'സ്ത്രീകള്ക്ക് പത്രാസ് വരൂലേ വിനീത് ശ്രീനിവാസാ'; ഹൃദയത്തിലെ പാട്ടില് സ്ത്രീവിരുദ്ധതയെന്ന് രേവതി സമ്പത്ത്
കൊച്ചി: പ്രണവ് മോഹന്ലാലിനെ നായകനാക്കി വിനീത് ശ്രീനിവാസന് സംവിധാനം ചെയ്യുന്ന ഏറ്റവും പുതിയ ചിത്രമാണ് ഹൃദയം. ചിത്രത്തിലെ പാട്ടുകള് എല്ലാം തന്നെ ഇപ്പോള് ഹിറ്റായിരിക്കുകയാണ്. അണിയറ പ്രവര്ത്തകര് ആദ്യം പുറത്തിറക്കിയ ദര്ശന എന്ന പാട്ട് ഇതിനോടകം തന്നെ സോഷ്യല് മീഡിയയില് വൈറലായിരുന്നു. വലിയ അഭിനന്ദനങ്ങളാണ് ഈ പാട്ടിനെ തേടിയെത്തിയത്.
ഹൃദയത്തിലെ മറ്റൊരു ഗാനവും ദിവസങ്ങള്ക്ക് പുറത്തിറക്കിയിരുന്നു. 'പെണ്ണിന്റെ മൊഞ്ച് കണ്ടോക്ക്യ കണ്ടോക്ക്യ, ചെക്കന്റെ പത്രാസു കണ്ടോക്ക്യ കണ്ടോക്ക്യ' എന്ന ഗാനമായിരുന്നു അത്. സോഷ്യല് മീഡിയയില് അടക്കം വൈറലായ ഈ ഗാനത്തെ വിമര്ശിച്ച് രംഗത്തെത്തിയിരിക്കുകയാണ് നടി രേവതി സമ്പത്ത്.
പാട്ടിലെ സ്ത്രീവിുദ്ധത ചൂണ്ടിക്കാണിച്ചായിരുന്നു രേവതി സമ്പത്തിന്റെ വിമര്ശനം. സ്ത്രീകളെ സദാ നേരവും മൊഞ്ച്/ അഴക് / ചന്തം കണ്സെപ്റ്റില് ഒതുക്കുന്ന രീതിയൊക്കെ എടുത്തുകളയേണ്ടതുണ്ടെന്ന് രേവതി സമ്പത്ത് വിമര്ശിച്ചു. രേവതിയുടെ അഭിപ്രായത്തെ പിന്തുണച്ചും എതിര്ത്തും ഒട്ടേറെ പേര് രംഗത്തെത്തുന്നുണ്ട്. രേവതിയുടെ വാക്കുകളിലേക്ക്...
പെണ്ണിന്റെ മൊഞ്ച് കണ്ടോക്ക്യ കണ്ടോക്ക്യ ചെക്കന്റെ പത്രാസു കണ്ടോക്ക്യ കണ്ടോക്ക്യ. അതെന്താ വിനീത് ശ്രീനിവാസാ,
നമ്മള് സ്ത്രീകള്ക്ക് പത്രാസ്സ് വരൂലേ?? സ്ത്രീകളെ സദാ നേരവും മൊഞ്ച് / അഴക് / ചന്തം കണ്സെപ്റ്റില് ഒതുക്കുന്ന രീതിയൊക്കെ ഒന്നെടുത്തു കളയടേയ്...! നമ്മള് ഒക്കെ പത്രാസ്സില് ഡബിള് പിഎച്ച്ഡി ഉള്ളവരാടോ- രേവതി ഫേസ്ബുക്കില് കുറിച്ചു.
അതേസമയം, രേവതിയുടെ അഭിപ്രായത്തെ പിന്തുണച്ചും എതിര്ത്തും പോസ്റ്റിന് താഴെ കമന്റുകള് പ്രത്യക്ഷപ്പെടുന്നുണ്ട്. എല്ലാത്തിനും നെഗറ്റീവ് കണ്ടാല് അതിനെ നേരം കാണു. പാട്ടിനു അതിന്റെതായ രീതിയില് വിടുക എന്നാണ് ഒരാള് കമന്റായി കുറിച്ചത്. എന്നാല് വിടൂല എന്നാണ് രേവതി ഈ കമന്റിന് മറുപടിയായി നല്കിയത്.
