തനിസ്വരൂപം പുറത്തെടുത്ത് ബിഗ് ബോസ്! സഞ്ജനയ്ക്കും ഫിറോസിനും അന്ത്യശാസനം, താത്പര്യമില്ലെങ്കിൽ വേണ്ട
പതിവ് ബിഗ് ബോസ് വിശേഷങ്ങളിൽ നിന്നും വിഭിന്നമായ പലതുമാണ് സീസൺ ത്രീയിൽ സംഭവിച്ചുകൊണ്ടിരിക്കുന്നത്. വൈൽഡ് കാർഡ് എൻട്രിയിലൂടെ മൂന്ന് പേർ പുതിയതായി എത്തിയത് മുതലാണ് ഷോയുടെ ഗതി തന്നെ മാറിയത് എന്ന് പറയാം.
തമ്മിലടികളിലൂടെയും പരിഭവങ്ങളിലൂടെയും സജീവമായിരിക്കുകയാണ് ബിഗ് ബോസ് സീസണ് 3. എല്ലാവരുടേയും ഇപ്പോഴത്തെ പ്രധാന തലവേദന ദമ്പതികളായ ഫിറോസും സഞ്ജനയുമാണ്. അത്യധികം നാടകീയമായ രംഗങ്ങളിലൂടെയാണ് ഇപ്പോള് ബിഗ് ബോസ് കടന്നുപൊയ്ക്കൊണ്ടിരിക്കുന്നത്. ഒടുവിൽ ബിഗ് ബോസിന് തന്റെ തനിസ്വരൂപം പുറത്തെടുക്കേണ്ടിയും വന്നു.
തിരഞ്ഞെടുപ്പിന് മുന്നോടിയായി പുതുച്ചേരിയിൽ പ്രധാനമന്ത്രി- ചിത്രങ്ങൾ കാണാം
പ്രശ്നക്കാരന് ഫിറോസ്
കഴിഞ്ഞ ദിവസം ഉണ്ടായ പ്രശ്നങ്ങളെ തുടര്ന്ന് ഫിറോസിനെ ഇവിടെ എല്ലാവര്ക്കും പേടിയാണെന്ന് ഭാര്യ സഞ്ജന തന്നെ പറഞ്ഞിരുന്നു. ഫിറോസ് ഖാന്റെ ഇടപെടൽ പലർക്കും വലിയ എതിർപ്പുണ്ടാക്കുന്നും ഉണ്ട്. എന്നാല് കാര്യങ്ങള് കൂടുതല് കുഴഞ്ഞു മറിഞ്ഞ അവസ്ഥയിലേക്കാണ് ഇപ്പോള് പൊയ്ക്കൊണ്ടിരിക്കുന്നത്.
തുറന്ന ചര്ച്ച
ഇക്കഴിഞ്ഞ ദിവസം ബിഗ് ബോസിലെ അംഗങ്ങളെല്ലാവരും കൂടെ ഒരു മേശയ്ക്ക് ചുറ്റുമിരുന്ന് ചര്ച്ച നടത്തിയിരുന്നു. അപ്പോഴും മറ്റ് ടീമംഗങ്ങള്ക്കെതിരെ രൂക്ഷ വിമര്ശനമാണ് ഫിറോസ് ഉന്നയിച്ചത്. മറ്റുള്ളവരെ സംസാരിക്കാൻ പോലും അനുവാദിക്കാത്ത രീതിയിൽ ഫിറോസ് നടത്തിയ ഇടപെടലുകൾ വലിയ പ്രശ്നമാണ് സൃഷ്ടിച്ചത്.
