വിജയിക്കുക ഈ മത്സരാർത്ഥിയോ?മണിക്കുട്ടൻപോലും തന്റെ ആശ മാറ്റിവെച്ച് പറഞ്ഞത് അതുകൊണ്ടാകുമോ?കുറിപ്പ്

ചെന്നൈ; ബിഗ് ബോസ് സീസൺ 3 യുടെ വിജയിയെ കണ്ടെത്താനുള്ള വോട്ടിംഗ് പുരോഗമിക്കുകയാണ്. എട്ട് പേരാണ് നിലവിൽ മത്സരാർത്ഥികൾ. ഈ എട്ട് പേർക്കും വിജയ സാധ്യത ആരാധകർ പ്രവചിക്കുന്നുണ്ട്. എന്നാൽ ഈ ഷോയിൽ വിജയിക്കാൻ സാധ്യത ഏറ്റവും കൂടുതൽ ഈ രണ്ട് പേരാണെന്ന് പറയുകയാണ് ഗീവർഗീസ് ഇടിച്ചിറ എന്ന ആരാധകൻ. എന്തുകൊണ്ടെന്നും ഇയാൾ ഫേസ്ബുക്ക് കുറിപ്പിൽ വ്യക്തമാക്കുന്നു. മാത്രമല്ല ഓരോ മത്സരാർത്ഥികളെ കുറിച്ചും ഇയാൾ പോസ്റ്റിൽ പറയുന്നു. പോസ്റ്റിന്റെ പൂർണരൂപം വായിക്കാം

8 മത്സരാർത്ഥികളുടെയും വിജയം

ബിബി മലയാളം സീസൺ 3 ഷോ കോവിഡ് മൂലം നിർത്തിവെയ്ക്കേണ്ടി വന്ന സാഹചര്യത്തിൽ വിജയിയെ കണ്ടെത്താനുള്ള വോട്ടെടുപ്പ് നടന്നുകൊണ്ടിരിക്കുകയാണ്.
സീസൺ 3 ൽ ഒരു വിജയിയെ ഉണ്ടാകൂ എന്നതിനാൽ വോട്ട് ചെയ്യുമ്പോൾ വളരെ ശ്രദ്ധിക്കേണ്ടതായിട്ടുണ്. ഏതായാലും 95 ദിവസങ്ങളോളം അവിടെ തുടരാൻ സാധിച്ചതുതന്നെ ഇപ്പോഴുള്ള 8 മത്സരാർത്ഥികളുടെയും വിജയമായി കരുതണം. അവർ എല്ലാവരും ഫൈനൽ വോട്ടെടുപ്പിൽ ഉൾപ്പെട്ടിട്ടുമുണ്ട്.
ഇപ്പോഴത്തെ അവസ്ഥയിൽ ഡിംപലിന്റെയോ മണിക്കുട്ടന്റെയോ വിജയസാധ്യത വളരെ കൂടുതൽ ആണെന്ന് ഞാൻ കരുതുന്നു. ഇപ്രാവശ്യം ഒരു വനിതയാകും വിജയി എന്ന കാര്യം അന്തരീക്ഷത്തിൽ ഇപ്പോഴും കറങ്ങുന്നതുകൊണ്ടാകാം മണിക്കുട്ടൻപോലും തന്റെ ആശ മാറ്റിവെച്ച് അർഹതയുള്ളവർ ജയിക്കട്ടെ എന്നു പറയാൻ തുടങ്ങിയിരിക്കുന്നത്.

അട്ടിമറിയോ

സായി വിഷ്ണു ഒരുപക്ഷേ അട്ടിമറി വിജയത്തിലൂടെ കിരീടം നേടിയെന്നുമിരിക്കും. അത്രയും വലിയ വോട്ടിങ് മുന്നേറ്റമാണ് കഴിഞ്ഞ ദിവസങ്ങളിൽ സായിക്ക് ഉണ്ടായിരിക്കുന്നത്. തന്റെ എല്ലാ തന്ത്രങ്ങളും പിഴച്ചതുകണ്ട് കിടിലൻ ഫിറോസ് കപ്പലണ്ടി കൈയിൽ നിന്നുപോയ അണ്ണാൻമാതിരി മൂലക്ക് ഒതുങ്ങിപ്പോയതു കണ്ടിട്ടും ഒട്ടും സഹതാപം തോന്നുന്നില്ല. അത്രയ്ക്ക് കുടിലതന്ത്രങ്ങളാണ് വിജയിക്കാൻവേണ്ടി അയാൾ അവിടെ പയറ്റിയത്.

