ഗിന്നസ് റെക്കോര്‍ഡിന് വേണ്ടി റിഷി എന്തും ചെയ്യും... എങ്കിലും 74ാം വയസ്സില്‍ ഇത്രയ്ക്കും സാഹസം വേണോ..

ഗിന്നസ് ബുക്ക് റെക്കോര്‍ഡ് കരസ്ഥമാക്കുന്നതിന് വേണ്ടി റിഷി(74) എന്തും ചെയ്യും. ജീവിതത്തിലെ പ്രധാന ലക്ഷ്യം തന്നെ ഗിന്നസ് റെക്കോര്‍ഡുകള്‍ സ്വന്തമാക്കുക എന്നതാണ്. ശരീരത്തില്‍ 366 ടാറ്റുകള്‍ കുത്തിയായിരുന്നു റിഷി ലോക റെക്കോര്‍ഡുകളില്‍ ശ്രദ്ധിക്കപ്പെട്ടത്.

അടുത്ത ലക്ഷ്യത്തിന് വേണ്ടി ചെയ്തത് ഇത്തിരി കടുംകൈ ആയിപ്പോയി. 74ാം വയസ്സില്‍ പല്ലുകള്‍ കൊഴിയുന്നത് സര്‍വ്വസാധാരണമാണ്. എന്നാല്‍ വായിലെ മൊത്തം പല്ലുകളും അടുത്ത റെക്കോര്‍ഡ് ലക്ഷ്യത്തിന് വേണ്ടി റിഷി പറിച്ചുമാറ്റി. 500 സ്‌ട്രോയും 50 കത്തുന്ന മെഴുകുതിരികളും വായില്‍ കടത്തുകയാണ് ലക്ഷ്യം.

നിലവില്‍ 20 ഗിന്നസ് റെക്കോര്‍ഡുകള്‍ കരസ്ഥമാക്കിയ ഇയാളുടെ പേര് ഗിന്നസ് റിഷി എന്നാണ്. 1990 ലായിരുന്നു 1001 മണിക്കൂര്‍ തുടര്‍ച്ചയായി ബൈക്ക് ഓടിച്ച് ഗിന്നസ് റെക്കോര്‍ഡ് നേടിയത്. പിന്നീട് റെക്കോര്‍ഡുകള്‍ നേടുക ഹരമായി തീര്‍ന്നു. ദില്ലിയില്‍ നിന്നും സാന്‍ഫ്രാന്‍സിസ്‌കോയിലേക്ക് പിസ ഡെലിവറി ചെയ്യുക എന്നിങ്ങനെ വിചിത്രമായ ഗിന്നസ് റെക്കോര്‍ഡുകള്‍ ലഭിച്ചു.

വായില്‍ സ്‌ട്രോകള്‍ കടത്തുന്നതിന് കൂടുതല്‍ സ്ഥലത്തിന് വേണ്ടിയാണ് പല്ലുകള്‍ നീക്കം ചെയ്തതെന്ന് റിഷി മാധ്യമങ്ങളോട് പറഞ്ഞു. റിഷിയുടെ ശരീരത്തില്‍ ഇപ്പോള്‍ ഗാന്ധിജി മുതല്‍ പ്രധാനമന്ത്രി മോദി വരെയുള്ളവരുടെ ടാറ്റുകള്‍ പതിച്ചിട്ടുണ്ട്.

English summary

A man obsessed with setting Guinness world records got 366 flags tattooed on his body and had all his teeth removed so he could put nearly 500 drinking straws and more than 50 burning candles in his mouth.