'അവിടേയും വിവാദം': യഥാര്ത്ഥ കാര്യങ്ങളല്ല പ്രചരിപ്പിക്കുന്നത്, അത് കാണുമ്പോള് വിഷമമാവും; സൂര്യ
വര്ഷങ്ങളായി ടെലിവിഷന് രംഗത്തുള്ള താരമായ സൂര്യ ജെ മേനോന് ബിഗ് ബോസ് മലയാളം സീസണ് 3 യില് മത്സരാര്ത്ഥിയായി എത്തിയതോടെയാണ് കൂടുതല് ശ്രദ്ധേയയാവുന്നത്. വളരെ മികച്ച മത്സരാര്ത്ഥിയ സൂര്യ ബിഗ് ബോസില് നിന്നും എലിമിനേഷനിലൂടെ ഏറ്റവും അവസാനമായി പുറത്തായ താരങ്ങളില് ഒരാളുമായിരുന്നു.
ബിഗ് ബോസില് നിന്ന് പുറത്ത് വന്ന സൂര്യയുടേതായി പുതിയൊരു തമിഴ് ചിത്രവും പുറത്തിറങ്ങാനിരിക്കുന്നുണ്ട്. ഇപ്പോഴിതാ ആ ചിത്രങ്ങളുടേത് ഉള്പ്പടേയുള്ള കാര്യങ്ങള് പങ്കുവെച്ച് രംഗത്ത് വരികയാണ് താരം. കളിപൊയ്ക എന്ന യൂട്യൂബ് ചാനലിലാണ് സൂര്യ ജെ മേനോന് വിശേഷങ്ങള് പങ്കുവെക്കുന്നത്.
കുട്ടിക്കാലത്ത് എല്ലാവരം വലിയ കുസൃതിക്കാരായിരിക്കും. എന്നാല് വലുതാവുമ്പോള് അത് തന്നെ തുടരണം എന്നില്ല. ടീനേജ് പ്രായത്തിലൊക്കം സ്മാര്ട്ട് ആയിരുന്നു. വീട്ടില് ഒറ്റമോളാണ്, വലിയ സഹൃദങ്ങളും ഇല്ല. അങ്ങനെ ഞാന് എന്നിലേക്ക് തന്നെ ഒതുങ്ങാന് തുടങ്ങി. കുറച്ച് കൂട്ടുകാര് ഒക്കെ ഉണ്ടായിരുന്നു. എന്നാല് അവരില് പലരും അവരുടെ കാര്യങ്ങള്ക്കായി നമ്മളെ ഉപയോഗിച്ചപ്പോള് എനിക്ക് പിന്നെ ആരെയും വിശ്വാസം ഇല്ലാതായി. ഒരിക്കലും ചതിക്കില്ല എന്നുറപ്പുള്ള ഏതാനും കൂട്ടുകാര് മാത്രമാണ് ഇപ്പോള് എനിക്കുള്ളതെന്നും സൂര്യ പറയുന്നു.
എഴുത്തും മറ്റ് കാര്യങ്ങളുമായി ഞാന് എന്റേതായ ലോകത്തേക്ക് കൂടുതല് ഒതുങ്ങുകയായിരുന്നു. പൊതുവെ പുസ്തകങ്ങളെ സ്നേഹിക്കുന്നവരൊക്കെ ഒറ്റപ്പെടല് ആഗ്രഹിക്കുന്നവരായിരിക്കും. അങ്ങനെയാണ് ഞാന് കൂടുതല് ശാന്തയായി. തന്റെ പല കഴിവുകളും പുറത്തറിയിക്കാന് കഴിഞ്ഞത് ബിഗ് ബോസ് വഴിയായിരുന്നു. തന്റെ പുതിയ സിനിമയയാ നറുമുഖയുടെ പോസ്റ്റര് പുറത്തിറങ്ങി. ജസ്പാല് സാറാണ് സംവിധായകന്. പ്രധാന കഥാപാത്രത്തെ അവതരിപ്പിക്കുന്നത് ഞാനാണ്. മറ്റ് താരങ്ങളുടെ കാസ്റ്റിങ് ഒക്കെ നടക്കുന്നു. ഏറ്റവും വലിയ സന്തോഷം എന്താണെന്ന് വെച്ചാല് ചിത്രത്തിന്റെ തിരക്കഥയും ഞാന് തന്നെയാണ്.
