മേലൂര്‍ വാസുദേവന് പൂര്‍ണ്ണാ ഉറൂബ് അവാര്‍ഡ്

കോഴിക്കോട്: 2001 ലെ പൂര്‍ണ്ണാ - ഉറൂബ് അവാര്‍ഡിന് മേലൂര്‍ വാസുദേവന്‍ അര്‍ഹനായി. പൂര്‍ണ്ണാ പബ്ലിക്കേഷന്‍സ് പുതിയ എഴുത്തുകാര്‍ക്കായി ഏര്‍പ്പെടുത്തിയിട്ടുള്ളതാണ് ഈ അവാര്‍ഡ്.

കാലമേ സാക്ഷി എന്ന വാസുദേവന്റെ കൃതിയാണ് അവാര്‍ഡിന് അര്‍ഹമായത്. 7,500 രൂപയും പ്രശസ്തി പത്രവുമാണ് അവാര്‍ഡ്. പി വല്‍സല, ഡോ കെ എം പ്രീയദര്‍ശന്‍ലാല്‍, പി ആര്‍ നാഥന്‍ എന്നിവരാണ് വാസുദേവനെ അവാര്‍ഡിന് തിരഞ്ഞെടുത്തത്.