ചാനലിലെ ചുംബനം കമല് ഹാസനെതിരെ കേസ്
ഒരു ചാനല് പരിപാടിയ്ക്കിടെ കമല് നടത്തിയ ചുംബനത്തിനെതിരെ കേസ് വന്നിരിക്കുകയാണ്. കോന് ബനേഗാ ക്രോര്പതിയുടെ തമിഴ് പതിപ്പായ വിജയ് ടിവിയിലെ നീങ്കളും വെല്ലാളാം ഒരു കോടി എന്ന പരിപാടിയ്ക്കിടെ കമല് നടത്തിയ ചുംബനമാണ് പ്രശ്നമായിരിക്കുന്നത്. ഹിന്ദുമക്കള് കക്ഷിയാണ് ഇതിനെതിരെ പൊലീസില്പരാതി നല്കിയിരിക്കുന്നത്.
നടന് പ്രകാശ് രാജ് അവതരിപ്പിച്ച പരിപാടിയില് അതിഥികളായി കമലും ഗൗതമിയും എത്തിയിരുന്നു. പരിപാടിയുടെ അവതാരകയായ ദിവ്യദര്ശനിയെ ഒരവസരത്തില് കമല് കെട്ടിപ്പിടിയ്ക്കുകയും ചുംബിയ്ക്കുകയം ചെയ്തു, മത്സരാര്ത്ഥിയായെത്തിയ പെണ്കുട്ടിയെയും കമല് ആലിംഗനം ചെയ്തിരുന്നു. ഇതാണ് ഹിന്ദുമക്കള് കച്ചിയെ ചൊടിപ്പിച്ചത്.
കമലിന്റെ പ്രകടനം അശ്ലീലം നിറഞ്ഞതാണെന്നും കെട്ടിപ്പിടുത്തവും ചുംബനവുമെല്ലാം ലക്ഷക്കണക്കിനാളുകള് കാണുന്ന പരിപാടികളില് പ്രദര്ശിപ്പിക്കരുതെന്നും ഹിന്ദുമക്കള് കച്ചി ചൂണ്ടിക്കാണിക്കുന്നു. ഇതുമാത്രമല്ല വിവാഹം കഴിയ്ക്കാതെ ഒരുമിച്ച ജീവിയ്ക്കുന്ന കമലും ഗൗതമിയും പങ്കെടുത്ത പരിപാടിയില് വിവാഹിതരാകാതെ ഒരുമിച്ച് ജീവിയ്ക്കുന്ന രീതിയെ പ്രകീര്ത്തിച്ചുവെന്നും ഹിന്ദുമക്കള് കച്ചി ആരോപിയ്ക്കുന്നു. കമല് ഹാസന്, ഗൗതമി, ദിവ്യ ദര്ശിനി, മത്സരാര്ത്ഥിയായെത്തിയ പ്രിയ, പ്രകാശ് രാജ് എന്നിവര്ക്കെതിരെയാണ് ഹിന്ദുമക്കള് കച്ചി പൊലീസില് പരാതി നല്കിയിരിക്കുന്നത്.
Click it and Unblock the Notifications
Sign in with Google