവരങ്ങൾ വൈകാതെ പുറത്തുവരും എന്നാണ് കരുതുന്നത്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google