വിരാട് കോലിയും അനുഷ്‌കയും വീണ്ടും.. ഡിന്നര്‍ ഔട്ടിംഗ് ചിത്രങ്ങള്‍ വൈറല്‍!

സെലിബ്രിറ്റി കപ്പിള്‍സായ വിരാട് കോലിയും അനുഷ്‌ക ശര്‍മയും പിരിഞ്ഞു എന്നായിരുന്നു ഇതുവരെയുള്ള റിപ്പോര്‍ട്ടുകള്‍. കരിയറില്‍ ശ്രദ്ധ കേന്ദ്രീകരിക്കാന്‍ വേണ്ടിയാണ് തങ്ങള്‍ ഈ തീരുമാനം എടുത്തത് എന്ന തരത്തില്‍ താരങ്ങള്‍ തന്നെ പ്രതികരിക്കുകയും ചെയ്തിരുന്നു. അടുത്തിടെ വിരാട് കോലി അനുഷ്‌കയ്ക്ക് വേണ്ടി സോഷ്യല്‍ മീഡിയയില്‍ രംഗത്തെത്തിയത്, ഈ ബന്ധം ഇപ്പോഴും തുടരുന്നുണ്ടോ എന്ന സംശയങ്ങള്‍ക്ക് വഴിവെച്ചിരുന്നു.

മുംബൈയിലെ ഒരു റസ്‌റ്റോറന്റില്‍ വിരാട് കോലിയും അനുഷ്‌ക ശര്‍മയും ഡിന്നര്‍ കഴിക്കാനെത്തിയതോടെ ഈ സംശയം വീണ്ടും ശക്തമായിരിക്കുകയാണ്. വിരാട് കോലിയും അനുഷ്‌ക ശര്‍മയും ഡിന്നര്‍ കഴിഞ്ഞ് ഹോട്ടലില്‍ നിന്നും പുറത്തേക്കിറങ്ങുന്ന ചിത്രങ്ങളാണ് സോഷ്യല്‍ മീഡിയയില്‍ പ്രചരിക്കുന്നത്. ബാന്ദ്രയിലുള്ള ഒരു പോഷ് ഹോട്ടലിലാണ് ഇരുവരും ഡിന്നറിനായി എത്തിയത്.

വെവ്വേറെ കാറുകളിലാണ് വിരാട് കോലിയും അനുഷ്‌കയും റസ്‌റ്റോറന്റില്‍ എത്തിയത്. മടങ്ങിയതും വെവ്വേറെ കാറുകളിലായിത്തന്നെ. അനുഷ്‌കയെ വിരാട് കാറിനടുത്ത് വരെ അനുഗമിക്കുന്നതും തിരിച്ചുപോകവേ അനുഷ്‌ക ഒരു സുഹൃത്തിനോട് സംസാരിക്കുന്നതുമായ ചിത്രങ്ങളാണ് ഇപ്പോള്‍ സോഷ്യല്‍ മീഡിയയില്‍ വൈറലാകുന്നത്. ഡിന്നറിന് ശേഷം സല്‍മാന്‍ ഖാന്റെ ബാന്ദ്രയിലുള്ള വീട്ടിലേക്കാണ് ഇരുവരും പോയതെന്നും റിപ്പോര്‍ട്ടുകളുണ്ട്.

English summary

Virat and Anuksha's late dining pictures have made the headlines. According to the media reports, Virat and Anushka were spotted at a restaurant in Mumbai’s Bandra region.