ടാറ്റയുടെ പുതുവർഷ ഓഫർ ഇതാ എത്തി; ടിയാഗോ ഇവിക്ക് ഇനി 80,000 രൂപ ഡിസ്കൗണ്ട്, ഇത് പൊളിക്കും...
പുതുവർഷത്തിൽഉപഭോക്താക്കൾക്ക് വമ്പൻ ഓഫറുമായി ജനപ്രിയ ബ്രാൻഡായ ടാറ്റ മോട്ടോഴ്സ് രംഗത്ത്. ടാറ്റ ഡീലർമാർ ടിയാഗോ ഇവിക്ക് ആകർഷകമായ കിഴിവുകൾ വാഗ്ദാനം ചെയ്യുന്നു. അനുസരിച്ച് ഈ കിഴിവുകൾ ഡീലർമാർക്ക് അനുസരിച്ച് വ്യത്യാസപ്പെടുന്നു. സംയോജിത ഓഫറുകളിൽ ക്യാഷ് ഡിസ്കൗണ്ടുകളും എക്സ്ചേഞ്ച് ബോണസും ഉൾപ്പെടുന്നു, കൂടാതെ ഇലക്ട്രിക് വാഹനങ്ങൾ തിരഞ്ഞെടുക്കുന്ന ഉപഭോക്താക്കൾക്കുള്ള പ്രോത്സാഹനമായ 'ഗ്രീൻ ബോണസും' ഇതിനോടൊപ്പം ലഭ്യമാകും.
പുതിയ മോഡലിന് 35,000 രൂപ വരെയും പഴയ മോഡലുകൾക്ക് 80,000 രൂപ വരെയുമാണ് കിഴിവ് ലഭിക്കുക. പുതിയ മോഡലിന്, എല്ലാ വേരിയന്റുകളിലുമായി 15,000 രൂപയുടെ എക്സ്ചേഞ്ച് ബോണസും 20,000 രൂപയുടെ ഗ്രീൻ ബോണസും ഉൾപ്പെടുന്നതാണ് ഓഫറിലെ മൊത്തം ആനുകൂല്യങ്ങൾ. പഴയ ടിയാഗോ ഇവിയ്ക്ക് ആവട്ടെ 15,000 രൂപ എക്സ്ചേഞ്ച് ബോണസും 65,000 രൂപ വരെ ഗ്രീൻ ബോണസും ഉൾപ്പെടെയാണ് മൊത്തം കിഴിവ്.
എംജി Comet, സിട്രയോൺ eC3, ടാറ്റ പഞ്ച് ഇവിഎന്നിവയ്ക്ക് എതിരാളികയാണ് വിപണിയിൽ ടിയാഗോ. ഇതിന്റെ വില 8.69 ലക്ഷം മുതൽ 12.04 ലക്ഷം രൂപ വരെയാണ്. ടിയാഗോ ഇവി ഒരു മീഡിയം റേഞ്ച്, ലോംഗ് റേഞ്ച് ബാറ്ററി ഓപ്ഷനിൽ ലഭ്യമാണ്. എംഐഡിസി സൈക്കിളിൽ 250 കിലോമീറ്റർ റേഞ്ച് ഉള്ള, മിഡ്-റേഞ്ച് ഓപ്ഷനിൽ 19.2kWh ബാറ്ററിയാണ് ഉപയോഗിക്കുന്നത്.
അത് 61എച്ച്പിയും 110എൻഎം ടോർക്കും ഉത്പാദിപ്പിക്കുന്ന ഫ്രണ്ട്-ആക്സിൽ മൗണ്ടഡ് ഇലക്ട്രിക് മോട്ടോറിന് കരുത്ത് നൽകുന്നു. അതേസമയം, ലോംഗ്-റേഞ്ച് വേരിയന്റിന് MIDC സൈക്കിളിൽ 315 കിലോമീറ്റർ റേഞ്ചുള്ള വലിയ 24kWh ബാറ്ററി ലഭിക്കുന്നു, കൂടാതെ 74എച്ച്പിയും 114എൻഎമും ഔട്ട്പുട്ടും ലഭ്യമാവും.
ടാറ്റായുടെ തന്നെ മറ്റൊരു ജനപ്രിയ മോഡലായ ടിഗോർ ഇവിക്കും ഡിസ്കൗണ്ട് ഓഫർ ലഭ്യമാണ്. ടിയാഗോ ഇവിക്ക് പകരമുള്ള കോംപാക്റ്റ് സെഡാൻ ബദലായ ടിഗോർ ഇവിക്ക് 1.05 ലക്ഷം രൂപ വരെ കിഴിവ് ലഭിക്കുമെന്നാണ് അടുത്ത വൃത്തങ്ങൾ അറിയിക്കുന്നത്.
അതിൽ 75,000 രൂപ ഫ്ലാറ്റ് ക്യാഷ് ഡിസ്കൗണ്ടും എല്ലാ വേരിയന്റുകളിലുമായി 30,000 രൂപ എക്സ്ചേഞ്ച് ബോണസും ഉൾപ്പെടുന്നു. എന്നാൽ ഓഫറിലെ കിഴിവുകൾ പുതിയ മോഡലുകളിലും പഴയ മോഡലുകളിലും ഈ മാസം അവസാനം വരെ മാത്രമേ ലഭ്യമാവുകയുള്ളൂ എന്നത് പ്രത്യേകം ശ്രദ്ധിക്കണം.
മറ്റ് കമ്പനികളും സമാനമായ രീതിയിൽ തങ്ങളുടെ വാഹനങ്ങൾക്ക് വലിയ രീതിയിൽ ഡിസ്കൗണ്ട് ഓഫർ നൽകുന്നുണ്ട്. മാരുതിയാണ് ഇക്കൂട്ടത്തിലെ മറ്റൊരു പ്രധാനി. പുതിയ വർഷം വിൽപ്പന തകൃതിയായി നടത്താനുള്ള കമ്പനിയുടെ നീക്കത്തിന്റെ ഭാഗമായാണ് ജനപ്രിയ മോഡലുകൾക്ക് ഉൾപ്പെടെ വിലക്കിഴിവ് പ്രഖ്യാപിച്ചിരിക്കുന്നത്. മുൻനിര മോഡലുകളായ ആൾട്ടോ കെ10, സ്വിഫ്റ്റ്, ഡിസയർ, വാഗൺആർ എന്നിവയ്ക്ക് വിലക്കുറവ് ലഭിക്കും.
Click it and Unblock the Notifications
Sign in with Google