കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

എം. വി ദേവന് രാജാ രവിവര്‍മ്മ പുരസ്കാരം

  • By Staff
Google Oneindia Malayalam News

തിരുവനന്തപുരം: സംസ്ഥാനസര്‍ക്കാരിന്റെ ഈ വര്‍ഷത്തെ രാജാ രവിവര്‍മ്മ പുരസ്കാരം ശില്പിയും ചിത്രകാരനുമായ എം. വി ദേവന്.

സാസ്കാരിക വകുപ്പ് മന്ത്രി ജി കാര്‍ത്തികേയനാണ് ഇത് പ്രഖ്യാപിച്ചത്. ഒരുലക്ഷം രൂപയും ശില്പവും പ്രശംസാ പത്രവുമാണ് പുരസ്കാരം.

വാസ്തുശില്പി, എഴുത്തുകാരന്‍ എന്നീ നിലകളിലും ദേവന്‍ പ്രശസ്തനാണ്. വിവിധ മേഘലകളിലുള്ള സംഭാവനകള്‍ കണക്കിലെടുത്താണ് പുരസ്കാരം.

കഴിഞ്ഞ സര്‍ക്കാര്‍ മാനവീയം പുരസ്കാരം എന്ന് പേര് നല്‍കിയിരുന്ന അവാര്‍ഡിന്റെ പേര് മാറ്റിയാണ് രാജാ രവിവര്‍മ്മ പുരസ്കാരം എന്നാക്കിയത്. കെ ജി സുബ്രഹ്മണ്യനായിരുന്നു കഴിഞ്ഞ വര്‍ഷത്തെ പുരസ്കാരം.

തലശ്ശേരിയ്ക്കടുത്ത് നെടുമ്പം ഗ്രാമത്തില്‍ 1928 ല്‍ ജനുവരി 15 ന് ജനിച്ച മഠത്തില്‍ വാസുദേവന്‍ എന്ന എം. വി. ദേവന്‍ 30 വര്‍ഷം ചിത്രകലാരംഗത്താണ് പ്രവര്‍ത്തിച്ചത്. കെ സി എസ് പണിക്കരുടെ ശിഷ്യനായി 1946 ല്‍ മദ്രാസ് സ്കൂള്‍ ഓഫ് ആര്‍ട്സില്‍ ചേര്‍ന്നു. 1952 ല്‍ മാതൃഭൂമിയില്‍ ആര്‍ട്ടിസ്റായി. മദ്രാസ് ലളിതകലാ അക്കാദമി സെക്രട്ടറിയായും കേരള ലളിതകലാ അക്കാദമി ചെയര്‍മാനായും പ്രവര്‍ത്തിച്ചിട്ടുണ്ട്.

ഇപ്പോള്‍ കൊച്ചി കലാപീഠത്ത്ിന്റെ ചെയര്‍മാനും മാഹി മലയാള കലാഗ്രാമത്തിന്റെ ഡയറക്ടറുമാണ്. ശ്രീദേവിയാണ് ഭാര്യ. ജമീല, ശാലിനി എന്നിവര്‍ മക്കളും.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X