'പെൺകുട്ടിക്കൊപ്പമെങ്കിൽ ലെസ്ബിയൻ, ആൺകുട്ടിയെങ്കിൽ കാമുകൻ, ലൈംഗിക ബന്ധം മാത്രമല്ല ഇവിടെ ഉള്ളത്'; മജ്സിയ ഭാനു
ബിഗ് ബോസ് മലയാളം സീസൺ 3 യിലൂടെ പ്രേക്ഷകരിലേക്ക് എത്തിയ താരമാണ് മജ്സിയ ഭാനു. മികച്ച രീതിയിൽ ടാസ്കുകളിൽ പെർഫോം ചെയ്ത് മുന്നേറിയെങ്കിലും താരം 42ാം ദിവസം പുറത്തായി. എന്നാൽ അതിന് ശേഷം ആരാധകരുമായി നിരന്തരം സോഷ്യൽ മീഡിയയിലൂടെ മജ്സിയ ഇടപെടാറുണ്ട്. താരത്തിന്റെ പോസ്റ്റും ഫോട്ടോകളുമെല്ലാം വളരെ പെട്ടെന്ന് തന്നെ വൈറലാകാറുമുണ്ട്. ഇപ്പോഴിതാ മജ്സിയ പങ്കുവെച്ച ഒരു കുറിപ്പ് ശ്രദ്ധ നേടുകയാണ്. താരത്തിന്റെ കുറിപ്പ് ഇങ്ങനെ
' അസ്സലാമു അലൈക്കും എന്റെ എല്ലാ സുഹൃത്തുക്കൾക്കും നമസ്കാരം.
കഴിഞ്ഞ കുറച്ചു വർഷങ്ങളായി പലപ്പോഴായി ഞാൻ നിങ്ങളുമായി പങ്കുവെക്കാൻ ആഗ്രഹിച്ച ഒരു കാര്യം ഞാൻ ഇന്ന് തുറന്നു എഴുതുകയാണ്.ഓരോ വ്യക്തിയുടെയും വ്യക്തി സ്വാതന്ത്ര്യത്തിനെ പറ്റിയും അവരുടെ ലൈകിഗികതകയെ പറ്റിയും ഒരുപാട് ചർച്ചകൾ രാപകൽ ഇല്ലാതെ എല്ലായിടത്തും നടന്നു കൊണ്ടിരിക്കുന്ന ഒരു കാലഘട്ടത്തിലാണ് നമ്മൾ ഇന്ന് ജീവിക്കുന്നത്.
മാറുന്ന ലോകവും മാറുന്ന ഉയർന്ന ചിന്താഗതിയുമൊക്കെ വളരെ നല്ലത് തന്നെ, പക്ഷെ പ്രകൃതി വിരുദ്ധമെന്ന് പണ്ട് നമ്മൾ വിശ്വസിച്ചിരുന്ന പലതും ഇന്ന് അംഗീകരിച്ചു കൊണ്ട് അതിനു വേണ്ടി വാദിക്കുകയും അതിനു വേണ്ട എല്ലാ പിൻബലവും കൊടുത്ത് ഓരോ വ്യക്തിയുടെയും ജീവിതത്തിൽ പുതിയ പുതിയ പ്രതീക്ഷകൾ കൊണ്ട് വരുമ്പോൾ ചിലതൊക്കെ നമ്മൾ മറന്നു പോകുന്നുണ്ടോ???
എല്ലാം ലൈംഗിക ചുവയോടെ മാത്രം കാണാൻ ആഗ്രഹിക്കുന്ന അല്ലെങ്കിൽ പരാമർശിക്കാൻ ആഗ്രഹിക്കുന്ന ഒരു സമൂഹത്തെ ആണ് ഞാൻ ഇന്ന് എന്റെ ജീവിതത്തിൽ വ്യക്തിപരമായി കണ്ടു കൊണ്ടിരിക്കുന്നത്.
പണ്ടൊക്കെ പെൺകുട്ടികൾ പുറത്ത് ഇറങ്ങുമ്പോൾ, കാണുമ്പോൾ, യാത്ര ചെയ്യുമ്പോൾ, സംസാരിക്കുമ്പോൾ, ജോലി ചെയ്യുമ്പോൾ അല്ലെങ്കിൽ ഒരു ഫോട്ടോ എടുക്കുമ്പോൾ അതൊരു ആൺകുട്ടിയുടെ കൂടെ ആണെങ്കിൽ ചിലരൊക്കെ അതിനെ മോശമായ രീതിയിൽ എടുത്തു തെറ്റിദ്ധരിരിക്കുമായിരുന്നു.
ഇന്ന് എന്താ അവസ്ഥ???
ഒരു പെൺകുട്ടി ഏതെങ്കിലും ആൺകുട്ടിയുടെ കൂടെ ആണെങ്കിൽ "കാമുകൻ"
ഇനി എന്തെങ്കിലും പെൺകുട്ടിയുടെ കൂടെ ആണെങ്കിൽ അവൾ "ലെസ്ബിയൻ"
എല്ലാം അംഗീകരിക്കുന്ന വിശാലമനസ്ക്കരേ...
നിങ്ങളോട് ഒരു അപേക്ഷ മാത്രം വെറും ചർച്ചകൾ ചെയ്യപ്പെടാൻ ഉള്ള വിഷയം മാത്രമല്ല ഒരാളുടെ വ്യക്തി സ്വാതന്ത്ര്യം, അതു നിങ്ങൾ ബഹുമാനിക്കേണ്ട ഒന്ന് തന്നെ ആണ്. വെറും ലൈംഗിക ബന്ധങ്ങൾ മാത്രമല്ല ഇവിടെ ഉള്ളത്, ഈ ലോകത്ത് വേറെയും പവിത്രമായ മനോഹരമായ ഒരുപാട് ബന്ധങ്ങൾ ഉണ്ടെന്ന് ഞാൻ നിങ്ങളെ ഓർമപ്പെടുത്തുന്നു. അവനവന്റെ കാര്യം നോക്കി ജീവിക്കു
Click it and Unblock the Notifications
Sign in with Google