മലയാളി ഹൗസിലേക്ക് വീണ്ടും സന്തോഷ് പണ്ഡിറ്റ് വരുമോ?
കൊച്ചി: മലയാളി ഹൗസില് നിന്ന് സന്തോഷ് പണ്ഡിറ്റ് പുറത്താക്കപ്പെട്ടു. ഇത് രണ്ടാമത്തെ തവണയാണ് സന്തോഷ് പുറത്താക്കപ്പെടുന്നത്. എന്നാല് എലിമിനേറ്റ് ആയത് സന്തോഷ് പണ്ഡിറ്റ് ആയത് കൊണ്ട് മാത്രം മററ് മത്സരാര്ത്ഥികള്ക്കും പ്രേക്ഷകര്ക്കും ഒരു സംശയം സന്തോഷ് വീണ്ടും തിരിച്ച് വരുമോ? എന്തായാലും ഇത് വരെയും സന്തോഷ് തിരിച്ച് വരുന്നതിന്റെ യാതൊരു സൂചനയും ലഭിച്ചിട്ടില്ല. മലയാളി ഹൗസ് എന്ന റിയാലിറ്റി ഷോയിലൂടെ തന്റെ ചീത്തപ്പേര് മാറ്റി വരികയായിരുന്നു പണ്ഡിറ്റ്. റിയാലിറ്റി ഷോയില് പണ്ഡിറ്റിന്റെ ഏറ്റവും നല്ല സുഹൃത്ത് സിന്ധു ജോയി ആയിരുന്നു. കഴിഞ്ഞ ആഴ്ച ചില അപ്രതീക്ഷിതമായ എലിമിനേഷനുകളാണ് നടന്നത്.
റോസിലിന് ജോളിയുടെ പിതാവിനെ ഫോണ് ചെയ്തതിനും റിയാലിറ്റി ഷോ നിയമങ്ങള് പാലിക്കാത്തതിനും സ്നേഹാ നമ്പ്യാരെ റിയാലിറ്റി ഷോയില് നിന്നും അയോഗ്യയാക്കിയിരുന്നു. 16 മത്സരാര്ത്ഥികളായിരുന്നു മത്സരത്തില് ഉണ്ടായിരുന്നത്. എന്നാല് ഇനി വളരെക്കുറച്ച് മത്സരാര്ത്ഥികള് മാത്രമാണ് ഇപ്പോള് അവശേഷിക്കുന്നത്. ജി എസ് പ്രദീപ്, രാഹുല് ഈശ്വര്, തിങ്കള് , സിന്ധുജോയി, നീന കുറുപ്പ് എന്നിവര് ഇത് വരേയും മത്സരത്തില് നിന്ന് പുറത്താക്കപ്പെട്ടിട്ടില്ല.
ഓരോ എപ്പിസോഡിലും മത്സരാര്ത്ഥികള്ക്കിടയിലുള്ള വഴക്ക് കൂട്ടാനും റേറ്റിംഗ് കൂട്ടാനും സംഘാടകര് ശ്രമിയ്ക്കുന്നുണ്ട്. മത്സരത്തില് നിന്ന് പുറത്താക്കപ്പെട്ട മത്സാരാര്ത്ഥിയും ഗായികയുമായ ചിത്ര അയ്യര് മത്സരാര്ത്ഥിയായ സാഷയ്ക്കെതിരെ ഫേസ് ബുക്കില് ചില കാര്യങ്ങള് എഴുതിയിരുന്നു. ഇതിനെച്ചൊല്ലിയുള്ള തര്ക്കങ്ങളും സങ്കടങ്ങളും രണ്ട് എപ്പി സോഡുകളിലധികം ചാനല് സംപ്രേക്ഷണം ചെയ്തു. എന്തായാലും പുറത്താക്കപ്പെട്ട മത്സരാര്ത്ഥികളില് സ്നേഹയുടേയും സന്തോഷിന്റെയും തിരിച്ച് വരവിന് സാധ്യതകള് ഉണ്ടെന്നാണ് സംസാരം.