സഹികെട്ട് ഭാഗ്യലക്ഷ്മി
ചര്ച്ചയ്ക്കിടെ ഫിറോസിന്റെ വര്ത്തമാനങ്ങളില് സഹികെട്ട് ഭാഗ്യലക്ഷ്മി ഫിറോസ് തന്നെ വല്ലാതെ ഇറിറ്റേറ്റ് ചെയ്യുന്നുണ്ടെന്നും കള്ളം പറയുന്നവരോട് സംസാരിക്കാന് തനിക്ക് താല്പര്യമില്ലെന്നും അഭിപ്രായപ്പെട്ടു. എന്തിനാണ് അദ്ദേഹം മറ്റുള്ളവരുടെ വ്യക്തിപരമായ കാര്യങ്ങളില് തലയിടുന്നതെന്നും ഭാഗ്യലക്ഷ്മി ചോദിക്കുകയുണ്ടായി.
പൊട്ടിത്തെറിച്ച് അനൂപ്
ഇതേ ചര്ച്ചയില് സീരിയല് നടന് അനൂപും തനിക്ക് പറയാനുള്ള വിമര്ശനങ്ങള് ഫിറോസിനെ കുറിച്ച് പറയുകയുണ്ടായി. എന്നാല് സംസാരത്തിനൊടുവില് ഫിറോസിനോട് പൊട്ടിത്തെറിക്കുന്ന അനൂപിനെയാണ് പിന്നീട് കണ്ടത്. ഒരു സംഘർഷത്തിലേക്ക് വരെ കാര്യങ്ങൾ നീങ്ങുന്ന സ്ഥിതി വിശേഷവും ഉണ്ടായി.
വീണ്ടും പൊട്ടിക്കരഞ്ഞ് സഞ്ജന!
തന്റെ ഭര്ത്താവിനെ എല്ലാവരും ഒറ്റപ്പെടുത്തുകയാണെന്നും താനൊരു ഭാര്യയാണെന്ന് ഓര്ക്കണമെന്നും പറഞ്ഞ് സഞ്ജനയുടെ കരച്ചിലിനും ബിഗ് ബോസ് ഹൌസ് വേദിയായി. ഫിറോസിനെ ചിലർ മനപ്പൂർവ്വം അവഗണിക്കുന്നു എന്ന ആക്ഷേപവും സഞ്ജന ഉന്നയിച്ചു. അതിനിടയില് സഞ്ജനയുടെ ആത്മഹത്യാഭീഷണിയെ കുറിച്ച് പരാമര്ശിമുണ്ടായപ്പോള് തനിക്കത് ഓര്മ്മയില്ലെന്ന് പറഞ്ഞത് വീണ്ടും വിവാദമായി.
ബിഗ് ബോസിനോട് പറഞ്ഞപ്പോള്...
ആത്മഹത്യാ ഭീഷണി ഒരു ചെറിയ കാര്യമല്ല. പറഞ്ഞ കാര്യം നിഷേധിക്കുന്നതും ശരിയല്ല. ഇതിനെത്തുടര്ന്ന് ദമ്പതികള് ആത്മഹത്യാഭീഷണി മുഴക്കുന്നുണ്ടെന്നും അതിന് തങ്ങള് ഉത്തരവാദിയല്ലെന്നും അനൂപ്, ബിഗ് ബോസിനോട് ക്യാമറയ്ക്കു മുന്പില് വന്ന് പറഞ്ഞു. വിഷയത്തിൽ ബിഗ് ബോസിന്റെ ഇടപെടലും ആവശ്യപ്പെട്ടു.
നില്ക്കണമെന്നില്ല...
പിന്നീട് ബിഗ് ബോസ് ഫിറോസിനേയും സഞ്ജനയേയും കണ്ഫഷന് റൂമിലേക്ക് വിളിപ്പിക്കുകയും താല്പര്യമില്ലെങ്കില് ഷോ നിര്ത്തിപ്പോകാമെന്ന് പറയുകയും ചെയ്തു. ഇനി ഒരിക്കല്ക്കൂടി ഇത്തരം രീതി ആവര്ത്തിച്ചാല് ബിഗ് ബോസില് നിന്ന് പോകേണ്ടി വരുമെന്ന് മുന്നറിയിപ്പും നല്കി. ഇതേത്തുടര്ന്ന് ഇരുവരും ബിഗ് ബോസിനോട് ക്ഷമാപണം നടത്തുകയും ഷോയില് തുടരാനാണ് താല്പര്യം എന്ന് അറിയിക്കുകയും ചെയ്തു.