അവേശഷിക്കുന്ന മത്സരാർത്ഥികൾ

കിടിലന്റെകൂടെ കൂടി റംസാന്റെ ഗതി അധോഗതിയായി. ഋതുവിന്റെ കാര്യം പറയുകയും വേണ്ടാ. നോബിയെപ്പറ്റി പറയുകയാണെങ്കിൽ ഫൈനലിൽ അടുപ്പിക്കാൻ യോഗ്യതയില്ലാത്ത വെറുമൊരു ഉറക്കംതൂങ്ങിയെപ്പോലെയാണ് അയാൾ എപ്പോഴും കാണപ്പെട്ടത്.
അനൂപ് നല്ലപോലെ മത്സരിച്ചുവെങ്കിലും ജനഹൃദയങ്ങളിൽ കയറിപ്പറ്റാനുള്ള മിടുക്കോ ടാസ്കുകളിലും പ്രകടനങ്ങളിലും അതിന്റേതായ ജീവനോ ഉൾപ്പെടുത്തിയില്ല.
ഇപ്പോൾ അവിടെ അവശേഷിക്കുന്ന മത്സരാർത്ഥികൾ മണിക്കുട്ടൻ, ഡിംപൽ, സായ് വിഷ്ണു, കിടിലൻ ഫിറോസ്, റംസാൻ, അനൂപ്, ഋതു മന്ത്ര,
നോബി എന്നിവരാണ്.
അവർ ഈ ഷോയിലൂടെ പ്രേക്ഷകഹൃദയങ്ങളിൽ ഉണ്ടാക്കിയ ചലനങ്ങൾ ചുരുക്കമായി താഴെ കൊടുക്കുന്നു.

ആത്മാർത്ഥതയും നീതിബോധവും ഉള്ള മണിക്കുട്ടൻ നേരത്തെ ഒരു ഷോ എപ്പിസോഡിൽ പറഞ്ഞതുപോലെ, "എല്ലാം നേടിയിട്ട് സ്വന്തം ആത്മാവ് നഷ്ടപ്പെടുത്തിയാൽ ആ വിജയംകൊണ്ട് യാതൊരു പ്രയോജനവും ഉണ്ടാകില്ല എന്ന തിരിച്ചറിവ് അയാളിലെ നന്മയുടെ ഉറവിടമാണ്. ഏതു ടാസ്‌കും ചെയ്യാൻ ശാരീരികവും ബുദ്ധിപരവും തന്ത്രപരവുമായ ശക്തിയും കഴിവും ഉള്ളവൻ എന്ന് അയാൾ തെളിയിച്ചിട്ടുമുണ്ട്.
മാനസികമായ പെട്ടെന്ന് തളരുന്ന വ്യക്തിത്വം ഒരു പോരായ്മ ആണെങ്കിലും ഇപ്പോഴുള്ളവരിലെ മികച്ച മത്സരാർത്ഥിതന്നെയാണ് അയാൾ.
ഉറച്ച തീരുമാനം എടുക്കാൻ കഴിവുള്ളവനും സ്ത്രീകൾക്ക് വേണ്ട എല്ലാ പരിഗണനയും ബഹുമാനവും നൽകുന്നവനും ആണെന്നത് സ്ത്രീപ്രേക്ഷകരുടെ ഹൃദയത്തിൽ കടന്നുകൂടാൻ അയാളെ വളരെയധികം സഹായിച്ചിട്ടുമുണ്ട്. തികഞ്ഞ മത്സരബോധവും
പെരുമാറ്റത്തിൽ മാത്രമല്ല,
ഉപയോഗിക്കുന്ന ഭാഷയിലും മത്സരത്തിൽപോലും മാന്യതയും മിതത്വവും കാത്തുസൂക്ഷിച്ചിരുന്നു എന്നതും എടുത്തുപറയേണ്ട കാര്യമാണ്.

