വീരേന്ദ്രകുമാറിന് കേന്ദ്രസാഹിത്യ അക്കാദമി അവാര്‍ഡ്

ദില്ലി: 2010ലെ കേന്ദ്ര സാഹിത്യ അക്കാദമി അവാര്‍ഡ് പ്രശസ്ത എഴുത്തുകാരനും മാതൃഭൂമി മാനേജിങ് ഡയറക്ടറുമായി എം.പി വീരേന്ദ്രകുമാറിന്. അദ്ദേഹം രചിച്ച ഹൈമവതഭൂവില്‍ എന്ന യാത്രാവിവരണത്തിനാണ് പുരസ്‌കാരം. ഒരു ലക്ഷം രൂപയും പ്രശസ്തി പത്രവും ശില്‍പ്പവുമടങ്ങുന്നതാണ് പുരസ്‌കാരം.

ദില്ലി മുതല്‍ ഹിമാലയസാനുക്കള്‍ വരെയുള്ള യാത്രയാണ് ഹൈമവതഭൂവിലൂടെ വീരേന്ദ്രകുമാര്‍ വിവരിയ്ക്കുന്നത്. മലയാളഭാഷയിലെ ഒരു യാത്രാവിവരണത്തിന് കേന്ദ്ര സാഹിത്യ അക്കാദമി അവാര്‍ഡ് ലഭിക്കുന്നത് ഇതാദ്യമായാണ്.

2007ല്‍ പ്രസിദ്ധീകരിച്ച ഈ ഗ്രന്ഥത്തിന്റെ ഇരുപത്തിയൊന്നിലധികം പതിപ്പുകള്‍ ഇതിനോടകം പുറത്തിറങ്ങി.
ഫിബ്രവരി 15ന് ദില്ലിയില്‍ വെച്ച് നടക്കുന്ന ചടങ്ങില്‍ അവാര്‍ഡ് വിതരണം ചെയ്യും.