'അയാൾ ലവ് ബോംബിംഗ് നടത്തി, 19-ാം വയസിൽ കല്യാണം കഴിച്ചത് ജോത്സ്യന്‍ പറഞ്ഞതുകൊണ്ട് മാത്രം'; അമൃത സുരേഷ്

Updated: Monday, March 16, 2026, 7:28 [IST]

ഏറെ വിവാദമുണ്ടാക്കിയ വിവാഹ മോചന വാർത്തയായിരുന്നു ഗായികയായ അമൃത സുരേഷിന്റേതും നടനായ ബാലയുടേതും. ഇരുവരുടെയും 9 വർഷത്തോളം നീണ്ട ദാമ്പത്യജീവിതം അവസാനിച്ചത് 2019ലാണ്. എന്നാൽ അതുകൊണ്ട് വിവാദങ്ങൾ ഒന്നും അവസാനിച്ചില്ല. അവിടുന്നങ്ങോട്ട് ആയിരുന്നു വലിയ കേസുകളും വഴക്കുകളും ഒക്കെയായി ഇരുവരും വാർത്തകളിൽ നിറഞ്ഞത്. ബാലയാവട്ടെ പിന്നീട് രണ്ട് വിവാഹങ്ങൾ കൂടി കഴിക്കുകയും ചെയ്‌തു.

Also Read

'ഗണേഷിന് ഒപ്പം ഉണ്ടായിരുന്നത് വനിതാ ഡോക്‌ടറാണെന്ന്, അങ്ങനെയുള്ള ആൾ അത് ചെയ്യുമോ'; ശാന്തിവിള ദിനേശ്

അടുത്തിടെയാണ് ബാല മുറപ്പെണ്ണായ കോകിലയെ വിവാഹം ചെയ്‌തത്‌. അതിന് മുൻപ് ഡോക്‌ടർ ആയിരുന്ന എലിസബത്ത് ഉദയനുമായി ബാല അടുപ്പത്തിലായിരുന്നു. ഇരുവരും പിന്നീട് വേർപിരിയുകയും ഒക്കെ ചെയ്‌തു. അതുപോലെ തന്നെ അമൃത സുരേഷ് ആവട്ടെ ഇടക്കാലത്ത് സംഗീത സംവിധായകൻ കൂടിയായ ഗോപി സുന്ദറുമായി അടുപ്പത്തിലായിരുന്നു. പൊതു പരിപാടികളിൽ വരെ ഇരുവരും ഒരുമിച്ച് പ്രത്യക്ഷപ്പെട്ടിരുന്നു.

എന്നാൽ പിന്നീട് ഇരുവരും അകന്നെങ്കിലും അതൊരിക്കലും വിവാദ വർത്തയായിരുന്നില്ല. ബാലയും അമൃത സുരേഷും തമ്മിലുള്ള വിവാഹ ബന്ധം വേർപെടുത്തിയ ശേഷം അമൃതയ്ക്കും കുടുംബത്തിനും ഒട്ടേറെ സൈബർ ആക്രമണങ്ങൾ നേരിടേണ്ടി വന്നിരുന്നു. പക്ഷേ, പിന്നീട് അവിടെ നിന്ന് ജീവിതത്തിലേക്ക് തിരിച്ചുവന്നതാണ് അമൃത. ഇപ്പോഴിതാ തന്റെ ജീവിതത്തിലെ സംഭവ വികാസങ്ങളെ കുറിച്ച് തുറന്ന് സംസാരിക്കുകയാണ് അമൃത.

അവതാരക കൂടിയായ രഞ്ജിനി ഹരിദാസ് നടത്തുന്ന പോഡ് കാസ്‌റ്റ് പരിപാടിയിൽ ആയിരുന്നു അമൃത സുരേഷ് തന്റെ മനസ് തുറന്നത്. ഇനിയൊരു വിവാഹത്തെ കുറിച്ച് ഇപ്പോൾ ചിന്തിക്കുന്നില്ലെങ്കിലും ഒരു പങ്കാളി വേണമെന്ന് തനിക്ക് ആഗ്രഹമുണ്ടെന്നാണ് അവർ പറയുന്നത്. കൂടാതെ ബാലയുമായുള്ള ആദ്യ വിവാഹത്തെ കുറിച്ചും അമൃത സുരേഷ് മനസ് തുറന്നു. 19ആം വയസിലെ വിവാഹം ജ്യോത്സ്യൻ കാരണമാണെന്നാണ് അമൃത സുരേഷ് പറയുന്നത്.