2..ഡിംപൽ ഭാൽ:

ഡിംപൽ അവിടുത്തെ ശക്തയായ മത്സരാർത്ഥിയായിരുന്നു. ആരോടും പടവെട്ടാൻ മാനസികമായി കെൽപ്പുള്ളവളും തന്റെ ശാരീരികപ്രശ്നങ്ങൾ മാറ്റിനിർത്തി ടാസ്കുകളിൽ വളരെ ഊർജ്ജസ്വലയായി മത്സരിക്കുന്നവളുംതന്നെ.
ഒരേയൊരു പ്രശ്നം അവർക്കുള്ള ചില prejudiced concepts ആണ്. അവയിൽ പലതും കേരളത്തിന് യോജിച്ചതല്ല എന്ന കാര്യം തിരിച്ചറിയാതെ പോകുന്നുണ്ട് എന്നുള്ളത് ഒന്നാം സ്ഥാനത്ത് എത്താൻ ഡിംപലിന് വിലങ്ങുതടിയാകുമോ എന്നറിയില്ല.
എങ്കിലും തന്റെ പോരാട്ടവീര്യവും ശാരീരികദൗർബല്യത്തിൻമേലുള്ള മനോധൈര്യത്തിന്റെ മേൽക്കോയ്മയും പ്രേക്ഷകവോട്ടുകൾ ആകർഷിക്കുന്നവയാണ്.
മറ്റുള്ളവർ തന്നെ ആക്രമിച്ചപ്പോഴൊക്കെ മാനസികനിലയിൽ വെളിപ്പെട്ട unbalance
എടുത്തുപറയാതിരിക്കാൻ വയ്യാ.
എങ്കിലും ഫൈനൽ വിജയി ആകാൻ എന്തുകൊണ്ടും യോഗ്യയായ വനിതയാണ്.

പ്രത്യേകിച്ച് ഒന്നിലും മികവ് കാണിക്കാതെ വീട്ടിലെ ഇല്ലായ്മയുടെ ലിസ്റ്റ് പറഞ്ഞതിൽ നിന്നുണ്ടായ ഒരു സഹതാപതരംഗത്തിൽ നിന്ന് ജനഹൃദയങ്ങളിൽ കടന്നുകൂടിയ സായ് വിഷ്ണു ഇന്ന് മികച്ച മുന്നേറ്റം നടത്തി എല്ലാവരെയും ഞെട്ടിച്ചിരിക്കുകയാണ്.
ബിബി ഹൗസ്സിൽ ഈ സീസണിൽ മത്സരിച്ചവരിൽ ഏറ്റവും വലിയ പരിവർത്തനം ഉണ്ടായ വ്യക്തികൂടിയാണ് അയാൾ.
ഇത്രയും നാൾ നിന്നുപിഴച്ചത് തന്റെ തന്ത്രങ്ങൾ കൊണ്ടല്ല, സുതാര്യമായ തുറന്ന ഹൃദയം കൊണ്ടാണ് എന്നത് പ്രേക്ഷകർ അംഗീകരിച്ചുകഴിഞ്ഞു. അത് അയാളെ വിജയത്തിൽ കൊണ്ടെത്തിച്ചാൽ ബിബി ഹൗസിൽ നടന്ന ഒരു അട്ടിമറി കൂടിയായി അതിനെ രേഖപ്പെടുത്താവുന്നതാണ്.
ഓസ്കാർ , ഓസ്കാർ എന്നു പറയുന്നതല്ലാതെ അതിനു തക്ക പ്രകടനമോ ഓസ്കാർ ലെവൽ പോയിട്ട് ഒരു സാദാ മലയാളനടന്റെ അഭിനയം കാണിക്കേണ്ട ആക്ടിവിറ്റികളിൽപോലും അയാൾ അഭിനയമികവ് കാണിച്ചിട്ടില്ല എന്നത് പ്രേക്ഷകരെ വളരെയധികം നിരാശപ്പെടുത്തിയിട്ടുണ്ട്.
എങ്കിലും ഇപ്പോഴത്തെ സാഹചര്യം വെച്ചു നോക്കിയാൽ സായ് ഒരു അട്ടിമറിവിജയംപോലും നേടിയേക്കാം. ഈ അവസ്ഥയിൽതന്നെ അവിടെ ഏറ്റവും വലിയ നേട്ടം കൊയ്ത വ്യക്തി സായ് ആണ്.