പിങ്കിലും നീലയിലും തിളങ്ങി പ്രിയപ്പെട്ട ഗായിക രഞ്ജിനി ജോസ്; വൈറലായി പുതിയ ഫോട്ടോ ഷൂട്ട്
എന്റെ വലിയ ആഗ്രഹമായിരുന്നു അത്. ഒരു കാര്യം നമ്മള് ആഗ്രഹിച്ചിട്ടുണ്ടെങ്കില് കുറച്ച് വൈകിയാണെങ്കിലും ദൈവം അത് കൊണ്ട് വന്ന് തരും എന്നുള്ളതിനുള്ള ഏറ്റവും വലിയ ഉദാഹരണങ്ങളില് ഒന്നാണ് അത്. ഇതില് ആദ്യത്തെ ഉദാഹരണം ബിഗ് ബോസാണ്. ആദ്യ രണ്ട് സീസണുകളിലും ബിഗ് ബോസില് വരണമെന്ന് ഞാന് ആഗ്രഹിച്ചിരുന്നു. മൂന്നാമത്തെ തവണയാണ് അത് നേടിയെടുക്കാന് സാധിച്ചത്. ഈ ഒരു സിനിമയ്ക്ക് പിന്നാലെ ഒരു വര്ഷത്തിന് മുകളിലായി നടക്കുന്നു. ഇപ്പോള് അതും സാധ്യമാവുന്നു.
ആരേയും ദ്രോഹിക്കാതെ നമ്മുടെ കഴിവില് വിശ്വസിച്ച് മുന്നോട്ട് പോയാല് ബാക്കിയൊക്കെ ദൈവം നമുക്ക് കൊണ്ട് വന്ന് തരും. മലയാളത്തേക്കാള് തമിഴിനാണ് ആ ഒരു വിഷയം ചേരുന്നത്. അതുകൊണ്ടാണ് തമിഴില് എടുക്കാമെന്ന് കരുതിയത്. പരുത്തിവീരന്, മൈന തുടങ്ങിയ ചിത്രങ്ങളുടേത് പോലത്തെ ഒരു സിനിമയാണ് നറുമുഖ. മലയാളത്തില് ചെയ്താല് അത് അത്ര ഏറ്റെന്ന് വരുന്നില്ല. ഒരു ഗ്രാമത്തില് നടക്കുന്ന റൊമാന്റിക് സബ്ജക്ട ആണ്. കുടുംബ പ്രേക്ഷകര്ക്ക് ഇഷ്ടപ്പെടുന്ന ചിത്രമായിരിക്കും. ബിഗ് ബോസില് നിന്നുള്ള ചില താരങ്ങള് സിനിമയില് കാണുമായിരിക്കും. ഉറപ്പില്ല. അക്കാര്യങ്ങള് സംസാരിച്ചു കൊണ്ടിരിക്കുകയാണെന്നു താരം പറയുന്നു.
മിസ് കേരള മത്സരത്തിലൂടെയാണ് ഈ ഫീല്ഡിലേക്ക് വരുന്നത്. കോളേജില് പഠിക്കുന്ന സമയമാണ്. ഒരു ജീന്സും ലൂസ് ടോപ്പും ധരിച്ചാണ് ഞാന് മത്സരത്തിന് പോയത്. പക്ഷെ അവിടെ വന്ന മറ്റുള്ളവര് എല്ലാം വളരെ മോഡലായിരുന്നു. ഒഡീഷന് കഴിഞ്ഞപ്പോള് സെലക്ട് ചെയ്യപ്പെട്ട 15 പേരില് ഒരാളാവാന് സാധിച്ചു. ഒരാഴ്ച ഗ്രൂമിങ് ഉണ്ടായിരുന്നു. പുതിയ അനുഭവങ്ങളായിരുന്നു അതൊക്കെ. ഫൈന് കഴിഞ്ഞപ്പോള് നാലാം സ്ഥാനവും കിട്ടി. ഞാന് തന്നെ ഞെട്ടിപ്പോയി ആ മത്സരം ഫലം കേട്ടപ്പോള്.
ബിഗ് ബോസിലേത് പോലെ അതിലും എന്നെ ചുറ്റിപ്പറ്റി ചില വിവാദങ്ങള് ഉണ്ടായിരുന്നു. ചോദ്യോത്തര സെഷന് വന്നപ്പോള് ഞാനൊരു വിവാദപരമായ ഉത്തരം നല്കിയിരുന്നു. എവിടെ ചെന്നാലും വിവാദം വളരെയധികം വിമര്ശകര് അന്നും ഉണ്ടായിരിരുന്നു. പക്ഷെ വിവാദം കൂടുന്നതിന് അനുസരിച്ച് നമ്മള് വളര്ന്ന് കൊണ്ടിരിക്കുകയാണ്. ഇതൊക്കെ ശ്രദ്ധിച്ചാണ് കുറേ ചാനലില് നിന്നും അവതാരകയായി വിളിക്കുന്നത്. പിന്നെ ഞാന് വിജെയായി. ഇപ്പോള് വന്ന രണ്ട് മൂന്ന് ചാനലുകള് ഒഴിക്കെ മിക്ക മലയാളം ചാനലുകളില് ഞാന് അവതാരകായി ജോലി ചെയ്തിട്ടുണ്ട്. റേഡിയോ ജോസ്കി, ഡിസ്കോ ജോക്കി ഒക്കെയായിരുന്നു.
