ജ്യോതിഷം വെറും അന്ധവിശ്വാസമോ അതോ പ്രപഞ്ച ദര്ശനമോ? ജ്യോതിഷത്തിന്റെ യുക്തി....
പ്രാചീന ഭാരതീയ ജ്യോതിഷം ഭാരതീയേതരമായ ജ്യോതിഷസമീപനങ്ങളില്നിന്നും വ്യത്യസ്തവും പ്രബുദ്ധവുമായ ഒരു വിജ്ഞാനശാഖയാണ്. അത്യന്തം സൂക്ഷ്മസമഗ്രതയാര്ന്ന പ്രപഞ്ചപാരിസ്ഥിതകബോധ്യത്തില്നിന്ന് മനുഷ്യപ്രതിഭയുടെ പരമോന്നതതലം സാക്ഷാത്കരിച്ചെടുത്തതാണ് ഭാരതീയ ജ്യോതിഷം. പ്രധാനമായും ഗണിതഭാഗം, ഫലഭാഗം എന്നിങ്ങനെ അതു തിരിയുന്നു.
ഈ സമഗ്ര ശാസ്ത്രത്തിന്റെ ആവിര്ഭാവത്തിനുശേഷം ഗണിതഭാഗം ഗൗരവമാര്ന്ന പഠനമനനങ്ങള്ക്കു വിധേയമായെങ്കിലും ഫലഭാഗമേഖല സാധാരണക്കാര്ക്ക് അപ്രാപ്യമായിത്തന്നെ നിലകൊണ്ടു. ആ ഫലഭാഗമെന്ന ബാലികേറാമലയിലേയ്ക്കുള്ള സൂക്ഷ്മ സഞ്ചാരമാണ് ഡോ കെ അഗസ്റ്റിന് ജോസഫ് തയ്യാറാക്കിയ 'ജ്യോതിഷത്തിന്റെ യുക്തി'യെന്ന ഗ്രന്ഥം.
ജ്യോതിഷദ്രഷ്ടാക്കള് കുറേ സിദ്ധാന്തങ്ങളെ നമുക്കു തന്നിട്ടുള്ളൂ. ആ സിദ്ധാന്തങ്ങളുടെ തര്ജ്ജമകളും വിശദീകരണങ്ങളുമാണ് പില്ക്കാലത്തുണ്ടാകുന്ന ജ്യോതിഷ ഗ്രന്ഥങ്ങള്. ജ്യോതിഷ സിദ്ധാന്തങ്ങളെ യുക്തികൊണ്ടു സമീപിക്കാനാകുമെന്നും എങ്ങനെയാണവയെ സമീപിക്കേണ്ടതെന്നും കാര്യകാരണ സഹിതം വിശകലനം ചെയ്യുന്നൊരു കൃതിയാണ് 'ജ്യോതിഷത്തിന്റെ യുക്തി'. ഒരുവിധത്തില് പറഞ്ഞാല് ജ്യോതിഷം പ്രപഞ്ചദര്ശനമാകുന്നത് സിദ്ധാന്തിക്കുന്ന അന്വേഷണമാണ്. ഫലഭാഗജ്യോതിഷം എന്തെന്ന സിദ്ധാന്തം തന്നെയാണിത്.
ജ്യോതിഷത്തെ ഒരു ശാസ്ത്രശാഖയായി അംഗീകരിക്കുവാനുള്ള വൈമനസ്യം മൂലം ജ്യോതിശാസ്ത്രവും ജ്യോതിഷവും (ഗണിതഭാഗവും ഫലഭാഗവും) വേര്പിരിഞ്ഞു എന്നും ജ്യോതിശ്ശാസ്ത്രം വളര്ന്നുവെന്നും ജ്യോതിഷം അന്ധവിശ്വാസമാണെന്നും പല ശാസ്ത്രകുതുകികളും ആണയിട്ടു പറയുന്നുണ്ട്. ഇതൊരു പക്ഷേ ഗ്രഹങ്ങള്ക്കുള്ളതായി കല്പിക്കുന്ന ഭൗതികാതീത സ്വരൂപം കൊണ്ടായിരിക്കാം. വാസ്തവത്തില് ഗണിതത്തില് അക്കങ്ങള് പോലെയാണ് ജ്യോതിഷത്തില് നവഗ്രഹങ്ങള് ഭൗതിക വസ്തുക്കള് തന്നെയാകുന്നത്. ഫലഭാഗ ജ്യോതിഷത്തില് ഗ്രഹങ്ങള് ഭൗതികവസ്തുക്കള് തന്നെ. എന്നാല് ഗ്രഹങ്ങള് ഗണിതാതീതമായ തലത്തില് എത്തിച്ചേരുമ്പോള് അവ ഭൗതികാതീതമായ ചിലതൊക്കെയായി പരികല്പിക്കപ്പെടുന്നു.