കിടിലൻ ഫിറോസ് ആദ്യത്തെ 50 ദിവസങ്ങൾ ഉണ്ടും ഉറങ്ങിയും ടിക്കറ്റ് എടുക്കാതെ ബി ബി വീട്ടിലെ കാഴ്‌ചകൾ നേരിൽ കണ്ടുകഴിയുകയായിരുന്നു.
എന്നാൽ പൊളി ഫിറോസിന്റെ ആക്രമണങ്ങൾ സഹിക്കവയ്യാതെ കിടിലൻ അയാളെ നിർത്തിപ്പൊരിക്കുന്ന കാഴ്ച കണ്ട് പ്രേക്ഷകർപോലും ഞെട്ടിപ്പോയിരുന്നു.
അന്നായിരുന്നു കിടിലത്തിന്റെ കിടിലൻമുഖം വെളിപ്പെട്ടത്. താൻ നല്ലൊരു പോരാളിയാണെന്നും അതോടെ അയാൾ തെളിയിച്ചു.
ബുദ്ധിയും വാക്ചാതുര്യവും സാമർത്ഥ്യവും ഉണ്ടെങ്കിലും ബിബി ഹൗസിൽ വന്ന് അധികം താമസിയാതെ ഒരു ഗ്രൂപ്പ് ഉണ്ടാക്കി കുതന്ത്രങ്ങൾ മെനയുകയും തന്റെ ഗ്രൂപ്പിൽ കൂടെക്കൂടിയവരുടെ ഉള്ളിൽ മികച്ച എതിരാളികൾക്കെതിരെ വിഷം കയറ്റുകയും ചെയ്യുന്ന വ്യക്തിയെന്ന നിലയിൽ തികച്ചും പരിഹാസ്യനായി തീർന്ന് ധാരാളം പ്രേക്ഷരുടെ ഉള്ളിൽ വെറുക്കപ്പെട്ടവനായി മാറി, കിടിലൻ ഫിറോസ്.

തനിക്ക് മത്സരിച്ചു തോൽപ്പിക്കാൻ കഴിയാത്തവരെ പിന്നിൽ നിന്നുവെട്ടുക എന്ന വൃത്തികെട്ട കുതന്ത്രക്കളി പയറ്റിത്തുടങ്ങിയതോടെ
അയാളുടെ ഗ്രാഫ് കുത്തനെ താഴേക്ക് വന്നു.
അതിനായി അയാൾ ഒരു one way പ്രണയത്തെപോലും തെറ്റായ രീതിയിൽ വ്യാഖ്യാനിച്ചുകൊണ്ട് കരുവാക്കിയത് അയാളുടെ പതനം ഉറപ്പിച്ചു.
അല്ലായിരുന്നെങ്കിൽ ബി ബി സീസൺ 3 വിജയി ആകുമെന്ന് മനസ്സിൽ കണ്ടിരുന്ന വ്യക്തിയായിരുന്നു അയാൾ . അത്രയും മികവും കഴിവും അയാളിൽ ഉണ്ടായിരുന്നു. മാനസികബലവും ധൈര്യവും ആവശ്യത്തിലധികം ഉണ്ടായിരുന്നു . ഇനി പറഞ്ഞിട്ടു കാര്യമില്ലല്ലോ.
എതിരാളിയെന്നു കാണുന്നവരെ മാനസികമായി തളർത്തുന്ന ആരോപണങ്ങൾ ഉയർത്തുന്ന അയാളുടെ ആക്രമണരീതി പ്രേക്ഷകർ വെറുക്കുമെന്ന് മനസ്സിലാക്കാതെ പോയതാണ് അയാളുടെ തോൽവി. ഹൃദയത്തിൽ ഒന്നു വെച്ച് ചിരിച്ചുകൊണ്ട് മറ്റൊന്ന് പറയുന്ന ഒരു ദാദാ കുറുക്കൻ ബുദ്ധിയുടെ ഉടമകൂടിയയാണ് കിടിലൻ ഫിറോസ് എന്നത് പ്രേക്ഷകരെ ഞെട്ടിക്കുകയും ചെയ്തു.
അങ്ങനെ തെറ്റായ ഗെയിം തന്ത്രങ്ങളിലൂടെ ഈ സീസണിൽ ഏറ്റവും വലിയ തകർച്ച നേരിട്ട വ്യക്തി കിടിലൻ ഫൊറോസ്തന്നെ.

