ചാനല് പ്രളയത്തില് വിസ്മയമാകാന് മഴവില്ല്
ആശയത്തിലും അവതരണത്തിലുമെല്ലാം പുതുമയുള്ള പരിപാടികളാണ് മവഴില്ലിന്റെ വാഗ്ദാനം. പൂര്ണമായും ഹൈ ഡെഫനിഷന് ക്യാമറകളില് ചിത്രീകരിക്കുന്ന പരിപാടികളായിരിക്കും മഴവില്ലിന് സംപ്രേഷണം ചെയ്യുക.
പരമ്പരകള്. റിയാലിറ്റി ഷോ, സിനിമ, കോമഡി തുടങ്ങി പതിവ് വിനോദപരിപാടികള്ക്കൊപ്പം സമകാലിക സംഭവങ്ങളുമായി ബന്ധപ്പെടുത്തിയുള്ള പരിപാടികളും മഴവില് കാഴ്ചക്കാര്ക്കുവേണ്ടിയൊരുക്കുന്നുണ്ട്.
മലയാള ടെലിവിഷനിലെ ഏറ്റവും വലിയ മ്യൂസിക് റിയാലിറ്റി ഷോ എന്ന ബഹുമതിയോടെ എത്തുന്നഇന്ത്യന് വോയ്സ് മഴവില്ലിന്റെ ഏറ്റവും വലിയ ആകര്ഷണമായിരിക്കും. ശങ്കര് മഹാദേവനെപ്പോലെയുള്ള പ്രമുഖ ഗായകര് ഈ ഷോയില് വിധികര്ത്താക്കളാകും.
മുമ്പ് ഏഷ്യാനെറ്റില് നമ്മള് തമ്മില് അവതരിപ്പിച്ച് ജനപ്രീതി നേടുകയും പിന്നീട് ഏഷ്യാനെറ്റ് വിടുകയും ചെയ്ത ആര് ശ്രീകണ്ഠന് നായര് മഴവില്ലില് എത്തുന്നുണ്ട്. സമദൂരമെന്ന് പേരിട്ടിരിക്കുന്ന പരിപാടിയാണ് ശ്രീകണ്ഠന് നായര് അവതരിപ്പിക്കുക.
പ്രമുഖ നടിമാരും നടന്മാരുമെല്ലാം വിവിധ പരിപാടികളുടെ അവതാരകരായും വിധികര്ത്താക്കളായുമെല്ലാം മഴവില്ലില് എത്തുന്നുണ്ട്. മലയാളം ചാനല് മേഖലയില് ഇപ്പോള് കടുത്ത് മത്സരമാണ് നിലനില്ക്കുന്നത്. പുതിയ പുതിയ പരിപാടികള് ആവിഷ്കരിച്ച് എല്ലാവരും ഈ മത്സരത്തില് ശക്തമായിത്തന്നെ പങ്കാളികളാവുന്നുണ്ട്.
വര്ഷങ്ങളായി മലയാള ചനാലകുളില് മുന്നിരയില് നില്ക്കുന്ന ഏഷ്യാനെറ്റിന് മഴവില് മനോരമ വലിയ വെല്ലുവിളി ഉയര്ത്തിയേയ്ക്കുമെന്ന് സൂചനയുണ്ട്.