കുട്ടികള്‍ ലൈംഗികത ആസ്വദിക്കുന്നു എന്ന സന്ദേശം; നടി കനി കുസൃതിയുടെ ഫേസ്ബുക്ക് പൂട്ടി, തുറന്നു

By Rohini

Updated: Wednesday, December 14, 2016, 13:04 [IST]

സോഷ്യല്‍ മീഡിയയില്‍ ശ്രദ്ധിക്കപ്പെട്ട മെമ്മറീസ് ഓഫ് എ മെഷിന്‍ എന്ന ഹ്രസ്വ ചിത്രത്തില്‍ അഭിനയിച്ച നായിക കനി കൃസൃതിയുടെ ഫേസ്ബുക്ക് മാസ് റിപ്പോര്‍ട്ടിങിനെ തുടര്‍ന്ന് പൂട്ടി. മണിക്കൂറുകള്‍ക്കകം തിരിച്ചെത്തുകയും ചെയ്തു.

രതിമൂര്‍ച്ചയെ കുറിച്ചും സ്വയംഭോഗത്തെ കുറിച്ചും ഒരു പെണ്ണ് സംസാരിക്കുന്നു; വീഡിയോ കാണൂ

കുട്ടികള്‍ ലൈംഗികത ആസ്വദിയ്ക്കുന്നു എന്ന രീതിയിലാണ് ഷൈലജ പടിന്തല മെമ്മറീസ് ഓഫ് എ മെഷിന്‍ എന്ന ഹ്രസ്വ ചിത്രം ഒരുക്കിയിരിയ്ക്കുന്നത്. സ്‌കൂള്‍ പഠന കാലത്ത് തനിക്കുണ്ടായ ഒരു ലൈംഗികാനുഭവം ഒരു സ്ത്രീ സ്വകാര്യമായ ഇടത്ത് തന്റെ പങ്കാളിയോട് തുറന്നുപറയുന്നതാണ് ചിത്രത്തിന്റെ ഉള്ളടക്കം.

വിമര്‍ശനങ്ങള്‍ വന്നു

എന്നാല്‍ കുട്ടികളോടുള്ള ലൈംഗികാതിക്രമത്തെ ന്യായീകരിക്കുന്നതാണ് ചിത്രത്തിന്റെ ഉള്ളടക്കമെന്ന വിലയിരുത്തലാണ് സോഷ്യല്‍ മീഡിയയില്‍ ഭൂരിപക്ഷവും ഉയര്‍ത്തിയത്. ചിത്രം പീഡോഫീലിയയെ ന്യായീകരിക്കുന്നതാണെന്നും ഇതിനെ ഒരു ഹ്രസ്വചിത്രമെന്ന് വിളിക്കാമോ എന്ന് സംശയമുണ്ടെന്നുമൊക്കെ സോഷ്യല്‍ മീഡിയയില്‍ പല നിരൂപകരും അഭിപ്രായപ്പെട്ടു.

കനിയുടെ അനുഭവമോ

ഹ്രസ്വ ചിത്രത്തില്‍ അഭിനയിച്ച കനി കുസൃതിയുടെ സ്വകാര്യാനുഭവമാണ് എന്ന തരത്തിലും പലരും ചിത്രത്തെ സമീപിച്ചു. തുടര്‍ന്നാണ് മാസ്‌റിപ്പോര്‍ട്ടിങ് വന്നതും കനി കുസൃതിയുടെ ഫേസ്ബുക്ക് പേജ് പൂട്ടിച്ചതും.

സംവിധായിക പറയുന്നത്

ഈ ചിത്രം യഥാര്‍ഥാനുഭവത്തെ അധികരിച്ചുള്ള ഒരു കല്‍പ്പിത കഥയാണെന്നും കനിയുടെ അനുഭവമല്ല എന്നും സംവിധായിക ഷൈലജ പറഞ്ഞു. കനി ഒരു നടി മാത്രമാണ്. ബാലപീഡനത്തെയോ പീഡോഫീലിയയെയോ ന്യായീകരിക്കുന്നില്ല ഞാന്‍. മനുഷ്യന് നേരെയുള്ള ഒരുതരത്തിലുള്ള ഹാനിയയെയും ഞാന്‍ ന്യായീകരിക്കുന്നില്ല. സദാചാരപരമായ ശരിതെറ്റുകള്‍ നോക്കി ഒരു കഥ പറയുമ്പോള്‍ അതിന്റെ ഉദ്ദേശ്യം തന്നെ നഷ്ടപ്പെടുന്നതുപോലെ തോന്നിയിട്ടുണ്ട്. മൃഗീയമായി സത്യസന്ധമായ (Brutally Honest) സിനിമകളാണ് എന്റെ ലക്ഷ്യം- ഷൈലജ പടിന്തല പറഞ്ഞു.

മെമ്മറീസ് ഓഫ് എ മെഷിന്‍

2016 ന്റെ തുടക്കത്തില്‍ പുറത്തിറങ്ങിയ മെമ്മറീസ് ഓഫ് എ മെഷിന്‍ യൂട്യൂബില്‍ റിലീസ് ചെയ്തത് നവംബര്‍ 20 നാണ്. 9 മിനിട്ട് 46 സെക്കന്റ് ദൈര്‍ഘ്യമുള്ള ചിത്രം ഇതിനോടകം അഞ്ച് ലക്ഷത്തിലധികം ആളുകള്‍ കണ്ടു കഴിഞ്ഞു.