റോഡ് ട്രിപ്പ് പ്ലാൻ ചെയ്യുകയാണോ? ഈ കാറുകളിൽ ഇന്ധനം നിറച്ചാൽ 1000 കിലോമീറ്റർ ഓടിയാലേ നിർത്തൂ...

മറ്റ് രാജ്യങ്ങളെ പോലെയല്ല ഇന്ത്യയിൽ ഒരു കാർ വാങ്ങുമ്പോൾ എല്ലാവരും ആദ്യം പരിഗണിക്കുന്ന ഘടകം അതിന്റെ മൈലേജ് ആണ്. അതിനൊപ്പം തന്നെ റീസെയിൽ വാല്യൂവും നമ്മൾ പ്രധാന പരിഗണന നൽകുന്ന ഘടകങ്ങളിൽ ഒന്നാണ്. ഇന്ധനക്ഷത കഴിഞ്ഞിട്ടേ ഇന്ത്യക്കാർ സുരക്ഷയ്ക്ക് പോലും പ്രാധാന്യം നൽകുന്നുള്ളൂ എന്ന് പറയുന്നതാവും ശരി.

എന്നാൽ നിങ്ങളൊരു ഉഗ്രൻ റോഡ് ട്രിപ്പ് പ്ലാൻ ചെയ്യുകയാണെങ്കിൽ അവിടെ മൈലേജ് ഒരു പ്രധാന ഘടകം തന്നെയാണ്. മികച്ച മൈലേജും ലോംഗ് ഡ്രൈവിംഗ് റേഞ്ചും വാഗ്‌ദാനം ചെയ്യുന്ന വാഹനം ഹൈവേകളിലെ ദീർഘദൂര യാത്രകൾക്ക് അനുയോജ്യമാണ്. അത്തരത്തിൽ ഫുൾ ടാങ്ക് നിറച്ചാൽ 1000+ കിലോമീറ്റർ ദൂരം സഞ്ചരിക്കാൻ കഴിയുന്ന ഒരു കാറിനായി തിരയുയാണെങ്കിൽ ഇതാ നിങ്ങൾക്ക് പറ്റിയ 5 മികച്ച ഓപ്‌ഷനുകൾ ഇവയൊക്കെയാണ്.

മാരുതി സുസുക്കി ഗ്രാൻഡ് വിറ്റാര

ഈ പട്ടികയിലെ ആദ്യ കാർ ഇന്ത്യയിലെ ഏറ്റവും ലാഭകരമായ എസ്‌യുവിയായ മാരുതി സുസുക്കി ഗ്രാൻഡ് വിറ്റാരയാണ്. മാരുതി സുസുക്കിയുടെ മുൻനിര എസ്‌യുവിയായ 2024 ഗ്രാൻഡ് വിറ്റാര രണ്ട് പെട്രോൾ എഞ്ചിനുകളിൽ ലഭ്യമാണ്. ആദ്യത്തേത് 1.5-ലിറ്റർ കെ-സീരീസ് യൂണിറ്റാണ്, മറ്റൊന്ന് ടൊയോട്ടയിൽ നിന്നുള്ള 1.5-ലിറ്റർ ഹൈബ്രിഡ് സിസ്‌റ്റമാണ്. ഇതിൽ 27.97 kmpl എന്ന ഇന്ധനക്ഷമത അവകാശവാദം ഉന്നയിക്കുന്നുണ്ട്.

വലിയ 45 ലിറ്റർ ഇന്ധന ടാങ്കുമായി എത്തുന്ന ഈ എസ്‌യുവി അനുയോജ്യമായ ഡ്രൈവിംഗ് സൈക്കിളിൽ മൊത്തം 1258.65 കിലോമീറ്റർ റേഞ്ച് വാഗ്‌ദാനം ചെയ്യുന്നു. യഥാർത്ഥ ലോകത്ത്, മാരുതി സുസുക്കി ഗ്രാൻഡ് വിറ്റാര ശക്തമായ ഹൈബ്രിഡ് 23.7 kmpl എന്ന മൈലേജ് തിരികെ നൽകുമെന്നാണ് പ്രതീക്ഷിക്കപ്പെടുന്നത്.

