അമൃതകീര്ത്തി പുരസ്കാരം പി. നാരായണക്കുറുപ്പിന്
കൊല്ലം: ഈ വര്ഷത്തെ അമൃതകീര്ത്തി പുരസ്കാരത്തിന് കവി പി. നാരായണക്കുറുപ്പ് അര്ഹനായി. 1,23,456 രൂപയും പ്രശസ്തിപത്രവും ആര്ട്ടിസ്റ് നമ്പൂതിരി രൂപകല്പന ചെയ്ത സരസ്വതിശില്പവും അടങ്ങുന്നതാണ് അവാര്ഡ്.
മാതാ അമൃതാനന്ദമയിയുടെ ജന്മദിനം പ്രമാണിച്ച് അമൃതാനന്ദമയിമഠം സമ്മാനിക്കുന്നതാണ് ഈ പുരസ്കാരം. ആദ്ധ്യാത്മിക ദാര്ശനികസാഹിത്യത്തിന് നല്കിയ സമഗ്രസംഭാവന മാനിച്ചാണ് കുറുപ്പിന് ഈ പുരസ്കാരം നല്കുന്നത്.
ഭാരതീയവിചാരകേന്ദ്രം ഡയറക്ടര് പി.പരമേശ്വരന്, ഡോ.കെ.അയ്യപ്പപ്പണിക്കര്, കാലടി ശ്രീശങ്കരാചാര്യ സംസ്കൃത സര്വകലാശാല മുന് വൈസ് ചാന്സലര് ഡോ.എന്.പി.ഉണ്ണി, മാതാ അമൃതാനന്ദമയിമഠം വൈസ് ചെയര്മാന് സ്വാമി അമൃതസ്വരൂപാനന്ദപുരി എന്നിവരടങ്ങുന്ന കമ്മിറ്റിയാണ് നാരായണക്കുറുപ്പിനെ അവാര്ഡിനായി തെരഞ്ഞെടുത്തത്. സപ്തംബര് 27-ാം തീയതി അമൃതപുരിയില് മാതാ അമൃതാനന്ദമയിദേവിയുടെ ജന്മദിന ആഘോഷച്ചടങ്ങില് ഗവര്ണ്ണര് ആര്.എല്.ഭാട്യ അവാര്ഡ് സമ്മാനിക്കും.