സുരേഷ്ഗോപി ഇനി കോടീശ്വരനല്ല
നിങ്ങള്ക്കുമാകാം കോടീശ്വരന് എന്ന പരിപാടിയില് അവതാരകനാകുമ്പോള് ചാനലുമായുള്ള കരാര് പ്രകാരം സുരേഷ്ഗോപിക്ക് മലയാളം സിനിമയില് അഭിനയിക്കാന് പാടില്ലായിരുന്നു. അതുകൊണ്ട് രണ്ടവര്ഷമായി സുരേഷ്ഗോപി സിനിമയില് അഭിനയിച്ചിട്ട്. ചാലനിലെ ഓരോ ഷോയ്ക്കും അഞ്ചുലക്ഷം രൂപയായിരുന്നു പ്രതിഫലം. എന്നാല് കിട്ടുന്ന പ്രതിഫലത്തില് പകുതിയും സുരേഷ്ഗോപി തനിക്കു മുന്പിലെത്തുന്ന പാവപ്പെട്ടവര്ക്കു സമ്മാനിക്കുമായിരുന്നു. അതുകൊണ്ടു തന്നെ ഈ പരിപാടിക്ക് വന് ജനപ്രതീയിയായിരുന്നു.
ഇനി സിനിമയില് നല്ല വേഷം മാത്രമേ ചെയ്യൂ എന്നാണ് സുരേഷ്ഗോപിയുടെ നിലപാട്. ഷാജി കൈലാസ്, ബി. ഉണ്ണികൃഷ്ണന് എന്നിവരുടെ ചിത്രങ്ങളിലായിരിക്കും ജോഷിയുടെ സിനിമ കഴിഞ്ഞാല് അഭിനയിക്കുക. ഇതുകൂടാതെ തമിഴിലും സുരേഷ്ഗോപി അഭിനയിക്കുന്നുണ്ട്. ശങ്കര് സംവിധാനം ചെയ്യുന്ന വിക്രം നായകനാകുന്ന ഐ എന്ന ചിത്രത്തിലാണ് സുരേഷ്ഗോപി അഭിനയിക്കുന്നത്. 100 കോടി രൂപ ചെലവില് ഒരുക്കുന്ന ചിത്രം തിയറ്ററിലെത്തുന്നതോടെ സുരേഷ്ഗോപിക്ക് തമിഴിലും തിരക്കാകുമെന്ന് ഉറപ്പാണ്.
മലയാളത്തില് സുരേഷ്ഗോപി അവസാനമായി ചെയ്ത ചിത്രങ്ങളെല്ലാം വന്പരാജയമായിരുന്നു. മോഹന്ലാലിനൊപ്പം അഭിനയിച്ച ജനകന്, ക്രിസ്ത്യന് ബ്രദേഴ്സ് എന്നിവ മാത്രമാണ് സാമ്പത്തിക നേട്ടമുണ്ടാക്കിയത്.