മനോരമ വിനോദ ചാനല്‍ അടുത്ത വര്‍ഷം പകുതിയോടെ

മലയാള മനോരമ ടെലിവിഷന്റെ വിനോദ ചാനല്‍ 2011 പകുതിയോടെ തുടങ്ങും. മനോരമയുടെ എക്സിക്യൂട്ടീവ് എഡിറ്ററും ‍ഡയറക്ടറുമായ ജേക്കബ് മാത്യു എക്സ്ചേഞ്ച് മീഡിയയോടാണ് ഇത് വെളിപ്പെടുത്തിയത്.

മനോരമയുടെ വാര്‍ത്താ ചാനലിന് പുറമേയായിരിയ്ക്കും ഈ പുതിയ ചാനല്‍. പുതിയ ചാനല്‍ പ്രേക്ഷകര്‍ക്ക് പുത്തന്‍ അനുഭവം നല്‍കുമെന്ന ജേക്കബ് മാത്യു ഉറപ്പ് പറയുന്നു. കാലപ്പഴക്കം എന്നത് ഒരു ചാനലിന് മുന്‍തൂക്കം നല്‍കുന്ന കാര്യമല്ല. നല്ല പരിപാടി നല്‍കാനായാല്‍ മേല്‍കൈ നേടാനാവും എന്ന സത്യം ഹിന്ദിയില്‍ നിന്ന വ്യക്തമാണ്. മലയാള മനോരമയെപ്പോലെ മലയാളികളുടെ മനസ്സ് അറിയാവുന്ന മറ്റൊരു മാധ്യമ സ്ഥാപനവും കേരളത്തിലില്ലെന്നാണ് ഇദ്ദേഹത്തിന്റെ നിലപാട്.