സോഷ്യല് മീഡിയ അറ്റന്ഷന് സീക്കിംഗ്, ആരും ശ്രദ്ധിക്കാതിരിക്കുമ്പോള് ശ്രദ്ധ നേടാന് വേണ്ടി ഓരോരോ ചിന്താഗതി പോസ്റ്റുകള് എന്നാണ് ഒരാള് ഇതിനെ വിമര്ശിച്ചത്. ഇതിനൊക്കെ എന്തിനാണ് കറക്ടനെസ്, വിനീത് പോലും ഇതൊന്നും ആലോചിച്ച് കാണില്ലെന്ന് മറ്റൊരാള് കമന്റായി കുറിച്ചു.
പെണ്ണിനെറെ ചെഞ്ചുണ്ടില് പുഞ്ചിരി പൂത്തു .. അതെന്താ പെണ്ണിനെ പുഞ്ചിരിയില് ഒതുക്കാതെ സീരിയസ്സ് ആക്കിക്കൂടെ ... ഇതൊക്കെയാണ് ഫെമിനിസം എന്നാണ് ഒരോരുത്തരുടെ ധാരണ ... നിലപാടുള്ള ബാക്കിയുള്ള ഫെമിനിസ്റ്റുകളെ കൂടി പറയിപ്പിക്കാന് ഓരോന്നുമായി വന്നോളും എന്നാണ് മറ്റൊരാള് വിമര്ശിച്ച് പങ്കുവച്ച കമന്റ്. അതേസമയം, രേവതി സമ്പത്ത് ഫേസ്ബുക്കില് പങ്കുവച്ച പോസ്റ്റ് ഇപ്പോള് സോഷ്യല് മീഡിയയില് വൈറലാണ്.
അതേസമയം, കൊവിഡ് കേസുകള് ഉയരുന്ന പശ്ചാത്തലത്തില് ചിത്രത്തിന്റെ റിലീസ് മാറ്റിവയ്ക്കുമെന്ന തരത്തില് ചില അഭ്യൂഹങ്ങള് ഉയര്ന്നിരുന്നു. എന്നാല് അത്തരം പ്രചാരണങ്ങള് തെറ്റാണെന്നും ചിത്രം ജനുവരി 21ന് തന്നെ തീയേറ്ററില് എത്തുമെന്ന് സംവിധായകന് വിനീത് ശ്രീനിവാസന് കഴിഞ്ഞ ദിവസം അറിയിച്ചു.
ഹൃദയം ജനുവരി 21ന് റിലീസ് ചെയ്യാനുള്ള തീരുമാന്തിന് ഒരു മാറ്റവും സംഭവിച്ചിട്ടില്ലെന്നും ലോക്ക് ഡൗണ്, സണ്ഡേ കര്ഫ്യൂ, നൈറ്റ് കര്ഫ്യൂ എന്നിങ്ങനെയുള്ള നിയന്ത്രണങ്ങള് ഒന്നും വരാതിരുന്നാല് 21ന് ചന്നെ കേരളത്തിലെ തീയേറ്ററുകളില് എത്തുമെന്നാണ് വിനീത് ശ്രീനിവാസന് അറിയിച്ചത്. റിലീസ് മാറ്റിവച്ചെന്ന പ്രചരണം ശക്തമായതിനാലാണ് വിനീത് ഇങ്ങനെ ഒരു വിശദീകരണം നല്കിയത്.
മേരിലാന്ഡ് സിനിമാസിന്റെ ബാനറില് വിശാഖ് സുബ്രഹ്മണ്യനാണ് ചിത്രം നിര്മ്മിക്കുന്നത്. മേരിലാന്ഡ് സിനിമാസിന്റെ 70ാം വര്ഷത്തില് ഒരുങ്ങുന്ന എഴുപതാമത്തെ ചിത്രമാണിതെന്ന പ്രത്യേകതയും ഹൃദയത്തിനുണ്ട്.
-
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
രേണു സുധിയെ ദുബായ് പൊലീസ് നാട്ടിലേക്കു കയറ്റിവിട്ടു? പ്രതികരണവുമായി രേണു: താനിപ്പോഴും ദുബായില് -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല്
Click it and Unblock the Notifications
Sign in with Google