ജൂഡ് ആന്റണിയ്ക്കും 'അസഹിഷ്ണുതയോ' ? ഫേസ്ബുക്കില്‍ തന്തയ്ക്ക് വിളിയ്ക്കാമോ?

Published: Thursday, November 26, 2015, 15:06 [IST]

ഇപ്പോള്‍ അസഹിഷ്ണുതയാണ് ചര്‍ച്ച. രാജ്യത്ത് അസഹിഷ്ണുത വളരുന്നുവെന്ന് ആമിര്‍ ഖാന്‍. രാജ്യം വിടുന്നതിനെ കുറിച്ച് ഭാര്യ ചോദിച്ചുവെന്നും അദ്ദേഹം പറഞ്ഞു. അതോടെ സഹിഷ്ണുതയായി ഇന്ത്യയിലെ പ്രധാന പ്രശ്‌നം.

ഈ സഹിഷ്ണുത എന്ന് പറയുന്ന സാധനം എല്ലാവര്‍ക്കും വേണ്ടതാണ്. അതിപ്പോള്‍ സിനിമാക്കാരാണെങ്കിലും രാഷ്ട്രീയക്കാരാണെങ്കിലും. സെലിബ്രിറ്റികള്‍ പ്രതികരിയ്ക്കുമ്പോള്‍ ശ്രദ്ധിച്ചില്ലെങ്കില്‍ ചിലപ്പോള്‍ പണികിട്ടും

ഫേസ്ബുക്കില്‍ തന്നെ വിമര്‍ശിച്ച ആളെ സംവിധായകന്‍ ജൂഡ് ആന്റണി 'തന്തയ്ക്ക്' വിളിച്ചു എന്നാണ് മംഗളം റിപ്പോര്‍ട്ട് ചെയ്യുന്നത്.

എന്താണ് ഡൂഡ്... സോറി ജൂഡ്

ഫേസ്ബുക്കിലെ ഒരു ഭീഷണിയ്ക്കാണ് ജൂഡ് ആന്റണി ചൂടന്‍ മറുപടി കൊടുത്തത്. ഫേസ്ബുക്കിലെ കമന്റില്‍ വരുന്ന ഭീഷണിയൊക്കെ കാര്യമാക്കിയെടുക്കാമോ ജൂഡേ എന്ന് ചോദിയ്ക്കുന്നവരുണ്ട്.

കല്ലെറിയും

ഷൂട്ടിങ് സെറ്റിലെത്തി കല്ലെറിയുമെന്ന് ഒരാള്‍ ഫേസ്ബുക്കില്‍ ഭീഷണിപ്പെടുത്തിയെന്നാണ് മംഗളം വാര്‍ത്ത. ഇദ്ദേഹത്തിനാണ് ജൂഡിന്റെ മറുപടി കിട്ടിയതത്രെ.

വ്യാജനാണ്

ഫേക്ക് ഐഡിയിലുള്ള ആളാണ് ജൂഡിനെ ഭീഷണിപ്പെടുത്തിയത് എന്നാണ് മംഗളത്തിലെ വാര്‍ത്ത. ഈ ഫേസ്ബുക്ക് പോസ്റ്റും കമന്റും കണ്ടെടുക്കാനായില്ല.

ഇതാണ് ഭീഷണി

താങ്കളുടെ സിനിമ ഷൂട്ടിങ് തുടങ്ങിയാല്‍ നുമ്മ വന്ന് കല്ലെറിയും. താങ്കളുടെ ദളിത് വിരുദ്ധതയക്കുള്ള നല്ല സമ്മാനം- ഇതായിരുന്നത്രെ ആ കമന്റ്.

തന്തയ്ക്ക് വിളി

നീ തന്തയ്ക്ക് പിറന്നവന്‍ ആണേല്‍ ആദ്യം ഒരു റിയല്‍ ഫേസ്ബുക്ക് ഐഡി ഉണ്ടാക്ക്. എന്നിട്ട് ലൊക്കേഷനില്‍ വാ... അശരീരിയ്ക്ക് ഉണ്ടായവനേ- ഇതായിരുന്നു ജൂഡ് നല്‍കിയ മറുപടിയെന്നാണ് മംഗളം റിപ്പോര്‍ട്ട് ചെയ്യുന്നത്.

അച്ഛന് വിളി പതിവാണോ

ജൂഡ് ആന്റണിയുടെ കാര്യത്തില്‍ ഈ 'തന്തയ്ക്ക് വിളി' ഒരു പതിവ് സംഭവം ആണോ എന്നാണ് ചിലര്‍ ചോദിയ്ക്കുന്നത്. റാണി പത്മിനിയുമായി ബന്ധപ്പെട്ട പോസ്റ്റിലും ഇത്തരം ഒരു പ്രശ്‌നം ഉണ്ടായിരുന്നത്രെ.

ചൂടാകാന്‍

ഫേസ്ബുക്കിലെ കമന്റുകളോട് സാധാരണ എല്ലാ സെലിബ്രിറ്റികളും പ്രതികരിയ്ക്കാറില്ല. എന്നാല്‍ ജൂഡ് അങ്ങനെയല്ല. കുത്തിയിരുന്ന് മറുപടി കൊടുക്കും. ചിലപ്പോള്‍ ചൂടാവുകയും ചെയ്യും.