അമൃത സുരേഷിന്റെ വാക്കുകൾ

വളരെ നേരത്തെ വിവാഹം കഴിച്ചതുകൊണ്ട് ഉണ്ടായ ഒരു ഗുണം എന്റെ മകള്‍ ഇപ്പോള്‍ ടീനേജറാണെന്നതാണ്. അവള്‍ എന്റെയും അഭിയുടേയും ഒക്കെ ഒരു ഫ്രണ്ടിനെപ്പോലെയാണ്. മുംബൈയിൽ നിന്ന് എന്നെ വിവാഹം കഴിക്കാന്‍ താല്‍പര്യം പ്രകടിപ്പിച്ച് കഴിഞ്ഞ ദിവസം ഒരാള്‍ വിളിച്ചിരുന്നു. അത് അറിഞ്ഞതും അഭി ചോദിച്ചത് ഇനിയും മതിയായില്ലേ എന്നായിരുന്നു.

പ്രപ്പോസലിന്റെ കാര്യം പാപ്പുവിനോട് പറഞ്ഞപ്പോള്‍ മമ്മി പോയി ട്രൈ ചെയ്‌തിട്ട് തിരിച്ച് വാ എന്നായിരുന്നു അവൾ നൽകിയ മറുപടി. വിവാഹം കഴിക്കാന്‍ ഞാന്‍ ഇപ്പോൾ താല്‍പര്യപ്പെടുന്നില്ല. പക്ഷെ ഒരു പങ്കാളി വേണമെന്ന് എനിക്ക് ആഗ്രഹമുണ്ട്. ആദ്യ വിവാഹത്തിന്റെ ട്രോമ ഇപ്പോഴുമുണ്ട്. അതുകൊണ്ടാണ് കല്യാണം എന്ന ആശയം എനിക്ക് അംഗീകരിക്കാൻ കഴിയാത്തത്.

പതിനെട്ട് വയസിലായിരുന്നു വിവാഹ നിശ്ചയം കഴിഞ്ഞത്. പത്തൊമ്പതാം വയസില്‍ വിവാഹവും നടന്നു. ആ പ്രായത്തില്‍ വിവാഹം കഴിച്ചത് ജോത്സ്യന്‍ കാരണമായിരുന്നു. ആ പ്രായത്തില്‍ എന്റെ വിവാഹം നടക്കണമെന്ന് ജാതകത്തില്‍ ഉണ്ടായിരുന്നുവത്രേ. വിവാഹം എന്ന തീരുമാനത്തിലേക്ക് ഞാന്‍ ആ പ്രായത്തില്‍ എത്തിയതിന് പല കാരണങ്ങളുണ്ട്.

അന്ന് ആശ്രമവും മറ്റും ചുറ്റിപറ്റി വളരെ ഒതുക്കമുള്ള ജീവിതമായിരുന്നു എന്റേത്. ഐഡിയ സ്‌റ്റാര്‍ സിംഗർ പ്രോഗ്രാമിൽ വന്നശേഷമാണ് കൂടുതല്‍ ആളുകളെ കണ്ടതും പരിചയപ്പെട്ടതും കൂടുതലായി ജീവിതം എക്‌സ്‌പ്ലോര്‍ ചെയ്‌ത്‌ തുടങ്ങിയതും. അതുകൊണ്ട് തന്നെ ആരെങ്കിലും ചെറുതായി സ്‌നേഹം കാണിച്ചാല്‍ പോലും അതില്‍ വീണുപോവുമായിരുന്നു. ലവ് ബോംബിംഗ് എന്റെ പ്രണയത്തിന്റെ കാര്യത്തില്‍ വലിയൊരു ഘടകമായി.

Recommended For You

'മമ്മൂട്ടി ദുഷ്ടനല്ല, അങ്ങോട്ട് പേടിപ്പിച്ചാൽ പേടിക്കും..ഇതൊക്കെ നമ്മൾ അനുഭവിച്ചതാണ്': ഗണേഷ് കുമാർ

ഞാൻ സംഗീതത്തെ സ്‌നേഹിക്കുന്ന ആളായതുകൊണ്ട് അതുമായി ബന്ധപ്പെടുത്തിയും കരിയറുമായി കൂട്ടിച്ചേര്‍ത്തും ഒരുപാട് പ്രോമിസുകള്‍ ആ ലവ് ബോംബിംഗിനൊപ്പം ഉണ്ടായിരുന്നു. മാത്രമല്ല എന്റെ കുടുംബത്തിനോട് തുടക്കത്തില്‍ ഒരുപാട് സ്‌നേഹം കാണിച്ചിരുന്ന വ്യക്തിയായിരുന്നു. അതൊക്കെ കൂടിയായപ്പോള്‍ ഞാന്‍ അയാളെ പ്രണയിച്ച് പോയി. മാത്രമല്ല വിവാഹം എന്റെ വലിയ ഒരു ആഗ്രഹവുമായിരുന്നു.