കാത്തിരിക്കാം
എത്രനാൾ ഫിറോസും സഞ്ജനയും ഇത്തരത്തിൽ ഷോയിൽ പിടിച്ചുനിൽക്കും എന്നാണ് പ്രേക്ഷകർ ചോദിക്കുന്നത്. ഫിറോസിന്റെ ഇടപെടലുകളും രീതികളും വലിയ എതിർപ്പാണ് പ്രേക്ഷകരിൽ ഉണ്ടാക്കുന്നത്. വൈൽഡ് കാർഡ് എൻട്രിയിലൂടെ ഒരുമിച്ച് ഷോയിൽ എത്തിയ ഫിറോസ്- സഞ്ജന ദന്പതിമാരും പിന്നെ മിഷേലും തമ്മിൽ എന്ന് തെറ്റിപ്പിരിയും എന്ന ചർച്ചയും കൊഴുക്കുന്നുണ്ട്.
അലായയുടെ ഏറ്റവും പുതിയ ചിത്രങ്ങൾ കാണാം
-
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി -
'വിനീതാണ് അമ്മയ്ക്ക് മൊബൈൽ ഫോൺ വാങ്ങിച്ചു കൊടുത്തത്, അത് എനിക്ക് പാരയായി';എം മോഹനൻ്റെ കുറിപ്പ് -
ശനിയും സൂര്യനും ഒന്നിക്കുന്നു; ഈ നക്ഷത്രക്കാരുടെ ഭാഗ്യം തെളിയും, കടം കൊടുത്ത പണം കിട്ടും, പ്രണയം പൂവണിയും! -
ആഗ്രഹിക്കുന്നതെല്ലാം നടക്കും... ഈ രാശിക്കാരുടെ ശുക്രനുദിച്ചു, നിങ്ങളുമുണ്ടോ? -
'പക്വത ഇല്ല,ഭർത്താവിനുള്ള പിന്തുണ തനിക്കും കിട്ടുമെന്ന തെറ്റിധാരണ,ആര്യ രാജേന്ദ്രന് വിനയായത് ഇതൊക്കെ' -
വീണ്ടും ലോക്ക്ഡൗണോ? വ്യക്തത വരുത്തി കേന്ദ്ര സര്ക്കാര്, എന്തും നേരിടാന് സജ്ജം -
യുഎഇയിൽ വ്യാപകമായ മഴ, കൂട്ടിന് ഇടിമിന്നലും ശക്തമായ കാറ്റും; കാരണം ന്യൂനമർദ്ദം, ഡ്രൈവർമാർ ജാഗ്രത! -
10 എണ്ണ ടാങ്കറുകൾ ഹോർമുസ് വഴി കടത്തിവിട്ടു; ഇറാൻ്റെ 'രഹസ്യ സമ്മാനം',വെളിപ്പെടുത്തി ട്രംപ് -
എല്ലാ ആഴ്ചയിലും ഒരു ഗ്രാം പൊന്ന്! കൊച്ചിക്കാരെ പോലെ സ്വര്ണം വാങ്ങി നോക്കിയാലോ? -
പെന്ഷന് 25740 രൂപയായി വര്ധിക്കും? 186% വര്ധനവ്, ശമ്പള കമ്മീഷന് ശുപാര്ശ ഇങ്ങനെയോ? -
കൊടുവള്ളിയിൽ പികെ ഫിറോസിന് കാര്യങ്ങൾ എളുപ്പമാവില്ല; സലീം മടവൂർ തിളങ്ങുമോ? 13 സ്ഥാനാർത്ഥികൾ രംഗത്ത്
Click it and Unblock the Notifications
Sign in with Google