നല്ല പോരാട്ടവീര്യവും ജയിക്കണം എന്നുള്ള ദൃഢനിശ്ചയവും കൈമുതലായുള്ള ഏറ്റവും പ്രായം കുറഞ്ഞ മത്സരാർത്ഥിയെന്ന നിലയിൽ ബി ബി മലയാളം സീസൺ 3 ൽ റംസാൻ ശ്രദ്ധേയനായിരുന്നു. അയാളുടെ കിടിലൻ dance performance കണ്ട് കേരളമാകെ ഞെട്ടുക മാത്രമല്ല, മുമ്പ് കോരിത്തരിച്ചിരുന്നിട്ടുമുണ്ട്.
വളരെ ചെറുപ്പത്തിൽ ഉന്നതമായ സ്റ്റാർ പദവി നേടിയ റംസാനിൽ നിന്ന് ഉണ്ടായ ചില സംസാരങ്ങളും തെറ്റായ രീതിയിൽ അവൻ മനസ്സിലാക്കി ബിബി ഹൗസിലേക്ക് കൊണ്ടുവന്ന ഏറ്റുമുട്ടൽതന്ത്രവും കാണികളെ നിരാശയിൽ ആഴ്‌ത്തിയിരുന്നു.
തന്റെ അഹന്തയും സ്വാർത്ഥതയും അവിടെ പ്രായമുള്ളവരോട് ഉപയോഗിക്കുന്ന എടീ പോടീ എടാ പോടാ ഭാഷയും (ഋതുവിനോട് മാത്രമല്ല, അമ്മയുടെ പ്രായമുള്ള സന്ധ്യയോട് പോലും)
തന്റെ ജയത്തിനുവേണ്ടി ആരെയും തള്ളിപ്പറയാനുള്ള മടിയില്ലായ്മയും തന്നോടടുത്ത സ്ത്രീയുടെമേൽ കാട്ടുന്ന യജമാനമനോഭാവവും
എല്ലാവരോടുമുള്ള പുച്ഛഭാവവും ചെറുപ്പത്തിലെ അപ്രതീക്ഷിതമായി ഉന്നതി കൈവരിക്കുന്ന പലരെയും ഗ്രസിക്കുന്ന മൂല്യച്യുതിയാണ്.

മറ്റു മത്സരാർത്ഥികൾക്കു നേരെയുള്ള ശാരീരികാക്രമണവും offence ഉം ആണ് ബിബി കളികളുടെ വിജയത്തിന് ഉപയോഗിക്കേണ്ടത് എന്ന മിഥ്യാധാരണയോടെ ഗെയിം കളിച്ച റംസാനിൽ ഡാൻസ് മികവും ആക്രമണ സ്വഭാവവും അല്ലാതെ മറ്റൊന്നും അവിടെ കാണാൻ സാധിച്ചില്ല. ആരെയും കൂസാത്ത, എല്ലാവരോടും ഒരുതരം പുച്ഛഭാവം പുലർത്തുന്ന സ്വഭാവം തന്നെ വിജയത്തിൽ എത്തിക്കുമെന്ന് അയാൾ കരുതിയത് എങ്ങനെയാണെന്ന് അറിയില്ല. ഒരു ടാസ്കിലും ആക്ടിവിറ്റിയിലും അയാൾ മാന്യമായ പ്രകടനം കാട്ടിയിട്ടില്ല എന്നതും പ്രത്യേകം പറയേണ്ടിയിരിക്കുന്നു.
എപ്പോഴും ഏതെങ്കിലും ഒരു ഗ്രൂപ്പിൽകൂടി സ്വന്ത ഇമേജ് നശിപ്പിച്ചുകൊണ്ടിരുന്നെങ്കിലും തന്നെക്കാൾ മികച്ചൊരു മത്സരാർത്ഥി അവിടെയില്ല എന്ന ഭാവം തലക്കു പിടിച്ചത് അയാളുടെ വീഴ്ചക്ക് ആക്കം കൂട്ടി.ആരോടും യാതൊരുവിധ ആത്മാർത്ഥതയും കാട്ടിയിട്ടില്ല എന്നത് അഹങ്കാരം തലയ്ക്ക് പിടിച്ചിരിക്കുന്നതിന്റെ ലക്ഷണം അല്ലാതെന്താണ്?
ബുദ്ധിപരമായ ഒരു പ്രകടനം അയാളിൽ കണ്ടിട്ടില്ല എന്നതും ഇവിടെ പ്രസ്താവയോഗ്യം ആകുന്നു.
ഒരു സ്റ്റാർ ആയി വന്ന് ഈ സീസണിൽ ഏറ്റവും വലിയ നഷ്ടം കൊയ്ത വ്യക്തി റംസാൻതന്നെ.