അത് മഹാപ്രതിഭകളായ ആചാര്യന്മാര് അന്തര്ജ്ഞാനം ആധാരമാക്കി കാലഘട്ടങ്ങളിലൂടെ സഞ്ചരിച്ചെത്തിയ അനുഭവാത്മകദര്ശനങ്ങള് മൂലമാണ്. ഗ്രഹങ്ങളെ യോദ്ധാവായും മുടന്തനായുമൊക്കെ ചിത്രീകരിക്കുന്നത് ഗണിതാതീതമായി അവയെ വിശദമാക്കാനാണ്. ഇത് കാര്യങ്ങളെ സത്യാത്മകതയുടെ സമഗ്രതയില് മനസ്സിലാക്കുന്നതിനുള്ള സൗകര്യത്തിനാണ്. അതുകൊണ്ടതു യുക്തിഭദ്രമാണ്. അന്ധവിശ്വാസമല്ല. മനുഷ്യജീവിതം പരിപൂര്ണ്ണമായും പ്രപഞ്ചാതീതമായ ഒന്നിന്റേയും ഇടപെടലുകളില്പെടാതെയാണ് വിടര്ന്നു കൊഴിയുന്നതെന്ന കണ്ടെത്തലുമാണ്. അക്കങ്ങള് കൊണ്ടുള്ള ഗണിതം ലാഭനഷ്ടങ്ങളായി ജീവിതത്തെ ബാധിക്കുമ്പോള് നല്ല കാലമെന്നും മോശം കാലമെന്നും നാം പറയുന്നുവെന്നുമാത്രം.
ജ്യോതിഷം വെറും അന്ധവിശ്വാസമാണെന്ന് അന്ധമായിത്തന്നെ വിശ്വസിക്കുന്നവര്ക്ക് മറുപടിയായി ജ്യോതിഷം ഒരു ജീവിത ദര്ശനമാണെന്നും അതില്നിന്നും ഉരുത്തിരിഞ്ഞുവരുന്ന പ്രപഞ്ചദര്ശനത്തിന്റെ ഭാഗമായുള്ള പാരിസ്ഥിതികശാസ്ത്രം തന്നെയാണെന്നുമാണ് ഈ ഗ്രന്ഥത്തില് സ്ഥാപിച്ചിട്ടുള്ളത്. ജ്യോതിഷശാസ്ത്രത്തിന്റെ പരമവിതാനമായ നാഡികളിലൂടെ സഞ്ചരിച്ച് വിവിധ ജീവിതാനുഭവ നിരീക്ഷണങ്ങളുടെ വെളിച്ചത്തില് അപഗ്രഥിച്ച് മുന്നേറുന്ന ഈ ഗ്രന്ഥം യുക്തിയുക്തമായ കാര്യകാരണ വിശകലനങ്ങള് നടത്തി ജ്യോതിഷത്തിന്റെ പ്രപഞ്ചദര്ശനത്തില് ചെന്നുചേരുന്നു.
അനന്യമായ ഈ സംരംഭം ജ്യോതിഷസംബന്ധിയായ നിരവധി മിഥ്യാസങ്കല്പങ്ങള്ക്ക് ഉത്തരമായിരിക്കും എന്ന വസ്തുത നിസ്തര്ക്കമാണ്. പ്രത്യേകിച്ചു ജ്യോതിഷം ഉന്നത വിദ്യാഭ്യാസ മേഖലയില് സാര്വ്വത്രികമായി അംഗീകരിക്കപ്പെടേണ്ടതുണ്ടോ എന്ന് സജീവമായി ചര്ച്ച ചെയ്യപ്പെടുന്ന സമകാലിക പശ്ചാത്തലത്തില്. ഏതൊരു വിശ്വാസിക്കും അവിശ്വാസിക്കും അവരവരുടെ ആശയസംഹിതകളില് ഉറച്ചുനിന്നുകൊണ്ട് സ്വതന്ത്രബുദ്ധിയോടെയും അക്കാദമിക് താല്പര്യത്തോടെയും വീക്ഷിക്കാവുന്ന ഈ രചന ഗഹനമായ വിചിന്തനങ്ങള്ക്കും ഗൗരവമേറിയ ചര്ച്ചകള്ക്കും വഴി തുറക്കുന്നതാണ്.
കൃതി : ജ്യോതിഷത്തിന്റെ യുക്തി
ഗ്രന്ഥകാരന് : ഡോ. കെ. അഗസ്റ്റിന് ജോസഫ്
വിഭാഗം : പഠനം/ജ്യോതിഷം
ISBN : 9788124020546
പേജ് : 320
വില :275
പ്രസാധകര് :കറന്റ് ബുക്സ്
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google