ടൊയോട്ട ഇന്നോവ ഹൈക്രോസ്

ഈ പട്ടികയിലെ അടുത്ത കാർ ഇന്ത്യയിലെ ഏറ്റവും ജനപ്രിയ എംപിവിയായ ഇന്നോവയാണ്. ടൊയോട്ട ഇന്നോവ ഹൈക്രോസ് ഹൈബ്രിഡ് അഞ്ചാം തലമുറ ഹൈബ്രിഡ് ആർക്കിടെക്ചറുമായി ഒരുക്കുന്ന 2.0-ലിറ്റർ പെട്രോൾ എഞ്ചിനിലാണ് നൽകിയിരിക്കുന്നത്. 23.24 kmpl എന്ന മൈലേജ് പറയുന്ന അതിന്റെ 52 ലിറ്റർ ഇന്ധന ടാങ്ക് വഴി മൊത്തം 1208.38 കിലോമീറ്റർ ഡ്രൈവിംഗ് റേഞ്ച് വാഗ്‌ദാനംനം ചെയ്യുന്നു.

ഹോണ്ട സിറ്റി ഹൈബ്രിഡ്

1000 കിലോമീറ്റർ എന്ന ലക്ഷ്യം ഭേദിക്കുന്ന ഇന്ത്യയിലെ ആദ്യത്തെ കാറായ ഹോണ്ട സിറ്റി ഇ: എച്ച്ഇവിയാണ് പട്ടികയിലെ അടുത്ത കാർ. ഇന്ത്യയിലെ ആദ്യത്തെ മാസ്-മാർക്കറ്റ് ശക്തമായ ഹൈബ്രിഡ്, സിറ്റി ഹൈബ്രിഡ് 1.5-ലിറ്റർ അറ്റ്കിൻസൺ സൈക്കിൾ പെട്രോൾ എഞ്ചിൻ കൊണ്ട് സജ്ജീകരിച്ചിരിക്കുന്നു. ഇതിന്റെ കമ്പനി അവകാശപ്പെടുന്ന മൈലേജ് 27.1 kmpl ആണ്. ജനപ്രിയ സെഡാൻ മോഡൽ മൊത്തം 1084 കിലോമീറ്റർ ഡ്രൈവിംഗ് റേഞ്ച് വാഗ്‌ദാനം ചെയ്യുന്നു.

കിയ സോനെറ്റ്

പട്ടികയിലെ നാലാമത്തെ കാറാണ് കിയ സോനെറ്റ്. പെട്രോൾ, ടർബോ പെട്രോൾ, ഡീസൽ എഞ്ചിൻ ഓപ്ഷനുകളിൽ ലഭ്യമായ സോനെറ്റ് ഈ സെഗ്‌മെൻ്റിലെ ഏറ്റവും ഫീച്ചർ സമ്പന്നമായ കാറാണ്. ഫോർ വീലറിൻ്റെ ഏറ്റവും ലാഭകരമായ പവർട്രെയിൻ ഡീസൽ മാനുവൽ ആണ്, ഇത് എആർഎഐ അവകാശപ്പെടുന്ന മൈലേജ് ലിറ്ററിന് 24 കിലോമീറ്റർ നൽകുന്നു. 45 ലിറ്റർ ഇന്ധന ടാങ്ക് കൊണ്ട് സജ്ജീകരിച്ചിരിക്കുന്ന ഈ കാർ 1080 കിലോമീറ്റർ ഡ്രൈവിംഗ് റേഞ്ച് വാഗദാനം ചെയ്യുന്നു.

ടാറ്റ നെക്‌സോൺ

പട്ടികയിൽ അഞ്ചാം സ്ഥാനത്ത് ഇടം പിടിച്ചിരിക്കുന്നത് ടാറ്റായുടെ കരുത്തനായ നെക്‌സോൺ ആണ്. 1000+ കിലോമീറ്റർ റേഞ്ച് വാഗ്‌ദാനം ചെയ്യുന്ന ഈ കാർ ഇന്ത്യയിലെ ഏറ്റവും കൂടുതൽ വിറ്റഴിക്കപ്പെടുന്ന എസ്‌യുവിയാണ്. സോനെറ്റിനെപ്പോലെ, നെക്സോണും വിവിധ എഞ്ചിൻ, ഗിയർബോക്‌സ് കോമ്പിനേഷനുകളിൽ വാഗ്ദാനം ചെയ്യുന്നു. എന്നാൽ ടാറ്റയുടെ ഡീസൽ ഓട്ടോമാറ്റിക് (എഎംടി) വേരിയന്റാണ് ലിറ്ററിന് 24 കിലോമീറ്റർ മൈലേജ് നൽകുന്നത്. 44 ലിറ്റർ ടാങ്ക് നൽകിയിട്ടുള്ള നെക്‌സോൺ 1056 കിലോമീറ്റർ ഡ്രൈവിംഗ് റേഞ്ച് പ്രദാനം ചെയ്യുന്നു.

English summary

Planning A Road Trip? Then These Five Cars Will Help You To Cut The Cost Of Fuel Expenses