തന്റെ ബന്ധങ്ങളിലെല്ലാം ഞാന് നൂറ് ശതമാനം ആത്മാര്ത്ഥമായിരിക്കും. എന്നെ സംബന്ധിച്ച് അതെന്റെ ഒരു മോശം ക്വാളിറ്റിയാണ്. കാരണം എത്ര ആത്മാര്ത്ഥത കൊടുക്കുന്നോ അത്രയും തന്നെ നമ്മല് വേദനിക്കപ്പെടാനുള്ള സാധ്യതയും ഉണ്ട്. എനിക്കൊരു സുഹൃത്ത് ഉണ്ടെങ്കില് അവര് എന്ത് പറഞ്ഞാലും ഞാന് അതുപോലെ ചെയ്യും. ഒടുവില് അവര് തന്നെ നമുക്ക് പണി തരും. വല്യ കാര്യവുമുണ്ടായിരുന്നോ എന്ന് അപ്പോള് അമ്മ ചോദിക്ക്. ഒരാളുമായി ഞാന് അത്ര പെട്ടെന്ന് അടുക്കില്ല. അടുത്ത് കഴിഞ്ഞാല് പിന്നെ ജീവന് കൊടുക്കാന് പറഞ്ഞാലും അത് ഞാന് കൊടുക്കും. പെട്ടെന്ന് സങ്കടപ്പെടുന്ന ആള് കൂടിയാണ് ഞാന്. ഈ രണ്ട് കാര്യങ്ങളും മാറ്റണമെന്നും ഞാന് വിചാരിക്കുന്നുണ്ട്.
പ്രൈവസി ഇല്ലാതാകുന്നു എന്ന ഒരു തോന്നലുണ്ട്. അത് നല്ല രീതിയില് എടുക്കുകയാണേല് കുഴപ്പമില്ല. ഞാനൊരു സ്റ്റാറ്റസ് ഇട്ടാല് ചില യൂട്യൂബ് ചാനലുകള് അതെടുത്ത് വേറെ രീതിയിലൊക്കെ ആക്കിക്കൊടുക്കുകയാണ്. നമ്മള് പറഞ്ഞ കാര്യവുമായി ഒരു ബന്ധവും ഇല്ലാത്ത തരത്തിലുള്ള കഥകളായിരിക്കും അവര് പടച്ച് വിടുന്നത്. യൂട്യൂബ് മാത്രം നോക്കുന്നവര്ക്ക് ശരിക്കുമുള്ള കാര്യം അറിയില്ല. അവര് ഈ യൂട്യൂബ് ചാനലുകള് പറയുന്ന നമുക്ക് എതിരായ വാര്ത്തകളാണ് വിശ്വസിക്കുന്നത്. അതൊക്കെ ഓര്ക്കുമ്പോള് സങ്കടം വരും.
ഇത്തരം യൂട്യൂബ് ചാനലുകള് നടത്തുന്നവര്ക്കും കുടുംബവും മക്കളും ഉണ്ട്. അവരുടെ വീട്ടുകാരെ കുറിച്ചൊക്കെ ഇത്തരം ഇല്ലാത്ത കാര്യങ്ങള് പറഞ്ഞ് ഉണ്ടാക്കിയാല് വിഷമം ആവില്ലേ. അതുപോലെയാണ് എന്റെ കുടുബവും. ബിഗ് ബോസ് വന്നതിന് ശേഷമാണ് അവര് യൂട്യൂബ് ഒക്കെ കാണാന് തുടങ്ങിയത്. അമ്മ യൂട്യൂബ് തുറന്ന് നോക്കുമ്പോള് കാണുന്നത് ഇത്തരം നെഗറ്റീവ് വാര്ത്തകളാണ്. അപ്പോള് അവര്ക്ക് വിഷമം ആവില്ലേ. കണ്ടന്റ് തുറുന്ന് നോക്കിയാല് ചിലപ്പോള് ഒന്നും കാണുകയില്ലെന്നും സൂര്യ പറയുന്നു.
Click it and Unblock the Notifications
Sign in with Google
