കൊച്ചിയില്‍ ആറു ദിവസത്തെ ചിത്രപ്രദര്‍ശനം

കൊച്ചി : ശാസ്ത്രവും ചരിത്രവും സംഗമിക്കുന്ന അപൂര്‍വ ചിത്രപ്രദര്‍ശനത്തിന് കൊച്ചി വേദിയാകും. ജനവരി 11 മുതല്‍ 16 വരെയാണ് പ്രദര്‍ശനം.

ചരിത്രസംഭവങ്ങളും വന്‍നഗരങ്ങളും സ്മാരകങ്ങളുമെല്ലാം ആറു ദിവസം നീളുന്ന പ്രദര്‍ശനത്തില്‍ ചിത്രങ്ങളായി പുനര്‍ജനിക്കുന്നു. പുരാതനവും ആധുനികവുമായ ലോകാത്ഭുതങ്ങള്‍, ശാസ്ത്രപുരോഗതിയുടെ നാഴികക്കല്ലുകള്‍, കലയും സാസ്ക്കാരവും എന്നിങ്ങനെ വിവിധ വിഷയങ്ങളിലെ ചിത്രങ്ങള്‍ പ്രദര്‍ശനത്തിനുണ്ടാകും.

വിദ്യാര്‍ത്ഥികള്‍ക്കും പൊതുജനത്തിനും ചരിത്രത്തെയും സംസ്ക്കാരത്തെയും കുറിച്ച് അറിവു പകരുക എന്നതാണ് ചിത്രപ്രദര്‍ശനത്തിന്റെ ലക്ഷ്യമെന്ന് പരിപാടിയുടെ മുഖ്യ സംഘാടകനായ കെ.കെ. ചെറിയാന്‍ വാര്‍ത്താസമ്മേളനത്തില്‍ പറഞ്ഞു.

ആകെ 1,000 ചിത്രങ്ങളാണ് പ്രദര്‍ശനത്തിനുണ്ടാവുക. ഏറ്റവും കൂടുതല്‍ ചിത്രങ്ങള്‍ ചരിത്ര വിഭാഗത്തിലാണ്, 331 എണ്ണം. ശാസ്തവിഭാഗത്തില്‍ 312 ചിത്രങ്ങള്‍ പ്രദര്‍ശിപ്പിക്കും.

രണ്ടാം ലോകമഹായുദ്ധത്തിന്റെ 131 ചിത്രങ്ങളും പ്രദര്‍ശനത്തിനുണ്ടാകും.