ഇന്ത്യന് ഐഡല് ജൂനിയര് വിജയി അഞ്ജന പത്മനാഭന്
ഒന്നാം സ്ഥാനം നേടിയ അഞ്ജന ഹിന്ദിയില് കുറച്ച് സംസാരിയ്ക്കുകയും ചെയ്തു. ഗായിക ശ്രേയ ഘോഷാല്, സംഗീത സംവിധായകരായ വിശാല് ദാദ്ലാനി, ശേഖര് രാവ്ജിയാനി എന്നിവരായിരുന്നു പരിപാടിയുടെ വിധി കര്ത്താക്കള്. പ്രധാന സമ്മാനത്തിന് പുറമെ കൊടാക് മഹീന്ദ്ര നല്കിയ അഞ്ച് ലക്ഷം രൂപയും, ഹോര്ലിക്സ് നല്കിയ രണ്ട് ലക്ഷം രൂപയുടെ ക്യാഷ് പ്രൈസിനും അഞ്ജന അര്ഹയായി. നിര്വേഷ് സുധാന്ഷുഭായ് ദാവേ, ദേബാഞ്ജന കരംമ്കര്, അന്മോല് ജസ്വാള് എന്നിവരായിരുന്നു അവസാന റൗണ്ട് വരെ എത്തിയ മത്സരാര്ഥികള്. ഇവര്യഥാക്രമം രണ്ടും മൂന്നും നാലും സ്ഥാനങ്ങള് നേടി.
പ്രിയങ്ക ചോപ്ര, ഷഹീദ് കപൂര്, രാം ചരണ് തേജ എന്നിലരും ഫൈനല് മത്സരങ്ങളുടെ വേദിയില് എത്തിയിരുന്നു. പരിപാടിയിലെ വിധികര്ത്താക്കള്ക്കൊപ്പം അമിതാഭ് ബച്ചന് ഗാനം ആലപിച്ചു. ഫൈനല് മത്സാരാര്ഥികള് അമിതാഭ് ബച്ചന്റെ സിനിമകളിലെ ഹിറ്റ് ഗാനങ്ങള് കോര്ത്തിണക്കി ഗാനോപഹാരം അദ്ദേഹത്തിനായി സമര്പ്പിച്ചു. പ്രിയങ്കയും ഷഹീദും വേദിയില് നൃത്തം ചെയ്തു. മൂന്ന് മാസങ്ങള് നീണ്ട മത്സരത്തിനൊടുവിലാണ് വിജയിയെ കണ്ടെത്തിയത്.