കെ. എന്. ഷാജിയ്ക്ക് കേന്ദ്ര സാഹിത്യ അക്കാദമി ഫെലോഷിപ്പ്
കൊച്ചി: പ്രസാധകനും എഡിറ്ററുമായ കെ. എന്. ഷാജിയ്ക്ക് കേന്ദ്ര സാഹിത്യ അക്കാദമി ഫെലോഷിപ്പ്. കേരളത്തിലെ ലിറ്റില് മാഗസിനുകളെ കുറിച്ച് പഠിയ്ക്കാനാണ് ഇത്. 70 കളിലും 80 കളിലും കേരളത്തില് ഉണ്ടായിരുന്ന ലിറ്റില് മാഗസിനുകളെ കുറിച്ചാണ് പഠനം.
2003- 2005 കാലയളവില് മാസം തോറും 12,000 രൂപ ഫെലോഷിപ്പ് തുകയായി ഷാജിയ്ക്ക് കിട്ടും. ഇക്കാലഘട്ടത്തില് പല ലിറ്റില് മാഗസിനുകളുടേയും എഡിറ്ററായി ഷാജി പ്രവര്ത്തിച്ചിട്ടുണ്ട്. 1978-83 കാലത്ത് ഷാജി സംക്രമണം മാസികയുടേയും 1983 - 86 കാലയളവില് നിയോഗം മാസികയുടേയും എഡിറ്ററായിരുന്നു ഷാജി. ചലച്ചിത്ര സംവിധായകനായ ജോണ് എബ്രഹാമിനെക്കുറിച്ച് ഷാജി എഡിറ്റ് ചെയ്ത പുസ്തകത്തിന് ദേശീയ പുരസ്കാരം കിട്ടിയിരുന്നു. ഈ പുസ്തകത്തിന്റെ പ്രസാധകനും ഷാജി ആയിരുന്നു. ചെറുകഥാ കൃത്തായിരുന്ന ടി രാമചന്ദ്രനെ ( ടി ആര്) കുറിച്ച് ടി ആര് വാക്കും വാഴ്വും എന്ന പുസ്തകത്തിന്റേയും ശ്രീനാരായണ ഗുരു: ജീവിതവും ദര്ശനവും എന്ന പുസ്തകത്തിന്റേയും പ്രസാധകന് ഷാജിയാണ്.
കൊടുങ്ങല്ലൂര് ഭരണിയെക്കുറിച്ച് ഷാജി സംവിധാനം ചെയ്ത ഡോക്കുമെന്ററി ചിത്രം 1996 ലെ മുംബൈ അന്തര്ദേശീയ ഡോക്കുമെന്ററി ചലച്ചിത്ര മേളയില് പ്രദര്ശിപ്പിച്ചിരുന്നു.