'ഇടതുവിരുദ്ധ സെലിബ്രിറ്റികള്' തോറ്റമ്പിയ തിരഞ്ഞെടുപ്പ്... ആരൊക്കെ തോറ്റു?
തിരഞ്ഞെടുപ്പാകുമ്പോള് സെലിബ്രിറ്റികളെ രംഗത്തിറക്കുന്ന പരിപാടി നമ്മുടെ നാട്ടില് ഇപ്പോഴാണ് കൂടുതല് പ്രചാരം നേടുന്നത്. പണ്ടൊക്കെ തമിഴ്നാട്ടിലും ആന്ധ്രയിലും ഒക്കെയായിരുന്നു ഈ പരിപാടി.
തമിഴകത്തും തെലുങ്ക് നാട്ടിലും ക്ലച്ച് പിടിച്ച ആ പരിപാടി പക്ഷേ നമ്മുടെ നാട്ടില് ഇതുവരെ കാര്യമായി ക്ലിക്ക് ആയിട്ടില്ല. ഇത്തവണത്തെ തദ്ദേശ തിരഞ്ഞെടുപ്പ് ഫലങ്ങളും നല്കുന്നത് ആ സൂചന തന്നെ.
മത്സരിയ്ക്കാന് കച്ചകെട്ടിയിറങ്ങിയ താരങ്ങളില് മിക്കവരും കാലിടറി വീണു. അതില് ഭൂരിപക്ഷവും ഇടതുവിരുദ്ധ സ്ഥാനാര്ത്ഥികളായിരുന്നു എന്നതാണ് രസകരം. ഇടതുപക്ഷത്തിന് വേണ്ടി മത്സരിച്ച ഒരാള് ജയിക്കുകയും ചെയ്തു.
സെലിബ്രിറ്റി തിരഞ്ഞെടുപ്പ്
തദ്ദേശ തിരഞ്ഞെടുപ്പില് പതിവിന് വിപരീതമായി സെലിബ്രിറ്റികള് ഏറെയാണ് മത്സരരംഗത്തുണ്ടായിരുന്നത്. തങ്ങളുടെ പ്രശസ്തി വോട്ടായി മാറുമെന്ന പ്രതീക്ഷയിലാണ് പലരും രംഗത്തിറങ്ങിയത്. എന്നാല് മിക്കവര്ക്കും തുടക്കത്തിലേ കാലിടറി
വീണ എസ് നായര്
ടെലിവിഷന് അവതാരകയായ വീണ എസ് നായര് തിരുവനന്തപുരം കോര്പ്പറേഷനില് ശാസ്തമംഗലത്ത് നിന്നുള്ള കോണ്ഗ്രസ് സ്ഥാനാര്ത്ഥിയായിരുന്നു. ശശി തരൂര് അടക്കമുള്ള പ്രമുഖര് നേരിട്ട് രംഗത്തിറങ്ങിയിട്ടും വീണയ്ക്ക് തോല്ക്കാനായിരുന്നു വിധി. സിപിഎം സ്ഥാനാര്ത്ഥി ബിന്ദു ശ്രീകുമാറാണ് വീണയെ തോല്പിച്ചത്.
അലി അക്ബര്
സംവിധായകന് അലി അക്ബര് ഇത്തവണയും മത്സര രംഗത്തുണ്ടായിരുന്നു. കഴിഞ്ഞ ലോക്സഭ തിരഞ്ഞെടുപ്പില് ആം ആദ്മി സ്ഥാനാര്ത്ഥിയായി വടകരയില് മത്സരിച്ച ആളാണ് അലി അക്ബര്. ഇത്തവണ ബിജെപി സ്ഥാനാര്ത്ഥിയായി കോഴിക്കോട് കോര്പ്പറേഷനിലാണ് മത്സരിച്ചത്. കിട്ടിയത് വെറും 396 വോട്ടുകള് മാത്രം.
സോണിയ ജോസ്
സിനിമ-സീരിയല് താരമായ സോണിയ ജോസ് ശിവസേനയുടെ സ്ഥാനാര്ത്ഥിയായാണ് രംഗത്തിറങ്ങിയത്. കോട്ടംകാരിയാണെങ്കിലും കൊച്ചി കോര്പ്പറേഷനിലേയ്ക്കാണ് മത്സരിച്ചത്. 33 വോട്ടുകൊണ്ട് തൃപ്തിപ്പെടേണ്ടിവന്നു.
മമ്മി സെഞ്ച്വറി
സിനിമ നിര്മാതാവായ മമ്മി സെഞ്ച്വറിയായിരുന്നു മറ്റൊരു സെലിബ്രിറ്റി സ്ഥാനാര്ത്ഥി. ഇടതുമുന്നണിയ്ക്ക് വേണ്ടി എന്സിപി സ്ഥാനാര്ത്ഥിയായിട്ടായിരുന്നു മത്സരിച്ചത്. പക്ഷേ യുഡിഎഫ് സ്ഥാനാര്ത്ഥിയ്ക്ക് മുന്നില് അടിയറവ് പറയേണ്ടിവന്നു.
ഹെന്ന മരിയ കെന്നഡി
കിസ്സ് ഓഫ് ലവ് സമരനായികയാണ് മോഡല് ആയ ഹെന്ന മരിയ കെന്നഡി. അന്ന് ആ സമരത്തിനെതിരെ രംഗത്ത് വന്നവരില് പ്രമുഖര് ബിജെപിക്കാര് ആയിരുന്നു. എന്നാല് ആ ബിജെപിയുടെ സ്ഥാനാര്ത്ഥിയായാണ് ഹെന്ന കളമശ്ശേരി നഗരസഭയിലേയ്ക്ക് മത്സരിച്ചത്. പക്ഷേ കിട്ടിയത് വെറും 47 വോട്ടുകള് മാത്രം.
ദലീമ
ഇടതുപക്ഷത്തിനാണ് സെലിബ്രിറ്റികളുടെ കാര്യത്തില് അല്പമെങ്കിലും അഭിമാനിയ്ക്കാവുന്നത്. മമ്മി സെഞ്ച്വറി തോറ്റെങ്കിലും ഗായികയായ ദലീമ വിജയിച്ചു. ആലപ്പുഴ ജില്ലാ പഞ്ചായത്തിലേയ്ക്കാണ് ദലീമ ഇടത് സ്ഥാനാര്ത്ഥിയായി ജയിച്ചുകയറിയത്.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google