നിയമസഭയില്‍ പോയി വായും പൊളിച്ചിരിക്കുമെന്ന് പിസി ജോര്‍ജ്, ഓഡിയോ വൈറല്‍!

By Desk

Updated: Saturday, May 21, 2016, 9:42 [IST]

നിയമസഭയില്‍ പോയി വായും പൊളിച്ചിരിക്കുമെന്ന് പൂഞ്ഞാറിന്റെ 'പ്രധാനമന്ത്രി' പി സി ജോര്‍ജ്. നിയമസഭയില്‍ പോയി എന്ത് ചെയ്യും എന്ന് ചോദിച്ച മാധ്യമപ്രവര്‍ത്തകനോടാണ് പി സി ജോര്‍ജ്ജ് ഈ മറുപടി പറഞ്ഞത്. പി സി ജോര്‍ജിന്റെ ഉരുളക്കുപ്പേരി പോലുള്ള മറുപടി വാട്‌സ് ആപ്പിലും സോഷ്യല്‍ നെറ്റ് വര്‍ക്കിംഗ് സൈറ്റുകളിലും വൈറലായിക്കൊണ്ടിരിക്കുകയാണ് ഇപ്പോള്‍.

27 കൊല്ലം എം എല്‍ എ ആയിരുന്ന തന്നോട് നിയമസഭയില്‍ പോയി എന്ത് ചെയ്യും എന്ന് ചോദിക്കുന്നത് നാണം കെട്ട ചോദ്യമാണ് എന്നും പി സി പറയുന്നുണ്ട്. ജയിക്കും എന്ന് ഉറപ്പായിരുന്നു. നോമിനേഷന്‍ കൊടുത്തപ്പോള്‍ മുതല്‍ ഇക്കാര്യം താന്‍ പറയുന്നതാണ്. ഇതിലും വലിയ വിജയമാണ് പ്രതീക്ഷിച്ചിരുന്നത് എന്നും പി സി ജോര്‍ജ് പറയുന്നതായി ഓഡിയോയില്‍ കേള്‍ക്കാം.