എത്‌നിക് വേഷത്തില്‍ വീണയെത്ര സുന്ദരി

ഗ്ലാമറിന്റെ പര്യായം പോലെയാണ് ബോളിവുഡിനെ സംബന്ധിച്ച് വീണ മാലിക് എന്ന പേര്. പാകിസ്താനില്‍ നിന്നെത്തി ബോളിവുഡിന്റെ ഇഷ്ട ഗ്ലാമര്‍ താരമായി മാറിയ വീണ മാലിക് അടിയ്ക്കടി വാര്‍ത്തകളില്‍ ഇടം നേടാറുണ്ട്. വ്യക്തിജീവിതത്തിലെ പ്രശ്‌നങ്ങളും ഗ്ലാമറിന്റെ അതിപ്രസരവുമായി വീണ പ്രത്യക്ഷപ്പെടുന്ന പരിപാടികളുമെല്ലാം ഏറെ ശ്രദ്ധിക്കപ്പെടാറുണ്ട്.

2000ത്തില്‍ റിലീസ് ചെയ്ത തേരെ പ്യാര്‍ മേം എന്ന ചിത്രത്തിലൂടെയാണ് വീണ അഭിനയരംഗത്തെത്തിയത്. ബോളിവുഡിന് പിന്നാലെ കന്നഡ ചിത്രത്തിലും വീണ അഭിനയിച്ചിട്ടുണ്ട്. ടെലിവിഷന്‍ മേഖലിയിലും സജീവമായ വീണ മുംബൈയിലെ ഫാഷന്‍ റാംപുകളിലെ പതിവ് താരമാണ്. പല ഫാഷന്‍ ഷോകളിലും വീണ മാലിക്കിന്റെ സാന്നിധ്യമുണ്ടാകാറുണ്ട്. അടുത്തിടെ ദില്ലിയിലില്‍ ഉത്ഘാടനം ചെയ്യപ്പെട്ട രഭ്യയെന്ന ഷോറൂമിന്റെ ഉത്ഘാടനത്തിലെ പ്രധാന ആകര്‍ഷണങ്ങളിലൊന്ന് വീണ മാലികിന്റെ സാന്നിധ്യമായിരുന്നു. ചടങ്ങില്‍ എത്‌നിക് വേഷത്തിലെത്തിയ വീണയുടെ മറ്റൊരു സ്റ്റൈലാണ് കാണാന്‍ കഴിഞ്ഞത്. ഇതാ രഭ്യയിലെത്തി വീണയുടെ ചിത്രങ്ങളിലൂടെ.

രഭ്യയിലേയ്ക്ക് സ്വാഗതം

പിങ്ക്, നീല കോമ്പിനേഷനിലുള്ള അനാര്‍ക്കലി വസ്ത്രത്തില്‍ അതീവ സുന്ദരിയായിട്ടാണ് വീണ രഭ്യയിലെത്തിയത്.

എത്‌നിക് ലുക്ക് ക്ലിക്കായി

പതിവായി ഗ്ലാമര്‍ വേഷത്തില്‍ പ്രത്യക്ഷപ്പെടാറുള്ള വീണയുടെ ഈ വ്യത്യസ്ത വേഷം വളരെ പ്രശംസിക്കപ്പെട്ടു.

രഭ്യയെന്ന ഡിസൈനര്‍ ഷോറൂം

നേഹ ഗുപ്ത, അനു ഗുപ്ത എന്നിവര്‍ ഡിസൈന്‍ ചെയ്ത വസ്ത്രങ്ങളാണ് രഭ്യയില്‍ ഉള്ളത്. എംബ്രോയ്ഡറിയും സര്‍ദോസി വര്‍ക്കുമാണ് രഭ്യയുടെ ഹൈലൈറ്റ്.

വീണ വാര്‍ത്തകളില്‍ സജീവം

കഴിഞ്ഞ കുറച്ചുനാളുകളായി വാര്‍ത്തകളില്‍ സജീവമാണ് വീണ മാലിക്. അഷ്മിത് പട്ടേലുമൊത്തുള്ള സെക്‌സി സീനുകളും ഷാരൂഖിന്റെയും സല്‍മാന്റെയും പടത്തില്‍ അതിഥി താരമാകില്ലെന്ന വീണയുടെ പ്രസ്താവനയുമെല്ലാം വലിയ വാര്‍ത്താപ്രാധാന്യം നേടി.

കരുത്തുറ്റ കഥാപാത്രങ്ങളെ പ്രതീക്ഷിച്ച് വീണ

തനിയ്ക്ക് കരുത്തുറ്റ കഥാപാത്രങ്ങള്‍ ചെയ്യാനും സ്ത്രീപക്ഷചിത്രങ്ങളില്‍ അഭിനയിക്കാനും താല്‍പര്യമുണ്ടെന്ന് വീണ അടുത്തിടെ വ്യക്തമാക്കിയിരുന്നു.

English summary

Veena Malik recently visited the Rabhya store in South Extension, Part 2, dressed in outfits from the store's latest collection.