സ്വന്തം വാര്ത്തയ്ക്കെതിരെ സൈബര് കേസ് കൊടുത്ത് മീഡിയ വണ്.. എന്താണ് സംഭവം?
പത്രങ്ങളുടെയും ചാനലുകളുടെയും പേരും ലോഗോയും വെച്ച് വ്യാജവാര്ത്തകള് പടച്ചുവിടുന്നവര് സോഷ്യല് മീഡിയയില് ഇഷ്ടം പോലെ ഉണ്ട്. ഇത്തരം ആളുകള്ക്കെതിരെ മാധ്യമ സ്ഥാപനങ്ങള് സൈബര് സെല്ലിലും മറ്റും പരാതിയും നല്കാറുണ്ട്. എന്നാല് സ്വന്തം വാര്ത്തയ്ക്കെതിരെ ഒരു വാര്ത്താ ചാനല് സൈബര് സെല്ലില് പരാതി നല്കിയാല് എങ്ങനിരിക്കും.
ജമാ അത്തെ ഇസ്ലാമിയുടെ വാര്ത്താ ചാനലായ മീഡിയ വണ്ണിനാണ് കഴിഞ്ഞ ദിവസം ഇങ്ങനെയൊരു പറ്റ് പറ്റിയത്. 2014ല് തങ്ങള് തന്നെ നല്കിയ വാര്ത്തയ്ക്കെതിരെയാണ് മീഡിയ വണ് പരാതിയുമായി സൈബര് സെല്ലിനെ സമീപിച്ചത്. എന്നിട്ട് അതും വാര്ത്തയാക്കുകയും ചെയ്തു. ഉമ്മന് ചാണ്ടിയും സരിത നായരും സി പി എമ്മും ഉള്പ്പെട്ടതായിരുന്നു ഈ വാര്ത്ത.
സോഷ്യൽ മീഡിയ സംഗതി ആഘോഷിക്കുകയാണ്. ട്രോളുകൾ പറയുന്നത് പോലെ സംഭവം ശരിയാണെങ്കിൽ മീഡിയ വൺ പുലിവാല് പിടിക്കും.
ഇതായിരുന്നു വാര്ത്ത
ഉമ്മന് ചാണ്ടിയെ കുരുക്കാന് സി പി എം തനിക്ക് 10 കോടി രൂപ വാഗ്ദാനം ചെയ്തു എന്ന വാര്ത്ത മീഡിയ വണ് ഷെയര് ചെയ്തത്
എന്നിട്ടിപ്പോള് പരാതിയും
മീഡിയ വണ്ണിന്റെ പേരില് വ്യാജ പോസ്റ്റര്. സൈബര് സെല്ലില് പരാതി നല്കി എന്ന വാര്ത്തയും ഫേസ്ബുക്ക് പേജില് മീഡിയ വണ് ഷെയര് ചെയ്തു.
ട്രോളുകളും ഇറങ്ങി
ഒരു വ്യാജവാര്ത്ത ഫേസ്ബുക്കില് ഇട്ട് അതിന്റെ പേരില് ഒരു കേസ് കൊടുക്കാതെ സ്വസ്ഥതയില്ലാ... ട്രോളന്മാര് വെറുതെ വിടുമോ
വാര്ത്ത മുക്കി കേട്ടോ
ഈ വാര്ത്ത മീഡിയ വണ് മുക്കി എന്നും എന്നാല് തങ്ങള് സ്ക്രീന് ഷോട്ട് എടുത്തുവെച്ചിട്ടുണ്ട് എന്നും പറഞ്ഞ് ആളുകള് സോഷ്യല് മീഡിയയില് പോസ്റ്റിട്ട് തകര്ക്കുകയാണ്
സരിതയുടെ വെളിപ്പെടുത്തല്
സി പി എം തനിക്ക് 10 കോടി രൂപ വാഗ്ദാനം ചെയ്തതായി സരിത വെളിപ്പെടുത്തിയ മീഡിയ വണ്ണിന്റെ വാര്ത്ത മൂവായിരത്തിലധികം പേര് ലൈക്ക് ചെയ്യുകയും നാലായിരത്തിലധികം പേര് ഷെയര് ചെയ്യുകയും ഉണ്ടായി.