6.. അനൂപ്:

നല്ല ആത്മാർത്ഥതയും മൽസരബുദ്ധിയുമുള്ള വ്യക്തിയാണ് അനൂപെങ്കിലും ഇതുവരെയുള്ള പ്രകടനങ്ങൾ വെച്ചു നോക്കിയാൽ ബിബി ഷോയിൽ ഫൈനൽ വിജയം നേടാനുള്ള മികവ് കാട്ടിയിട്ടില്ല. ആൾ മിടുക്കനും മാന്യനുംതന്നെ. എങ്കിലും ഇതുപോലെയുള്ള ഷോകളിൽ പ്രേക്ഷകമനസ്സിൽ കടന്നു കൂടാൻ കൂടുതൽ ഊർജ്ജസ്വലത കാട്ടേണ്ടിയിരുന്നു എന്നത് അയാൾ മനസ്സിലാക്കാതെ പോയത് ഒരു കുറവ് ആയി കണക്കാക്കണം.

7..ഋതു മന്ത്ര:

50 ദിവസംവരെ റംസാന്റെ പുറകെ നടന്ന് പ്രയോജനരഹിതമായി ദിവസങ്ങൾ തള്ളിനീക്കിയിരുന്നില്ലെങ്കിൽ ഇപ്പോഴുള്ളതിലും മികച്ചൊരു സ്ഥാനം ഋതുവിനു അവിടെ കിട്ടുമായിരുന്നു എന്ന് പിന്നീടുള്ള അവരുടെ പ്രകടനങ്ങൾ കണ്ടപ്പോൾ തോന്നിയിരുന്നു. അവസാന ആഴ്ചകളിൽ മികച്ച പോരാട്ടം ആണ് അവർ നടത്തിയത്. നല്ല ധൈര്യശാലിയും കഴിവുള്ളവളും ആണ് താനെന്ന് അവർ തെളിയിച്ചും കഴിഞ്ഞു.
അതോടെ റേറ്റിംഗിൽ വലിയ മുന്നേറ്റം ഉണ്ടാക്കി. എങ്കിലും ബിബി വിജയിയാകുന്നത് അസാദ്ധ്യം ആണെന്ന് അവർ മനസ്സിലാക്കിയതായി തോന്നുന്നു.

വെറുതെ തിന്നും കിടിച്ചും ബിബി വീട്ടിലൊരു കാഴ്ചക്കാരനായി കഴിഞ്ഞത് നോബിയുടെ ഇമേജിനെ വല്ലാതെ ബാധിച്ചതായി കാണുന്നു.
ആരെയും പിണക്കാതെ നടന്ന് പല ആഴ്ചകളും നോമിനേഷനിൽ നിന്ന് രക്ഷപ്പെട്ടത് അയാളുടെ കഴിവ് തന്നെയാണ്.
ഫൈനൽ 5 ൽ കടക്കാനുള്ള യോഗ്യത ഒട്ടുമില്ലെങ്കിലും അവിടെവരെ എത്തിയത് വെറും ഭാഗ്യം എന്നേ പറയുന്നുള്ളൂ.
മത്സരിക്കാൻ വന്നയാൾ മത്സരിച്ചു ജയിക്കാൻ ശ്രമിക്കണം. ആ ഉത്സാഹം ഇല്ലാതെ പോയതാണ് അയാളുടെ പോരായ്മ. ഇതുപോലെയുള്ള ഷോകളിൽ പങ്കെടുത്ത് പ്രേക്ഷകരുടെ ഇഷ്ടക്കേട് വാങ്ങിക്കൂട്ടുന്നതിലും ഭേദം ഒരു കലാകാരൻ വീട്ടിൽ ഇരിക്കുന്നതായിരുന്നില്ലേ എന്നും അയാളുടെ അവിടുത്തെ തണുപ്പൻ രീതികൾ കണ്ടപ്പോൾ തോന്നിപ്പോയി.
ഇനിയും ഏതാനും ദിവസങ്ങൾക്കകം വിജയി ആരെന്ന് അറിയാൻ സാധിക്കും. അതുവരെ കാത്തിരിക്കുകതന്നെ
എങ്കിലും ചോദിക്കട്ടെ, നിങ്ങളുടെ മനസ്സിലെ ബിഗ് ബോസ് malayalam season 3 വിജയി ആരാണ്?

English summary

Bigg Boss Malayalam Season 3: Dimpal bhal or manikkuttan may get bigg boss title fan write up goes viral