മാര്‍ഗരറ്റ് അറ്റ്വുഡിന് ബുക്കര്‍ സമ്മാനം.....

ലണ്ടന്‍: ഇത്തവണത്തെ ബുക്കര്‍ സമ്മാനം കനേഡിയന്‍ വനിതാ എഴുത്തുകാരി മാര്‍ഗരറ്റ് അറ്റ്വുഡിന്. ലോകം മുഴുവന്‍ ഉറ്റുനോക്കുന്ന ബ്രിട്ടനിലെ ഈ സാഹിത്യപുരസ്കാരം അറ്റ്വുഡിന്റെ ദി ബ്ലഡ് അസാസിന്‍ എന്ന നോവലിനാണ് .

21,000 പൗണ്ട് സമ്മാനത്തുകയുള്ള ഈ അവാര്‍ഡ് 60-ാം വയസ്സിലാണ് അറ്റ്വുഡിനെ തേടിയെത്തുന്നത്.സങ്കീര്‍ണ്ണമായ കുടുംബദുരന്തത്തിന്റെ കഥ പറയുന്ന ദി ബ്ലൈന്‍ഡ് അസാസിന്‍ അറ്റവുഡിന്റെ 10-ാമത്തെ നോവലാണ്.ഒരു 82-കാരന്‍ കഥ പറയുന്ന രീതിയിലാണ് നോവല്‍ രചിച്ചിരിക്കുന്നത്.

ഇതിനു മുമ്പ് മൂന്നു തവണ അറ്റ്വുഡിന്റെ പേര് ബുക്കര്‍ സമ്മാനത്തിന് നിര്‍ദ്ദേശിച്ചിരുന്നു.പ്രശസ്ത ജാപ്പനീസ് എഴുത്തുകാരന്‍ ഇഷിഗുറയുടെ പേരും ഇക്കുറി ബുക്കര്‍ സമ്മാനത്തിന് പരിഗണിച്ചിരുന്നു.കഥകള്‍,കവിതകള്‍,ലേഖനങ്ങള്‍ എന്നിവയുള്‍പെടെ 30 രചനകള്‍ അറ്റ്വുഡിന്റേതായുണ്ട്.