രണ്ട് വര്ഷം പിന്നിട്ട വര്ത്തമാനം
പ്രശസ്ത വ്യക്തികളെ പങ്കെടുപ്പിച്ചുകൊണ്ടുള്ള സൂര്യാ ടിവിയുടെ അഭിമുഖ പരിപാടി വര്ത്തമാനം പ്രേക്ഷകശ്രദ്ധയാകര്ഷിച്ചുകൊണ്ട് രണ്ട് വര്ഷം പിന്നിട്ട് കഴിഞ്ഞു.
ഇന്ത്യാ ടുഡേയിലെ പത്രപ്രവര്ത്തകനായ എം.ജി.രാധാകൃഷ്ണനാണ് ഈ പരിപാടി അവതരിപ്പിക്കുന്നത്. സമകാലിക പ്രസക്തിയുള്ള ധാരാളം അഭിമുഖങ്ങള് ഇതിനകം വര്ത്തമാനത്തില് അവതരിപ്പിച്ചു കഴിഞ്ഞു.
പരിപാടിയില് പങ്കെടുക്കുന്ന പ്രമുഖ വ്യക്തികളുടെ വൈവിധ്യമാണ് വര്ത്തമാനത്തെ ശ്രദ്ധേയമാക്കുന്നത്. രാഷ്ട്രീയരംഗത്തു നിന്നും ഒ.രാജഗോപാല്, സീതാറാം യച്ചൂരി, എം.പി.വീരേന്ദ്രകുമാര്, അംബികാ സോണി തുടങ്ങിയവര് വര്ത്തമാനത്തില് അഭിമുഖം നല്കിയിട്ടുണ്ട്.
ഓണത്തോടനുബന്ധിച്ച് ചലച്ചിത്രനടന് മോഹന്ലാലുമായി വര്ത്തമാനത്തില് നടന്ന അഭിമുഖം ശ്രദ്ധേയമായി.
മലയാളികള് മാത്രമല്ല വര്ത്തമാനത്തില് അതിഥികളായെത്തുന്നത്. ബുദ്ധദേബ് ദാസ് ഗുപ്തയും കുമാര് സാഹ്നിയും സഞ്ജന കപൂറും അനൂഷ്ക രവിശങ്കറുടെയെല്ലാം അഭിമുഖങ്ങള് വര്ത്തമാനത്തെ സമ്പന്നമാക്കിയിട്ടുണ്ട്. ഏന്ഷ്യന്റ് പ്രോമിസസ് എന്ന നോവലിലൂടെ പ്രശസ്തയായ തകഴിയുടെ കൊച്ചുമകള് ജയശ്രീ മിശ്രയും വര്ത്തമാനത്തില് പങ്കെടുത്തിരുന്നു.
തട്ടിക്കൊണ്ടു പോകപ്പെട്ട ഇന്ത്യന് എയര്ലൈന്സ് വിമാനത്തിലെ പൈലറ്റായിരുന്ന ക്യാപ്ടന് രവികുമാറിന്റെ അഭിമുഖവും സംപ്രേഷണം ചെയ്തിരുന്നു.
മാധ്യമ പഠന കേന്ദ്രത്തിന്റെ മികച്ച അഭിമുഖ പരിപാടിക്കുള്ള പുരസ്കാരം നേടിയ വര്ത്തമാനത്തിന്റെ നിര്മ്മാതാവ് സഞ്ജയ് മോഹനാണ്. എല്ലാ ബുധനാഴ്ചയും വൈകുന്നേരം ആറ് മണിക്കും ശനിയാഴ്ചകളില് വൈകുന്നേരം മൂന്ന് മണിക്കുമാണ് സൂര്യ ടിവിയില് വര്ത്തമാനം സംപ്രേഷണം ചെയ്യുന്നത്.