ആലുവയിലെ ജയിലില്‍ നിന്നാണോ മഞ്ജു വാര്യര്‍ അത് പഠിച്ചെടുത്തത്?മഞ്ജു മതം മാറുന്നോ?ഒളിയമ്പുകള്‍ ഒഴിയാതെ

സൈറ ബാനു മികച്ച അഭിപ്രായം നേടുന്നു, മാധവിക്കുട്ടിയെ കുറിച്ചുള്ള കമലിന്റെ സിനിമയുടെ ചിത്രീകരണം തുടങ്ങുന്നു... മഞ്ജു വാര്യർക്കിത് നല്ല കാലമാണ്. എന്നാൽ സോഷ്യൽ മീഡിയയിൽ മഞ്ജുവിനെ കറിച്ച് പലരും പലതാണ് പറയുന്നത്.

ദിലീപുമായി വിവാഹ ബന്ധം വേർപെടുത്തിയപ്പോൾ വെട്ടുകിളികളെ പോലെ ഒന്നടങ്കം വന്ന ആക്രമമിച്ചവർ ഇപ്പോൾ മഞ്ജുവിന്റെ ഭാ​ഗത്താണ്. ദിലീപ്-കാവ്യ വിവാഹത്തിന് ശേഷം ആയിരുന്നു അത്.

കഴിഞ്ഞ രണ്ട് ദിവസമായി മഞ്ജു വാര്യരുടെ ഫേസ്ബുക്ക് പേജിന്റെ എൻ​ഗേജ്മെന്റ് കണ്ടാൽ ഏത് സെലിബ്രിറ്റിയും അന്തംവിട്ട് പോകും. അങ്ങനെയാണ് അവരുടെ പോസ്റ്റുകൾക്ക് ലഭിക്കുന്ന പ്രതികരണം.

സൈറ ബാനുവിനെ കുറിച്ച്

സൈറ ബാനുവിനെ കുറിച്ച് നല്ല അഭിപ്രായമാണ് പുറത്ത് വരുന്നത്. കഴിഞ്ഞ ദിവസം ബി ഉണ്ണികൃഷ്ണൻ എഴുതിയ കുറിപ്പ് മഞ്ജു ഫേസ്ബുക്കിൽ ഷെയർ ചെയ്തിരുന്നു.

മഞ്ജുവിന്റെ ഇം​ഗ്ലീഷ്

ഇന്ത്യ ടുഡേ കോൺക്ലേവ്- സൗത്തിൽ മഞ്ജു വാര്യരുടെ ഇം​ഗ്ലീഷ് കേട്ട് അതിശയിച്ചപോയി എന്നാണ് ആ പോസ്റ്റിന് താഴെ ഒരാൾ കമന്റ് ആയി എഴുതിയിരിക്കുന്നത്. മഞ്ജു ഞെട്ടിപ്പ് കളഞ്ഞത്രെ.

മഞ്ജുവിന്റെ ക്യൂൻസ് ഇം​ഗ്ലീഷ്

ഇത്ര വൃത്തിയായി ക്യൂൻസ് ഇം​ഗ്ലീഷ് പറയാൻ എവിടെ നിന്ന് പഠിച്ചു എന്നാണ് ചോദ്യം. കോഴിക്കോട് നടന്ന ഡിസി ബക്സ് ലിറ്ററേച്ചർ ഫെസ്റ്റിവലിലം മഞ്ജു വാര്യരുടെ ഇം​ഗ്ലീഷ് പ്രാവീണ്യം പ്രശംസിക്കപ്പെട്ടിരുന്നു.

ആലുവ ജയിലിൽ വച്ചോ?

ആലുവ ജയിലിൽ ആയിരുന്ന സമയത്ത് തപാലിൽ സ്പോക്കൺ ഇം​ഗ്ലീഷ് പഠിച്ചിരുന്നോ? അതോ ആരും അറിയാതെ ഓസ്ട്രേലിയയ്ക്ക് പോയിരുന്നോ എന്നാണ് ചോദ്യം.

മഞ്ജു മതംമാറുന്നോ?

ആമിയുടെ ചിത്രീകരണം സംബന്ധിച്ച പോസ്റ്റിന് താഴെ ആണ് ഇങ്ങനെ ഒര ചോദ്യം. മഞ്ജു മതം മാറുന്നോ എന്ന്. വലിയ വലിയ ഓഫർ കിട്ടിയാൽ മാത്രം മതി അതൊക്കെ എന്നാണ് ഉപദേശം. കമല സുരയ്യക്ക് പറ്റിയ തെറ്റ് മഞ്ജുവിന് പറ്റരുതെന്നും ഉപദേശിക്കുന്നുണ്ട്.

സൈറബാനുവിന്റെ പോസ്റ്റർ

സൈറ ബാനുവിന്റെ ആദ്യ പോസ്റ്റർ പുറത്തിറങ്ങിയപ്പോൾ ഇങ്ങനെ ചില പ്രചാരണങ്ങൾ നടന്നിരുന്നു. തട്ടമിട്ട മഞ്ജു വാര്യരുടെ ചിത്രം വച്ച് മതം മാറിയെന്ന രീതിയിൽ പലരും പ്രചരിപ്പിച്ചിരുന്നു.

ആമി ആയി, ആമിനയായി

ആമിയായി, ആമിനയായി ഒടുവിൽ ആവിയായിപ്പോകരുതേ എന്നാണ് ഒരാളുടെ ഉപദേശം. മഞ്ജ വാര്യർ കമലിന്റെ ചിത്രത്തിൽ അഭിനയിക്കുന്നതിനെതിരെ പല ഹിന്ദു ​ഗ്രൂപ്പുകളും രം​ഗത്ത് വന്നിരുന്നു.

പ്രതികരണം കണ്ടാൽ ഞെട്ടും

ആമിയെ കുറിച്ച് മഞ്ജു വാര്യർ ഫേസ്ബുക്കിൽ കുറിപ്പിട്ടത് മാർച്ച് 24 ന് ച്ചയ്ക്ക് 12 മണിയോടെയാണ്. മൂന്ന് മണിക്കൂറിനുള്ളിൽ ആ പോസ്റ്റിന് ലഭിച്ചത് പതിനാറായിരത്തിലധികം ലൈക്കുകളാണ്. ആയിരത്തിലധികം പേർ അത് ഷെയൽ ചെയ്യുകയം ചെയ്തു.

കമന്റുകൾ കണ്ടാൽ

ഈ സമയത്തിനുള്ളിൽ കമന്റുകളുടെ എണ്ണവും ആയിരം കവിഞ്ഞു എന്നതാണ് ഞെട്ടിപ്പിക്കുന്നത്. അതിൽ ഭൂരിപക്ഷവും മഞ്ജുവിന് ആശംകൾ അർപിച്ചുകൊണ്ടുള്ളതാണ്.

കുറ്റം പറയാനും

മഞ്ജു വാര്യർ മാധവിക്കുട്ടിയുടെ വേഷം അവതരിപ്പിക്കുന്നതിനെ എതിർക്കുന്നവരും കുറവല്ല. മാധവിക്കുട്ടിയെ അവതരിപ്പിക്കുന്ന എന്നതിനപ്പുറം കമലിന്റെ സിനിമയിൽ അഭിനയിക്കുന്നു എന്നതാണ് പലരേയും ചൊടിപ്പിക്കുന്നത്.

English summary

Response to Manju Wrriers Facebook post is surprising